德萃小學

ericaivan

Felix223 發表於 18-6-16 17:13
我唔認同你所講，呢度有個真正用家是我認識，都已經開始對學校提問緊問題？佢唔會單方面不停歌頌？其實學 ...

其實不是今天會問問題，由day 1 我都有問題問，講真我算係一個麻煩同有要求的家長，每間新校舊校都應該會有改善的空間，不是旁邊人話好同唔好我就信，而是用家自己的感受，我地兩公婆讀了咁多書會識點分析間學校啱唔啱阿女，正如阿女讀n班時，旁邊的人覺得點解要入間七千幾元的學校，又唔係教得好深，我由始至終揀學校不是要揀教深的學校，我始終相信自己有興趣學會好過強迫佢死記。我好多年前在補習社做， d 名校學生都同我講佢地d 所謂track record咪就係靠佢地出去補習溫書考返來，有幾多個真是靠學校老師教而考得勁?而我身邊亦有名中學老師朋友，佢都同我講，其實佢d 學生真係個個都要補習，最諷刺係話搵返佢地補，收人地800元一個鐘，佢咪又係那些料，點解上堂唔可以教，要另外俾錢補習?同一樣嘢，真係中學老師有料到就不會造就咁多補習天王天后啦！所以我地反而覺得揀得學校有語境同令佢有學習興趣緊要過有什麼track record。你可能會覺得我傻，其實你諗真d, 點解要生小朋友出來?要佢做考試機器?我亦相信小朋友在學校學嘢會得著過讀津校用這舊錢來補習同學興趣班。因為放學後已經又要做功課等，但係又要抽時間去上英文，普通話等的堂，我唔會覺得好過佢學校已經有這樣嘢。我真心覺得討論問題可以，但不是覺得自己係專家而批判任何一間學校好與壞，之前有人質疑學校有冇呈分試，已經答了有，亦質疑常識是否符合要求，我亦都答了佢地真係有一科以中文教的常識及另一秔係以英文教的science,不是兩科夾埋一齊叫social science. 每位小朋友假如有cky喺手就話點解選佢，大家做家長都經歷過考學校，都知道不是只有你揀學校，是互揀的。你想入不等如人地會收，人地收亦不等如適合讀，所以真係只有適合小朋友學校而沒有最好的學校。聽過好多人入了女拔都要出返來。

mcl203

ericaivan 發表於 18-6-16 18:53
其實不是今天會問問題，由day 1 我都有問題問，講真我算係一個麻煩同有要求的家長，每間新校舊校都應該會 ...

你仲未分清楚，強校係教懂你有好既武功根底，只係你要上武台比武就去補習社操行佢。強校唔教武功，單靠補習社，是否反映B3中學一樣可以達至強校水平，多去補習社就得。聽說女拔甚麼要行番出黎，要先弄清楚事情真實性，來源，學生背景，或許，行番出黎係去放洋，志不在港升學～～～

Soundervolt

ericaivan 發表於 18-6-16 18:53
其實不是今天會問問題，由day 1 我都有問題問，講真我算係一個麻煩同有要求的家長，每間新校舊校都應該會 ...

任何學校都有人適合，有人唔適合，不過實在太多人只聚焦喺一群不適合嘅人，尤其係喺傳統名校成績滯後嘅學生。去補習嘅學生唔係讀唔惦嘅學生專利，當中亦有尐本身能力十分高嘅學生，為咗鍛練考試技巧一樣去補習，所以唔應該用以前喺觀念去睇去補習嘅學生。

ericaivan

mcl203 發表於 18-6-16 19:04
你仲未分清楚，強校係教懂你有好既武功根底，只係你要上武台比武就去補習社操行佢。強校唔教武功，單靠補 ...

其實我真係唔like 現在的戕況，小學生或者到幼稚園生要出去補習，先達到所需要的嘢，你唔覺得做學生慘過做大人呢？
而女拔出返來就係頂唔住佢地太谷的環境，話唔谷就唔會不停測驗，默書等。

ericaivan

Soundervolt 發表於 18-6-16 19:37
本帖最後由 Soundervolt 於 18-6-16 19:50 編輯

任何學校都有人適合，有人唔適合，不過實在太多人只聚 ...

我就係唔用以前諗法，係有學生本身band 1學校要出去再補習先攞好成績，不過我自己本身會覺得已經係Band 1學生，應該係由老師再令佢攞好成績，而不是要出去補習，你地覺得原來返學加補習先令成績先好，我會接受唔到，我係緊張阿女成績，但我唔會想因為每日要迫佢溫書令母女關係變了差。所以我先會行這步，你話我用阿女前途較飛，我又唔覺。我知你地話擔心d人不聽老人言，會後悔。我諗揀得這間學校的家長唔係諗住有錢搞掂，而係想大家關係良好先再跟進成績，其實內裏家長都緊張成績。

Vanadium

ericaivan 發表於 18-6-16 20:36
我就係唔用以前諗法，係有學生本身band 1學校要出去再補習先攞好成績，不過我自己本身會覺得已經係Band 1 ...

睇過你以上幾段有關band 1補習，唔想仔女都不斷補習既留言，感覺你對現在中學教育既情況唔太了解，亦存在誤解，不過不想花篇幅在此討論了。

不同既教育模式會出不同既效果，見好多家長強調"唔想A唔想B"，但就要知唔想A及B，就要接無A及B可幫到手既結果。

我舉個例，好多人只著眼小朋友補習好辛苦為考試成績，但就忽略呢個過程，係唔覺意訓練左小朋友一個好堅毅、為目標好努力既精神，而呢啲態度，先係影響佢一生，好大機會為佢帶黎成功，而唔係個考試成績啊!

真正令一個人成功既，係性格而唔係考試成績，而好既性格除天生，亦要有環境磨練出黎，太多家長忽略呢一點。

Soundervolt

ericaivan 發表於 18-6-16 20:36
我就係唔用以前諗法，係有學生本身band 1學校要出去再補習先攞好成績，不過我自己本身會覺得已經係Band 1 ...

我並非話返學+補習=好成績，只係話各人有各人需要，有尐確實要補底，但有尐只為精益求精去鍊學校唔會教嘅考試技巧或操past paper，唔代表學校教唔出出色嘅學生。讀書要有好效果唔單止喺睇下讀邊間學校咁簡單，學生本身嘅質素亦係關鍵，例如小朋友本身嘅學習動機、專注力、閲讀習慣、毅力、責任心、自理能力、時間管理同其他父母應該幫小朋友喺家庭生活中去培養嘅基本功，而唔係一起步只集中喺分數之上。身邊好多讀得開心又好成績嘅傳統名校學生都具備已上特質。

mcl203

ericaivan 發表於 18-6-16 20:18
其實我真係唔like 現在的戕況，小學生或者到幼稚園生要出去補習，先達到所需要的嘢，你唔覺得做學生慘過做 ...

既然你已經決定左係女拔離校既一定係頂唔住，似乎答案在你而言只有一個～～～

補習一定反映校內唔教書，咁只可以尊重你個人既認為～～～

summer2015

啱啱睇上一頁先發現呢個post咁重火藥味......我自己從來唔會話人係打手，但我同時唔認同某啲家長話呢度容不下對學校既正面評價。喺呢個小一選校區問得，即係想對學校了解多啲啫，對一間開校僅僅兩年既學校問多幾句真係正常不過，如果「用家」覺得已經答到唔耐煩，或者好似某位家長咁講會影響自己情緒，咁點解唔乾硊唔睇一了百了？（個人認為用「用家」呢個字形容自己好奇怪，好似講到學校係電訊供應商咁）支持信任學校係好事，但唔需要咁樣對待有野問既家長掛，好似hkpapa問果兩條問題其實好factual，但已經俾人鬧多管閒事...
其實無人想呢間學校死既，唔通佢唔掂其他人會多忽肉咩

964000

呢間學校真惹火，個中文名之前又比人告抄襲

964000

summer2015 發表於 18-6-14 09:06
我諗真係睇你好唔好彩，遇着咩人教。我自己係用家，小朋友升五，教我個仔每英文老師三年級時完全無教gramma ...

一間學校通常初小是密月期，高小才見真章

summer2015

回覆 sasameoileat 的帖子

你咁快已經放棄左原有既學位？會唔會試下考其他私校啊？或者打去教育局／學校問清楚先，雖然未必答倒所有野，但總叫知多少少

ericaivan

Soundervolt 發表於 18-6-16 20:59
本帖最後由 Soundervolt 於 18-6-16 21:39 編輯

我並非話返學+補習=好成績，只係話各人有各人需要，有 ...

我贊成你講讀唔讀到書真係靠好多因素，亦靠好多嘢，所以選學校真係各有各需求，我又覺得家長同學生讀得開心就夠， 咁咪得， 由始至終你地有的問題話幫其他家長選學校，我身為家長知咪答，唔係好似另一回覆話我自稱用家，這個稱呼好似係這度的語言，咁大家like叫讀緊的用家咪用家，家長咪家長。其實我只係會覺得好似另一個回覆都講，唔好你地不停講這間學校的壞處，你知唔知咁對讀緊同教了兩年的老師係一個好大的傷害。其實佢地真係這兩年好有心咁教，我見住明明知係新仔，大家冇信心俾佢教，但係見住佢喺這一年對小朋友的教學熱誠，愛心同態度，這樣家長會覺得係好過一個教了好多年好hea的老師多多聲。所以這校的家長不是對學校冇要求的。

VRVR

ericaivan 發表於 18-6-16 23:07
我贊成你講讀唔讀到書真係靠好多因素，亦靠好多嘢，所以選學校真係各有各需求，我又覺得家長同學生讀得開 ...

贊成有教學熱誠，有愛心的老師比有經驗的老師更重要.

mamaishere

Vanadium 發表於 18-6-16 20:57
睇過你以上幾段有關band 1補習，唔想仔女都不斷補習既留言，感覺你對現在中學教育既情況唔太了解，亦存在 ...

英美澳加北歐非華人社會喺零補習風氣無催谷嘅情況下，佢哋係點培養毅力，為目標努力，責任心，時間管理等等？難道佢哋以上嘅特質全部都比不上港童？個人認為港童嘅高分低能公主王子病係非常嚴重。請不要神化補習社！呢啲特質可以喺其他生活環境習慣或嗜好上培養到，唔需要用補習去磨練！

Soundervolt

mamaishere 發表於 18-6-16 23:52
英美澳加北歐非華人社會喺零補習風氣無催谷嘅情況下，佢哋係點培養毅力，為目標努力，責任心，時間管理等 ...

首先我並不贊成依賴補習係正確嘅學習模式，不過現時因為華人學生嘅補習文化，已經漫延到好多英美澳大城市嘅本地或外來學生身上，大家都為咗爭取好嘅大學學位而向分數競賽。

Vanadium

mamaishere 發表於 18-6-16 23:52
英美澳加北歐非華人社會喺零補習風氣無催谷嘅情況下，佢哋係點培養毅力，為目標努力，責任心，時間管理等...

你講既港童係咪日頭會返學，好努力讀書，放學去補習，為準備考試溫書至可能廢寢忘餐果啲?

定你講既港童係返學(或返工)怕辛苦，淨想輕輕鬆鬆，只做自己鐘意做既野，有咩就覺得人迫佢，一迫佢就唔開心發脾氣唔做果啲?

所以我係好唔明，究竟教育係咩? 係教一個小朋友點樣努力，適應生活，應付困難，面對逆景，定係為佢安排一個開心、安舒既環境，等佢成長無風無浪?

唔同你拗咩教育會出咩人了，若講hea學童，英美或西方一定比香港比率高得勁多，不過佢地資源豐富，地大物博，福利比香港好得多，hea又如何? 最地底泥果個，住間屋都大過香港豪宅。歐洲好多地方，只要你肯留係學校，供到你30歲40歲都得，唔使交學費咩錢都唔使，直至你讀到唔想讀先出黎做野，香港容唔容許學生咁hea?

會唔會大家成日講英美或西方有咩成功，只係講緊經常比你見到最top果10%代表人物? 其餘果90%係點知唔知?

mamaishere

Vanadium 發表於 18-6-17 00:09
你講既港童係咪日頭會返學，好努力讀書，放學去補習，為準備考試溫書至可能廢寢忘餐果啲?

定你講既港童係 ...

香港讀傳統被摧殘咗三五七年嘅咪又係頭嗰10%你先見到佢哋個working mode，90%咪又係浮浮沉沉渾渾噩噩返學等放學放學等放假放假得畢業返工等放工⋯⋯

Vanadium

mamaishere 發表於 18-6-17 00:14
香港讀傳統被摧殘咗三五七年嘅咪又係頭嗰10%你先見到佢哋個working mode，90%咪又係浮浮沉沉渾渾噩噩返學 ...

建議你睇下啲國際教育研究或比較先，我講啲野未必全準確(因為都要靠記憶)，但亦唔係隨口講。

香港教育其實做得唔差，係香港人自己唔知，係咁崇拜西方自由式教育，但果啲教育基本上成績全落後於亞洲水平，依家英美等西方都驚緊，開始要走返亞洲果套。

香港做到Working Mode既，應該至少有50%既學生，反而係香港自己教育政策做得唔好，經濟結構太著重金融地產，結果埋沒左自己人才，並唔係咩教育出左好大問題。