德萃小學

lazymeow

請問有冇德萃用家可分享一下：
英文好嘛？老師課堂是all subjects 都英文嘛？
課程程度如何？
老師關愛如何？
教學方法活動嘛？

可否比啲意見？

JforJessie

中文同常識係普通話，其他全英。
英文課程深的，要睇開英文書先知做乜。
數學1C開始教，但不會敎得太快。
中英不重視默深字，重視應用及寫作。
小一起有科學科，用外國小學課本。
老師開明，對小孩有耐性，細心，容讓孩子慢慢成長，批改功課方式令小朋友放膽寫，多鼓勵。
教學有活動部份，亦有認真聽書寫嘢部分，有project有presentation，科學有實驗。英文科校本課程最多元化，重思考、創意、圖像表達，德育素材亦融入在內。

用家，小朋友由一間第一志願入的次熱門津校轉過去（是很不錯的津校，但因課程欠發揮空間，小朋友考得好仍感到納悶），能比較出分別，現在學習滿足感大為提升。

homesim

Apple1357 發表於 18-6-12 01:28
你不如問下天虹用家意見，應該比在德萃的用家清晰，起碼天虹的用家跟過新校長
...

Agreed no more!   

JforJessie

校董喺Facebook live就強調現有嘅嘢會繼續有，語境會保留。同意Apple所講要了解朱校長風格，留意過呢度都幾少天虹用家分享，我只認識一位，我只知全港各區及中產家庭都有人去天虹，校內亦有資優學生。朱校長facebook page可睇到天虹學生嘅校園生活，但兩間學校學生背景同學習情況會有不同，有啲嘢目前不能比較同要拭目以待。校董強調，德萃目標係會追求卓越。

JforJessie

我睇過朱校長出post請人嘅要求，大約係：對小朋友有愛心、識解決狀況、熟悉科技、願意運用科技及創新教法，願意做一個“闖“嘅老師。

JforJessie

回覆 5點28分 的帖子

多謝你無惡意，我唔想大家錯focus，我雖然覺得難過但唔介意被誤會，忍咗咁耐都豁出去嚟留言了。

JforJessie

回覆 5點28分 的帖子

題外話：我以前工作上都領教過網絡溝通間的不信任，已好多年無參與，其實好多人都唔想上網講嘢，怕原意被扭曲又扭曲。
其實人係可以用欣賞嘅心睇嘢，唔一定有壞話要講。如果有post問我對學校有無唔滿意嘅地方，我一樣可以分享，但對我嚟講，嗰啲喺呢個時候唔係重點，除非有人一面倒讚，我就可能會想平衡下。我唔認同嘅學校，我在不知情下都唔會公開評論，我希望所有人嘅選擇都得到尊重，希望人與人之間多啲互相了解同互助。

都要多謝令我忍唔住出聲嘅人，你哋嘅comment係忠於你哋嘅感覺我能夠理解，而今次俾咗我一個機會去幫一批有需要嘅家長，呢件事都幾好。

iluvpug

如果我想支持呢間學校同新校長
又會唔會好似打手呢？

iluvpug

5點28分 發表於 18-6-12 02:43
先說明我不介意打手，有仲好，可以聽到用家意見嘛。

不過可否做到感覺無咁’硬銷‘好啲

唔好意思，no offense
唔知點解，個人感覺
如果個分享post 係晌其他谷
就應該少左份打手的感覺

其實，會唔會係大家對呢間學校有bias ?

JforJessie

回覆 5點28分 的帖子

我只係提出一啲我知而未有人講而準用家做決定時可能需要知嘅嘢。
如果我講我仔讀得開心、滿足嘅具體例子，你可能覺得更難頂，有時我都頂唔順，我已經講得好保守。

卓越嗰樣嘢，係獲聘老師朋友同我講。呢個世界係有一班人恨咗呢個模式嘅教育好耐，好想成為一份子。

做咩又逼我講咁多呢？哈，我feel到你真係無惡意，能坦誠溝通感覺多好。

可以話，我呢幾個月見到自己個仔嘅轉變，同另一啲插班生嘅轉變，係會好想好想同人分享（雖然不一定人人適合）。

JforJessie

回覆 5點28分 的帖子

邊一點？
性價比，外人睇一定唔高，所以我當初係無揀㗎。

就算讀緊，性價比都因人而異。

養一個工人或一架車嘅錢，換一種本來理所當然但喺香港唔易得到嘅教育，換孩子健康成長嘅空間，可以係好值得。
有人覺得唔值，無問題，杯茶不同。

當然我都好想可以免費。

JforJessie

回覆 iluvpug 的帖子

唔緊要啦，就算bias都係真心感覺，佢哋嘅率直唔需要好似我咁考慮太多，想講就講。
我交表同註冊嗰下都有少少卻步㗎。

而家總算有多啲資訊，9月再update大家。

好多謝你支持。可否都分享一下你睇法？

PCMW

除了學費之外，雜費多嗎？
九龍校址在哪裏？