三歲半自傾仔 k1 開學一個月已被校長及老師問會否轉校

monictw

大家好，仔仔係輕度自傾，剛讀主流幼稚園k1 , 佢最大問題是對做早操，聽故事，唱遊等大部份活動無乜興趣就周圍走，在禮堂做大早操就更甚，走到幼稚園大門口話要搵媽媽，而校長及老師亦明示仔仔咁樣會影響其他人上堂，其他小朋友會有樣學樣，同埋要額外人手睇住我個仔。 聽完當然心情直插谷底，當初我一早同班同講亞仔有自傾係想班主任體諒我仔，可能係我一相情願，又可能亞仔真係帶比其他人太多麻煩。
其實仔仔下午會返E 位，幼兒導師都覺得校長太早就叫轉位，小朋友要時間適應同埋做訓練。 佢亦比左建議我叫老師係仔仔活動範位地上畫個圈，如果仔仔唔出界就稱讚及獎勵 (仔仔係單對單訓練呢個方法係OK)，但老師會否做係另一回事。 而校長有個OFFER 比我就係暫時允許我陪仔仔上堂，背後意思應該係一來有人睇住佢影唔到其他人，二來睇下仔仔情況再問下幼兒導師意見。。

各位同路人，其實的睇過其他POST 都有自傾甚至無自傾小朋友都有周圍走影響他人行為，請問有無過來人分享教育經驗？ 而校長個方法會唔會令亞仔習慣左會陪佢返學依賴左？我呢個MOMENT覺得好無助。。

Winniebabe

我仔都係今年返主流返K1， 又係自傾。學校又係叫我陪上堂。因我仔勁痴身，我由九月陪到依家。不過我每日都係同佢返個半鐘左右，因我無咁多時間係度陪同。來緊11月我仔就返密集訓練。因時間同幼稚園撞左，所以幼稚園佢暫時唔返住，因完全跟唔到，多數返去遊魂，而且又要我陪上堂。

maxm838

我覺得校長的方法不錯，家長陪讀就相當於小朋友的影子老師，可以在旁邊提醒小朋友怎麼做，還可以用aba的方式引導小朋友適應幼稚園生活，比如乖乖坐定幾分鐘就給獎勵等。等小朋友習慣后，再慢慢減少陪讀時間。

maxm838

我小朋友也是自閉傾向。他剛入幼稚園的時候也有這類問題，上課坐不定騷擾其他小朋友，情緒控制差經常發脾氣，好在他幼稚園是新校剛開，學生很少，所以學校沒有建議退學。
開始他還有行為問題，有時會推人打人，他班主任會坐他旁邊，防止他打人，看他走神也會提醒他。他班主任有親屬做社工，所以會教導這類小朋友。我小朋友如果做的好，班主任會立刻獎勵提子干，做得不對就會立刻懲罰。媽媽陪讀其實就是這個作用。再就是晚上要跟小朋友溫書，提前熟悉上堂內容。
經他班主任教了半年，我小朋友進步很大，還得了最佳進步獎。

maxm838

升班後，新班主任沒有特殊對待他，也沒有安排老師坐他旁邊，學期初偶爾出現行為問題，但不嚴重。有跟新班主任溝通如何處理，最近兩個月沒有收到投訴電話，感恩。今日家長會，老師表揚他進步很大，説他知道如何跟小朋友溝通，上課會舉手回答問題，很少走動。他的學期評估
表，認知的項目基本是最佳，情緒控制和行為的項目也从之前的差變為良好。
這是我小朋友的經歷，僅供參考。

BB0318

monictw 發表於 18-10-10 21:21
大家好，仔仔係輕度自傾，剛讀主流幼稚園k1 , 佢最大問題是對做早操，聽故事，唱遊等大部份活動無乜興趣就 ...

其實樓主幫囝囝選校係選左一線出名學校嗎？每班人數都好多嗎？吾知樓主入學前怎樣同學校講小朋友情況,講真小朋友甘樣真係非常影響其他小朋友,如果吾轉校就只可以媽咪做影子老師一直跟住,我自己囝囝之前一直未有學校收我就净返密集班到11月再搵一間吾太多人選嘅學校讀下午班,老師同校長都非常有愛,我亦同老師講如果小朋友吾合作可以除時call我到學校

monictw

回覆 maxm838 的帖子

謝謝，但我唔太清楚aba係咩，不過我會上網了解下

monictw

回覆 maxm838 的帖子

聽到都替你開心，你又遇到好老師，仔仔班主任似乎不太想比多啲時間佢，佢同我講佢都要照顧其他小朋友，會對其他人咁公平。。 anyways 可能真係要比時間仔仔適應

monictw

回覆 maxm838 的帖子

請問你有無額外比訓練佢?

monictw

回覆 BB0318 的帖子

仔仔間學校係北區一間普通學券幼稚園， 唔係出名的。我都明白咁樣會好影響其他小朋友， 唯有試下同佢上堂同埋畀訓練佢 ，如果真係唔得係唯有真係轉去學其他學校。。Anyway 謝謝你

su-bb

monictw 發表於 18-10-13 22:45
回覆 BB0318 的帖子

仔仔間學校係北區一間普通學券幼稚園， 唔係出名的。我都明白咁樣會好影響其他小朋友 ...

我女之前有返過密集班，見佢係慢慢有進步至到可以入小組。個人覺得搵到適合嘅學校好緊要，因為老師治療師始終都係專業啲，係幼稚園老師普遍未識得教佢哋，就算佢哋識有耐性，其他小朋友也要照顧。其實特別需要嘅小朋友好有機會都係坐埋一邊或者由得佢走來走去，咁樣佢完全學唔到野，老師都係愛莫能助。

Lena211

我今日都有收到學校電話問阿仔幾時可以番s位(emoji)(emoji)真係喊左出黎，即使幾明白阿仔會遇到既困難，我都預計過係會收到呢啲電話，但聽到都係忍唔住。

monictw

su-bb 發表於 18-10-18 12:43
我女之前有返過密集班，見佢係慢慢有進步至到可以入小組。個人覺得搵到適合嘅學校好緊要，因為老師治療師 ...

你講得好岩, 我覺得SEN 小朋友需要有愛心耐性老師多過讀名校我仔仔而家情況有D似你形容咁, 我仔好中意巴士同玩門, 係學校當佢有行為問題
例如:唔聽指令及周圍走玩門 老師就會比架巴士佢咁佢就會定落黎
其實我同先生都覺得呢個唔係一個好既方法,但我都明白老師唯有係咁先可以令我個仔唔影響到其他人
變左我仔有巴士在手,佢就唔會參與課堂活動..變相成為你講既坐埋一邊既學生亦都學唔到野..
唯有同自己講 開始個半月..再比時間仔仔適應..

monictw

回覆 mamaa01 的帖子

其實我都係開左呢個POST先知有影子老師呢樣野我老公都陪仔仔返左兩日學.老師話都有正面影響
咁我老公算唔算影子老師?
又抑或 影子老師係我出面請返黎?
sorry 咁多問題 ..我真係唔太知係咩

monictw

Lena211 發表於 18-10-19 20:43
我今日都有收到學校電話問阿仔幾時可以番s位(emoji)(emoji)真係喊左出黎，即使幾明白阿仔會遇到既困難，我 ...

你仔仔都係K1? 明白你既感愛, 當初我放棄 I 位 而揀主流+ E位 都有諗過被問'轉校' 呢個問題..的確好心痛.
你仔仔係學校情況如何?

su-bb

monictw 發表於 18-10-19 23:44
你講得好岩, 我覺得SEN 小朋友需要有愛心耐性老師多過讀名校我仔仔而家情況有D似你形容咁, 我仔好中意巴士 ...

先做左詳細嘅評估，先知道小朋友有乜嘢特別需要再俾適當嘅訓練佢，其實坊間有好多唔同形式嘅訓練方法，例如：協康會，都明白係好急想把握訓練機會，另一方面亦都唔可以咁亂，要上網睇多啲資料，了解一下唔同嘅學習訓練方法，大家都係過來人，有乜嘢問吓，有好多人都答到嚟㗎，可能最後check 咗冇事呢,加油(emoji)(emoji)

carlabee

回覆 monictw 的帖子

好明白你的感受, 其實你可以考慮讀I位, 因為有特殊老師額外照顧小朋友, 而且每天都有半小時訓練, 特殊老師好有經驗, 好識點教 SEN 小朋友‧而且好多SEN小朋友入讀兼收幼稚園都會明顯有好大進步, 你可以認真考慮一下.

我個人覺得I位比E位好, 因為大人和小朋友不用舟居勞動去訓練地方, 每日在兼收幼稚園都有主流小朋友 + 特殊老師照顧, 對大人和小朋友都好好.  

JanPY

我囝仔而家二歲十個月...一歲半時係私家confirm自閉症...已經即時開始training....之前上私校N班又係投訴到我驚...而家囝上咗津貼主流K1下午班...學校好包容...都照顧到我囝...但始終冇特殊幼師...如果真係要囝學到課本知識...好困難...咁啱上個月排到CAC評估...我囝主要係言語同理解出問題...同醫生傾完...我同老公決定由E位轉排S位...希望有專業人士跟...佢真係學到課本上既知識...唔想因爲我哋對“特殊”呢兩個字既抗拒而耽誤治療嘅黃金期...因為我囝係細B可以之後考慮出返主流repeat K3先再上小一