唔補習可以入到大學嗎？

samer

今時今日補習成風，成績差固然要補，成績好都要補，究竟仲有無學生可以完全唔補習而順利入到大學？大家有無見過或聽過成功例子？

peggy

samer 發表於 18-6-6 20:27
今時今日補習成風，成績差固然要補，成績好都要補，究竟仲有無學生可以完全唔補習而順利入到大學？大家有無 ...

朋友两個女冇補習，一個入左CU讀工程剛畢業，一個入左HKU讀law。我两個表妹都冇補過習，一個入左HKU護理系，另一個入左poly讀工商管理

brother4

見報狀元，講靠自己努力，冇時間去補，做二份paper－份dse past paper,另－份ＡＬ past paper

samer

peggy 發表於 18-6-6 21:45
朋友两個女冇補習，一個入左CU讀工程剛畢業，一個入左HKU讀law。我两個表妹都冇補過習，一個入左HKU護理系 ...

好叻呀！

peggy

samer 發表於 18-6-6 20:27
今時今日補習成風，成績差固然要補，成績好都要補，究竟仲有無學生可以完全唔補習而順利入到大學？大家有無 ...

如成績差咪去補下。英文差的話,睇多D書反而有幫助，而數學做多d練習/past paper 好過補習。

samer

peggy 發表於 18-6-7 15:55
如成績差咪去補下。英文差的話,睇多D書反而有幫助，而數學做多d練習/past paper 好過補習。 ...

主要係見好多成績好都有補，唔知係因為補咗先成績好，定係補習已成為讀書嘅一部份

peggy

samer 發表於 18-6-7 17:54
主要係見好多成績好都有補，唔知係因為補咗先成績好，定係補習已成為讀書嘅一部份
...

阿女今年S3冇補習。但佢d朋友及同學好多都有補習，通常補中、英、數、phys、chem、bio,見佢地補左同之前的成績都係差不多。

1998Ruby1998

有時候班叻嘅同學去補習係因為有大量練習攞，又可以有人改卷，數理科可以自己黎，但係中文英文作文，LS 等需要導師改卷。
不過都識人咩都唔補/就算去補都係做自己野唔聽書，都可以入 HKU law，另一個入 CU hotel management。

bobbycheung

樓主依個問題真係好難答，又或者可以講，答完等於無答。首先依個世界有好多大學，由好勁至好好好唔勁都有。我唔知你係唔係淨係指香港嘅大學，但以美國為例，就有超過4千間。另外，科目之間多唔多人申請又唔同。所以得唔得，首先係取決於你嘅目標多於一切。如果目標係好好好唔勁嗰d，唔好話唔補習，就算唔讀書都可能有機會入到，你肯交學費就得咯。至於有無學生可以完全唔補習而順利入到大學？肯定有。我見過，入牛津劍橋同埋頂級美國大學都有，但唔係咁多囉。情況就好似成曰都有人中六合彩，只不過嗰個人好大機會唔係你。所以就算有見過成功例子，但對你亦沒有多大幫助。

poonseelai

通常訪問D狀元都話無補習

samer

我係指香港嘅一般情況，由其是中學生，連學校老師都預學生有補習，搞到唔補好似好執輸咁。

嗰啲唔補都入到三大嘅例子，當時人係唔係特別自律、聰明㗎？

話無補習嘅狀元通常來自超級名校，較基層的狀元好多時都話多謝父母省錢比自己去補習

洋蔥頭媽咪

凡事唔好只睇表面，能取得好成績嘅學生都要經過努力，自律，補習只是學習中其中一樣輔助，始終當事人都需要付出及不斷努力，並無不勞而獲，真心覺得果啲所謂冇補習就叻啲嘅言論有點多餘。補習睇需要，有人補底亦有人增潤，能力高學生更加可以學多啲，眼光放遠啲。

1773

我認識一些成績已經很好的學生，他們也會去補習，原因是他們的目標大學科目要求極高，他們不是沒有實力，而是希望精益求精，公開試變數太多，他們希望把自己能控制的部分提升，讓變數的影響盡量減到最低。

samer

我唔係話補習嘅無實力，唔補習嘅高人一等，只係覺得好多人無認真考慮過自己是否真的需要，人補我又補，特別係小學生或初中生，但補咗又無乜特別進步。

只係想知當大部分同學都有補習backup，有幾多人可以理性地知道自己的需要和能力，而唔係盲目跟風。

ricetaster

samer 發表於 18-6-8 07:47
我係指香港嘅一般情況，由其是中學生，連學校老師都預學生有補習，搞到唔補好似好執輸咁。

嗰啲唔補都入到 ...

有好多成績好嘅甚至狀元都試過去天王補習，佢哋主要為見識一下及只要有方法令自己成績有機會更進一步者會試吓，不過大多試幾堂覺得不外如是就無再去補，反而一批係平均成績唔錯但驚肥中文，所以只專補中文。天王補習只能啟發或想通少少嘢，個底唔得都係要靠自己，去到天王那裹都幫唔到你，單對單私人補習就好D.

brother4

去補習社可能想貼中試题，如蕭Ｘ 起訴落案

samer

ricetaster 發表於 18-6-8 10:43
有好多成績好嘅甚至狀元都試過去天王補習，佢哋主要為見識一下及只要有方法令自己成績有機會更進一步者會 ...

其實我明，成績差要補底，成績好要增加考試技巧，於是叻唔叻都要補，現今讀書嘅package=自己+學校+補習。所以我先想知道仲有幾多人只靠自己+學校都可以跑出。

brother4

samer 發表於 18-6-6 20:27
今時今日補習成風，成績差固然要補，成績好都要補，究竟仲有無學生可以完全唔補習而順利入到大學？大家有無 ...

補習有好處，亞细Ｄ數真係弱，重點是時間掌握及方法問題，今次亞大出手一份past paper用咗三小時，教快方法做及指正佢錯處，今次考數算ＯＫ

LingChiBaBa

samer 發表於 18-6-8 10:39
我唔係話補習嘅無實力，唔補習嘅高人一等，只係覺得好多人無認真考慮過自己是否真的需要，人補我又補，特別 ...

小學生/初中生補習係家長要求多過學生需要。

ccAu101

我見過冇去補習也考得佳績的例子，2008年林護中學有個女學生會考考獲10科A，成為狀元，之後成功拔尖入港大讀醫科。

當年各大報章也有報導，她來自一個清貧家庭，住公屋，母親做清潔工人，父親做地盆苦力工作，她沒有補習，全靠個人努力和學校的栽培。