呈一派卷, 我都有點失望

yovin

asweetmom 發表於 18-6-14 07:22
本帖最後由 asweetmom 於 18-6-14 07:24 編輯

其他家長都沒有興趣取經？

在場做報告時「沒友」
其他時間/家長→唔知呢？

本人(全家)確確實實是凡人 。真的好唔希望再見神媽！ 我怕自己 道行未夠 一時忍唔住 X 了媽。

我記得啦，在場另一家長細細聲同我講: 敬而遠之。

yovin

猴子爸 發表於 18-6-14 09:18
其他同学可以放心，到最后他们一定会赢神人，面对这样的未来外母，男人们都会懂得选择的，神人的市场将来会 ...

神人性別:男

應該係 「未來奶奶 」， 你令我諗起 阿媽年代 粵語殘片 → 黃曼梨 和 白燕。

新抱仔， 哭多吉少！
      

猴子爸

yovin 發表於 18-6-14 09:48
神人性別:男

應該係 「未來奶奶 」， 你令我諗起 阿媽年代 粵語殘片 → 黃曼梨 和 白燕。

同样道理啦. 随时话：你要阿妈定系要我？最后阿仔发癫跳楼死，米就系这种咯

little_yolky

yovin 發表於 18-6-14 09:43
在場做報告時「沒友」
其他時間/家長→唔知呢？

我哋學校D神媽、神爸又好nice喎。神一: 嚴格要求小朋友; 神二: 要求小朋友反思; 神三: 塞小朋友溫書/check功課。神二同神三經常換位, 神一只有一個學期我去寶座。至於阿四、阿五就係迷一樣, 都唔知係邊個同學。

Kalongmama

little_yolky 發表於 18-6-13 14:59
但係聽隔離帖話呈二一般係較深....................

死啦, 我哋依家考緊呈一, 第一科已經話好深, 聽 ...

都吾一定。
我校呈一深，亞仔吾高分考得前。呈二淺，人人高分，亞仔也是穩定分數，結果兩次呈分分數加埋考得好後。所以若呈一失手，呈二追返，亦有機會追前。

littlelamlam

IloveJJ 發表於 18-6-14 09:40
勁!
數只有一份?常無考時事嗎？
我仔錯了兩題時事，如果啱埋都有9字頭就好

數得一份, 我地常識無時事選擇題, 但有時事剪報同六何法答題, 如果小朋友平時閲讀理解好係有優勢的! 今次我好開心呀囡無寫錯字   因為之前試過常卷寫錯10個字被扣5分(0.5一個), 比我鬧到扒係道

littlelamlam

IloveJJ 發表於 18-6-14 12:05
我哋有時事題，仲有時事分析題，我仔分析嗰版全對的，但時事就唔識兩題
...

我地幾年前仲有時事選擇題架, 近呢幾年至改形式, 起碼顧少一part

其實好難tip中架, 可能好多人都錯呢

little_yolky

Kalongmama 發表於 18-6-14 11:29
都吾一定。
我校呈一深，亞仔吾高分考得前。呈二淺，人人高分，亞仔也是穩定分數，結果兩次呈分分數加埋考 ...

捱埋聽日就脫苦海！今日英文同聖經, 又大步lam過。俾個英文老師嚇死, 又話好深。

little_yolky

IloveJJ 發表於 18-6-14 12:43
唔會啦！其實嗰題好易，係我哋睇TVB先唔識，佢問邊個國家主辦世界盃?
...

俄羅斯！

Kalongmama

IloveJJ 發表於 18-6-14 12:43
唔會啦！其實嗰題好易，係我哋睇TVB先唔識，佢問邊個國家主辦世界盃?
...

咁真係好易

Kalongmama

IloveJJ 發表於 18-6-14 15:35
係呀！所以係好易，只不過我哋無睇ViuTV先唔知。

我仔只睇體育台，連首播邊對好清楚

asweetmom

little_yolky 發表於 18-6-14 09:01
我聽講, 佢阿媽如果無95分, 係會鬧人既............

我們那個級一的媽媽不會打駡，她是扣零用錢、減少去街/玩樂時間，直到拿回級一。

pauljr

littlelamlam 發表於 18-6-12 18:36
今日派左中, 英, 呀囡五年級英文一直全班最高, 上次有97.5, 中文亦不錯, 係數學弱少少, 但今次英文只有91分 ...

唉，我個仲慘，數學一直都數一數二，今次呈一中英文全級第一，諗住好囉，安樂哂囉，點知科數居然滑鐵盧，得7x，去左中游，突然跌咁多，仲要係呈一，唔止我同小朋友失望，連數學老師都要開解小朋友，壓力大直係唔可以睇少。
傷心失望過後，我同小朋友都傾左好耐，佢升中目標無變，仲主動叫我暑假買本練習俾佢重溫小五數學，話要打穩基礎升小六，佢一直冇補習，亦冇上任何有關學術既班，靠自己今次中英好到爆哂燈，我第二日即刻走去訂機票，同佢慶祝兼散心。

人要向前望，呈一都只係人生第一個叫做比較重要既考試，今次少少挫折，係預先為未來跳得更高更遠作熱身，我會一直為佢加油，陪佢開心傷心，要相信自己。

littlelamma

littlelamlam 發表於 18-6-12 18:36
今日派左中, 英, 呀囡五年級英文一直全班最高, 上次有97.5, 中文亦不錯, 係數學弱少少, 但今次英文只有91分 ...

Ha.Ha 我個網名同你個網名好似,連遭遇都差不多,孩子都是小五呈一, 本來整個小五都是中英數好好,全是全級第一,在呈一緊張關頭數大失手, 數由平均99.5跌到89.

出成績果日我剛剛不在香港, 佢都好唔開心打電話悿我, 我回來同佢講, 唔洗睇得太嚴重, 我知道你盡左力, 人生咁長總會遇到失敗, 這次失敗將會成為你人生寶貴財產.

其實我自己就真的沒所謂, 某程度仲好, 等佢學習面對, 升中來說, 我已經調整心態,覺得點都有書讀, 去到那中學只要遇上好老師好同學, 都是好中學, 加埋努力讀就得. 不過佢升中目標只是想升普通的B1就可以, 佢最希望好朋友一齊升同一間,所以反而唔可以太top的。

bobbob

pauljr 發表於 18-6-15 09:13
唉，我個仲慘，數學一直都數一數二，今次呈一中英文全級第一，諗住好囉，安樂哂囉，點知科數居然滑鐵盧，得 ...

唔好介意，數學級一攞7x分真係幾驚嚇，係因為過份自信，唔小心，定真係基礎不穩？作為家長真係要仔細分析下

熱媽

bobbob 發表於 18-6-15 11:12
唔好介意，數學級一攞7x分真係幾驚嚇，係因為過份自信，唔小心，定真係基礎不穩？作為家長真係要仔細分析下 ...

我女一向數學唔差，今次差咗係因為將條文字題複雜咗去計，人地只係普通減數就可，但文字上可能寫得刁鑽咗，佢就唔太明咁計錯了，收到卷果時，佢差D哭了出了(因中作又失手，連數學都保唔住)，但為了面子死忍. 有時D同學真係唔相信D數會咁簡單就諗多咗！