請問有邊間私立 直資 包容 關愛學生 多啲?

SunnyDay0225

我個小朋友成績同埋自學能力都唔錯, 但係情緒控制方面一般, 好怕尷尬 ,一出現尷尬情況就會 鑽牛角尖, 要 5至10分鐘時間 先能平靜, 老師說一般只顧催谷成績嘅學校未必能夠包容. 要選擇一啲多關愛的學校.
請問大家九龍區方面有冇好介紹？

Binlojai

回覆 SunnyDay0225 的帖子

嶺南大學香港同學會小學
培道小學

lulumelody

啟基

tpmon

SunnyDay0225 發表於 18-7-12 15:31
我個小朋友成績同埋自學能力都唔錯, 但係情緒控制方面一般, 好怕尷尬 ,一出現尷尬情況就會 鑽牛角尖, 要 5 ...

上面兩位EK會員推薦的出名關愛Happy Schools。

不過這類關愛Happy Schools，你不可期望它們的升中派位成績，數字一定比那些主流程度好的谷校差很多。

retriever

SunnyDay0225 發表於 18-7-12 15:31
我個小朋友成績同埋自學能力都唔錯, 但係情緒控制方面一般, 好怕尷尬 ,一出現尷尬情況就會 鑽牛角尖, 要 5 ...

救恩

lulumelody

retriever 發表於 18-7-13 14:13
救恩

樓主要九龍區!

SunnyDay0225

多謝，老師說學術他完全不用擔心，只要處理好他的情緒，學術無論在那也可以發揮得到。

SunnyDay0225

我都好想揀成績好嘅學校， 奈何情緒心智發展比起成績，我只能夠選前者。

juneforgbb

嶺小/培道/啟基都係比較關愛學校, 但都係要經過面試, 如果面試中小朋友出現情緒問題亦都未必咁易有offer,所以"治標"先係最重要

retriever

lulumelody 發表於 18-7-13 14:37
樓主要九龍區!

禮賢!

SunnyDay0225

明白治本最重要，所以已經開始同他上認識情緒堂，希望可以引導到他學識情緒管理
另外，面試時間短，而且在陌生環境反而他会收斂一點！

iamadc

SunnyDay0225 發表於 18-7-13 14:49
多謝，老師說學術他完全不用擔心，只要處理好他的情緒，學術無論在那也可以發揮得到。
...

當年我仔老師同我講了同一番說話！但我住港島，不合你條件。老師都知道佢情緒可以好激動，但次數不多，他們都話佢在進步，沒有因此而硬碰硬。這的確令我安心，亦不會為要考到最好而憂心，温少少都中上。反而因爲學校鼓勵音體，發展更多元，對情緒有幫助。

SunnyDay0225

iamadc 發表於 18-7-13 19:46
當年我仔老師同我講了同一番說話！但我住港島，不合你條件。老師都知道佢情緒可以好激動，但次數不多，他 ...

咁當年你有冇因為老師咁講,而揀咗一間包容學校？
我哋見咗音小， 雖然未知道結果， 但我想如果 有宗教嘅大愛同埋音樂抒發情緒， 對我朋友係一件好事

iamadc

SunnyDay0225 發表於 18-7-13 21:19
本帖最後由 SunnyDay0225 於 18-7-13 21:20 編輯

咁當年你有冇因為老師咁講,而揀咗一間包容學校？

有自知之明，所有谷、嚴的學校都無報。本來老師都話這間到高小會幾competitive, 因佢知道有不少人跳去國際學校，但初小幾輕鬆。

音小有offer 但地點、宗教不是我們首選。

如要學音樂，並有要求，令到每粒音都要靚，需要大量返覆練習的。要看看孩子能不能有這耐性！

我反而覺得體育對情緒管理有效很多，放到電又可以team building.

Lovelebron

但同學你是選擇不到的

SunnyDay0225

遇到好老師同埋同學真係好睇際遇, 呢個我控制唔到!
但係主要催谷成績嘅學校, 大多數同學之間都會競爭大, 老師又冇時間處理小朋友感受同埋同輩之間嘅糾紛. 這類型的學校唯有避開.

wongtw

津校天虹又如何，又或者較多外籍老師的崇真國際部。

worldcat

身邊朋友曾經有相似問題，學術一流但情緒管理好差。簡單到可能大人向佢講一件事情有另一種做法，但並非小朋友所想就會好易發脾氣/尖叫/激動。事後小朋友可能都會跟住做亦知道自己唔啱，但偏偏當時就控制唔到情緒。

佢小一培道小二轉左嶺小，宜家仲有一雨年就畢業。我接收到係，培道老師都好好，但好難避免要同其他小朋友相處。其他小朋友未必係針對或有甚麼特別企圖，但始終都係小一人仔，所以有時同學會有心無心間刺激到朋友囝囝。老師都有跟進同學仔之間關係，亦有同朋友溝通，但朋友考慮左好多因素後都嘗試轉校。其中佢考慮嶺小，其中收生人數比較少係主要原因。最後小朋友考到嶺小插班亦係學校讀得幾開心，之後同朋友傾計，佢都好興幸嶺小更適合佢個囝。

培道學術要求比較高，同時同學仔父母對好多事都會要求高啲。  唔係對錯問題，只係你要明白自己將來可能要面對學校某方面嘅壓力。
嶺小學生密度比較低，課程亦真係以活動型式教學，小朋友應該會較易適應同無咁易被激發情緒。但學術較低所引身問題就係升中機會，小朋友大啲後情緒改善左並且保持學術一流都未必咁易考到名中。

希望你為你小朋友搵到間合適學校。

joygigi

worldcat 發表於 18-7-14 22:55
身邊朋友曾經有相似問題，學術一流但情緒管理好差。簡單到可能大人向佢講一件事情有另一種做法，但並非小朋 ...

你朋友個仔同我個仔簡直完全一樣

bbkingdombb

worldcat 發表於 18-7-14 22:55
身邊朋友曾經有相似問題，學術一流但情緒管理好差。簡單到可能大人向佢講一件事情有另一種做法，但並非小朋 ...

補充少少關於升中派位, 如果能夠在嶺小保持前40%, 多年來都可以派到迦密長天東九匯基培基等等, 所以又不需要太擔心升中派位.