德萃小學

Soundervolt

ericaivan 發表於 18-6-16 23:07
我贊成你講讀唔讀到書真係靠好多因素，亦靠好多嘢，所以選學校真係各有各需求，我又覺得家長同學生讀得開 ...

若果您細心睇返之前嘅討論，大家都只係集中批評呢間學校嘅管理層對學校嘅經營手法。，而沒有對老師嘅教學態度批評過半句，之前有家長都提及到有整批老師喺學期中途請辭，呢點已反映出對呢班有著教學熱誠，愛心態度嘅老師係喺呢班管理層營運學校手法之下嘅受害者。

mcl203

mamaishere 發表於 18-6-16 23:52
英美澳加北歐非華人社會喺零補習風氣無催谷嘅情況下，佢哋係點培養毅力，為目標努力，責任心，時間管理等 ...

咁你知唔知澳洲都有Kumon，亦唔少本地人報讀了～～～

mamaishere

mcl203 發表於 18-6-17 01:13
咁你知唔知澳洲都有Kumon，亦唔少本地人報讀了～～～

當然知，我喺美國生活十多年，澳洲都待過四五年點會咁知。重點唔係話外國人唔會補習，而係唔補習嘅人係咪就代表無磨練？因此就無之前所講嘅特質？香港小孩去得多補習所以刻苦耐勞特別成功？

唔好錯重點，補習老師會扣你閲讀理解分

lyflyk

岩岩見到學校Facebook上載咗新英文科主任，係來自英國。聽佢講來咗香港10年不過唔知有幾多年小學教學經驗。佢介紹自己有一個教育證書PGCE，就無教育學士，連教育文憑都無，但有個arts master,不過我覺得都好好，點都好過來自韓國所謂既NET。
上網都有見到唔少關於佢自己既介紹。佢都係一個有才華既專業人士。係Hong Kong Writer's Circle既Chair，又播客，又寫小說，連YouTube channel都有！不過唔知有無向小學到做過老師或主任,設計過本地學校課程。點都好，我希望佢成為我仔仔既英文老師，佢對科技好似好有認識，應該都好多電子教學，正正就係學校想行既路。可以跟佢學習應該都會快樂的！到時每日得4堂，我估計應該每個禮拜都可以有一，兩日上英文堂，跟佢學英文！

964000

mamaishere 發表於 18-6-17 06:11
當然知，我喺美國生活十多年，澳洲都待過四五年點會咁知。重點唔係話外國人唔會補習，而係唔補習嘅人係咪 ...

Agree, 我見到IS羣中就算幼稚園初小，明顯本地父母特別愛補習，暑假都去補phonics, PTH拚音，eye level等。

mamaishere

964000 發表於 18-6-17 06:38
Agree, 我在國際學校讀，見到IS羣中就算幼稚園初小，明顯本地父母特別愛補習，暑假都去補phonics, PTH拚音 ...

坦白講，真係因為呢個德萃post我先發現香港有咁多家長有呢種咁奇怪嘅思維。大部分家長都話想小孩有童年，希望香港教育可以進步改革，教育局可以聽見家長訴求.. 仲以為補習係大家無可奈何之下被迫要小孩做嘅事。點知，原來真實世界有咁多補習鐵粉，好多人真係會有呢種「補習令小孩成功」嘅諗法。真大開眼界！算啦，無謂對牛彈琴，由佢哋繼續自我感覺良好，繼續認為成績好代表工作表現好，代表人際關係好，代表有堅毅的心遇到困難不易放棄，代表人生就係成功... 此地太恐怖不宜久留，祝福所有有井底蛙父母嘅小孩唔駛再以補習社為第二個家，父母唔再日日同你分析超級無敵B1率。走先!

Phinephine77

我係準用家，都希望了解下hk papa 提出有關旺角校舍的疑問(牌照問題)，如果學校真係有人監察EK，懇請盡快提供官方答案以釋除家長疑慮。我想強調我真心支持學校既教育理念，亦因為仔仔在原本學校出現一些狀況我地覺得唔理想先會諗轉校，雖然我唔明白點解呢個平台的討論要咁針鋒相對，但無疑亦係一個好強既資訊平台，校方應該正視呢度既討論係會影響家長既一些決定。我不清楚那個教育局的list 上一間學校存在與否是否真的代表學校是否可以營運，如果係可能我估計可能呢一刻旺角校舍如果正在裝修可能基於消防條例等未符合發牌要求，如果是這些technical 問題，我絕對理解⋯⋯下續

Phinephine77

續上

校方應該交代時間表，讓家長知悉進程和contingency.

Vanadium

mamaishere 發表於 18-6-17 07:23
坦白講，真係因為呢個德萃post我先發現香港有咁多家長有呢種咁奇怪嘅思維。大部分家長都話想小孩有童年， ...

你扭曲左我講既野......

我係講性格既培育，肯定比知識既培育重要。揀學校究竟係塑造性格，定塑造知識? 我就一定看重前者。

我自己仔女係唔會送去補習，但我唔會批評人、又話覺得補習就好大問題，重點係要睇個小朋友喜唔喜歡。事實上，我真係識好多自發勁補習既，係非常非常上進既人，最後社會上亦係好成功，幹嗎要將補習睇成負面?

事實連個德萃候任校長，都話自己讀書時補習，咁樣.....今日佢有無補到變左機械人? 佢都不知幾有創意同頭腦!

其實社會研究幾經常做既，就係研究社會叫得上成功既人，佢有咩特質，細個時係受咩教育。每個社會背景都唔同，西方果套未必完全夾中國社會。唔知香港有無人研究過，無靠父母蔭既成功人士，細個時係點讀書，唔講專業，即使係好有創意、做科研或創意工業既，係咪後生時讀書就開心輕鬆為主，或以實踐為主既工業/職先學校畢業?

你係美國10幾年，真係有興趣你有無入過學校去體驗下。美國學生能夠升到去同樣香港家長夢想既名牌大學，如哈佛或史丹褔，難道又唔係係美國學校既"學霸"? 呢批學霸做係野上黎個投入程度，相信並唔係我地強調所為happy咁簡單，而呢啲學霸大學既畢業生，正正就係改變及帶領整個美國社會既人物。若成日強調西方學校如何輕鬆，咁有無研究過呢批如美國輕輕鬆鬆讀書既學生，畢業後做緊咩?

歷史都已幾確實話比我地聽，社會上積極進取既人同成長既家庭、學校及教育等既關係，唔知當我地否定某啲野，相信另一套先係更好，有無咩証據，定係只係"我覺得"?

再講，補習就好似一個鋼琴家練琴，個個鋼琴家兒時都一定好勤力練琴，唔知有無人覺得咁係邪惡?

追求happy，定追求簡單安逸、唔想咁辛苦，係家長自己內心先知，但好多野你睇自己小朋友辛苦，唔代表人地小朋友覺得辛苦，我自己小朋友都唔係好挨得既人，我唔會迫佢，但有小朋友厲害，我會欣賞，唔會話人地有問題。

mcl203

mamaishere 發表於 18-6-17 06:11
當然知，我喺美國生活十多年，澳洲都待過四五年點會咁知。重點唔係話外國人唔會補習，而係唔補習嘅人係咪 ...

當然，閲讀理解錯誤係應該扣分，亦不存在補中～～～

Vanadium

964000 發表於 18-6-17 06:38
Agree, 我在國際學校讀，見到IS羣中就算幼稚園初小，明顯本地父母特別愛補習，暑假都去補phonics, PTH拚音 ...

你呢個回應正帶出大家都應知既重點.....教育成果應至少三樣野配合: 先天+家庭+學校。

我地成日將香港學校同國際學校比，然後話國際學校教育模式點比香港傳統好.........但卻忽略黎得香港讀國際學校果班外國人，先天及家庭本來好大機會就係優秀果批，父親係企業高層，呀媽10居其9唔使返工。同樣教學模式返去英美本土既普通階層，都一樣不知出幾多band 10學生。

好多謝你講到本地父母仲去補phonics, PTH，咁就真係多得果啲不斷強調語文係萬能、語文好就係人才既心態，而報德萃小學既，相信無9成都一定過半數，係為左個英文及普通話教學黎讀，又係想自己子女英文普通話好，講happy school? 香港大把，講創意? 天虹咪係.....又唔見讀德萃既家長爭住送子女入去讀?

外國人真係唔會咁樣為第二甚至第三語言咁做野，真係未聽過暑假唔玩走去補中文。

其實香港好多傳統及有名既學校，係好在意段練小朋友既毅力，同唔怕困難之精神，只係部份家長自己太在意成績，反而唔係間學校。部份都有野外生活訓練，亦有全體學生返內地山區做服務，住同食都係破破爛爛，話之你屋企幾有錢。毅力既段練唔係一定黎自讀書，可以係音樂、運動，或一啲團體比賽如辯論、機械人等，然而，好勤力讀書都係一個毅力表現，唔覺得要妖魔化好勤力學習而去補習既學生。

Vanadium

我一直都唔明，傳統學校一直為社會培育咁多人才，傳統教育下出黎既人，同樣都唔少有創造力、領導力，講科研....都站係最尖端。

想推舉宣傳自己既教育理念當然無問題，但唔使下下針住傳統去講，20年後全用IPAD學習既人出到黎，真係叻過用傳統紙本先講都未遲吧。

billylaw

lazymeow 發表於 18-6-12 00:11
請問有冇德萃用家可分享一下：
英文好嘛？老師課堂是all subjects 都英文嘛？
課程程度如何？

小女黎緊會插班小二。。。。主要係想佢兩文三語講得好，成績其次。都問過幾個有小朋友讀緊ge家長，德萃應該俾到我要ge野佢，希望呢個選擇無錯。

都有心理準備中學未必派得好(未有數據參考，但作最壞打算)，但亦不在意中學派位，只要唔派到最差的學校(主要驚佢誤交損友)，成績都其次，可能有人問，唔驚佢入唔到大學？說實在依家大學學位根本不用擔心。到時送到外國讀個學位又得，本地讀個外國大學學位亦得，副學士再上大學亦無不可。
點解選擇德萃？純粹地理位置，本人住大埔，行到去德萃番學，大埔亦無其他英語上本地課程的選擇(有國際學校，但行IB，不是我想要，亦雖買債券)

964000

billylaw 發表於 18-6-17 14:40
小女黎緊會插班小二。。。。主要係想佢兩文三語講得好，成績其次。都問過幾個有小朋友讀緊ge家長，德萃應 ...

.....

964000

billylaw 發表於 18-6-17 14:40
小女黎緊會插班小二。。。。主要係想佢兩文三語講得好，成績其次。都問過幾個有小朋友讀緊ge家長，德萃應 ...

good

Vanadium

billylaw 發表於 18-6-17 14:40
小女黎緊會插班小二。。。。主要係想佢兩文三語講得好，成績其次。都問過幾個有小朋友讀緊ge家長，德萃應 ...

其實好欣賞你....實務實在，清楚簡單，反而更覺得選擇正確。

billylaw

964000 發表於 18-6-17 15:56
難得你可以這么清醒，又知道自己想要甚麼

其實個時小一已經想讀德萃，但係個時都係太多考慮，經過一年本地小學，反而更有信心試其他學校，希望無選擇錯啦

kkhhmmbb

Vanadium 發表於 18-6-17 09:13
你扭曲左我講既野......

我係講性格既培育，肯定比知識既培育重要。揀學校究竟係塑造性格，定塑造知識?  ...

同意，根據我係美國讀書時的觀察，能入名校的都係好認真讀書的人，個個都刻苦用功，再加上天份。
同先生一樣都係回流回港的，幸好我們都有共識希望女兒能在傳統學校學習。身邊不少回流人士都送小朋友去傳統學校了，其實大家心裡面都係諗住以後送小朋友出去讀書的（如果他們願意），所以希望打好個學習基礎先，算是先苦後甜吧。萬一以後孩子不想出國的話，也可以留在香港升學，根據我們現在理解就是傳統轉國際容易，國際轉出來傳統學校基本無可能。

kkhhmmbb

billylaw 發表於 18-6-17 18:11
其實個時小一已經想讀德萃，但係個時都係太多考慮，經過一年本地小學，反而更有信心試其他學校，希望無選 ...

最緊要知道自己要咩我個人覺得返學距離也是非常重要考慮因素

billylaw

kkhhmmbb 發表於 18-6-17 22:46
最緊要知道自己要咩我個人覺得返學距離也是非常重要考慮因素

無錯。。。之後可以行番學了，雖然我知呢個價錢係其他區可能有其他選擇，但我唔想小朋友要搭車跨區番學