乘數表

12201230

有什麼方式可令小朋友不知不覺地熟讀乘數表,又或者市面上
有沒有一些VCD or CD係關於乘數表呢,請報料

竹葉青

我就叫囡囡每日抄１組（e.g. 1x1=1, 1x2=2 至到1x10=10)每日抄3次,每組抄四至五日.就轉抄2x......,咁佢抄抄下第三四日就巳經識背喇.跟住就每日叫佢背下比我聽,到佢識背2,你唔叫佢背,佢都會背埋你聽,當然你要經常贊佢(嘩你咁醒嘅,小學嘅你都識好叻呀!)咁佢就會好努力去記.我囡囡今年九月升p.1,現在識背到12x.....喇,佢最鍾意背11,係我朋友敎佢,佢話好好玩喎,一番到屋企就背比我聽話佢自己幾叻,仲問我識唔識,話教我點背,真係笑死呀.

12201230

竹葉青

Thank you very much

Mrssslui

佢好叻喎!

竹葉青 寫道:
我就叫囡囡每日抄１組（e.g. 1x1=1, 1x2=2 至到1x10=10)每日抄3次,每組抄四至五日.就轉抄2x......,咁佢抄抄下第三四日就巳經識背喇.跟住就每日叫佢背下比我聽,到佢識背2,你唔叫佢背,佢都會背埋你聽,當然你要經常贊佢(嘩你咁醒嘅,小學嘅你都識好叻呀!)咁佢就會好努力去記.我囡囡今年九月升p.1,現在識背到12x.....喇,佢最鍾意背11,係我朋友敎佢,佢話好好玩喎,一番到屋企就背比我聽話佢自己幾叻,仲問我識唔識,話教我點背,真係笑死呀.

Vinic媽

竹葉青,

你個囡囡真係好叻喎！我個女就比較差啦 ，最衰我自已懶同無恒心啦 我個女係三歲時我就教佢背啦，當歌仔咁唱，佢覺得好得意架；唱吓唱吓咁，就唱到六嘅陪數 : 如果唔係自己懶佢而家應該識哂啦 :-| ..........

竹葉青

我最初都冇諗住咁快比佢背,我平時只係比d字比寫下,點知有次佢見到本寫字簿後面有九因歌,佢見d(一,二,三)數字識睇就跟住講,之後我問佢你鍾意我第日放大一張比你講,咁佢又好開心.但發覺就咁讀,讀多幾次就冇心機,之後我又試做一本書仔有晒2x1=2 側邊就有兩個公仔如此類推兩個四個咁,因為我囡囡讀全日班4:30後就係學校等我6點去湊佢,所以我每日都會比d功課佢做(學校冇功課),我見佢背唔到,咪叫佢抄下囉.點知抄下抄下就記得喇,仲唔洗背得咁辛苦添.我尤k.2下學期開始背都唔洗半年就識晒喇,不過就唔好太迫佢,等佢自己慢慢抄下抄下就得嫁喇.

JNmimi

Hi, 竹葉青,
真的好想請教你, 你似乎好多方法教女, 除了乘數表外, 仲有d咩法寶呀? 如記生字, 認時鐘,  請多多指教啊...

煒良媽咪

竹葉青 寫道:
我就叫囡囡每日抄１組（e.g. 1x1=1, 1x2=2 至到1x10=10)每日抄3次,每組抄四至五日.就轉抄2x......,咁佢抄抄下第三四日就巳經識背喇.跟住就每日叫佢背下比我聽,到佢識背2,你唔叫佢背,佢都會背埋你聽,當然你要經常贊佢(嘩你咁醒嘅,小學嘅你都識好叻呀!)咁佢就會好努力去記.我囡囡今年九月升p.1,現在識背到12x.....喇,佢最鍾意背11,係我朋友敎佢,佢話好好玩喎,一番到屋企就背比我聽話佢自己幾叻,仲問我識唔識,話教我點背,真係笑死呀.

等我都學你個方法先-每日抄１組, 每日抄3次, 每組抄四至五日.
依家我都有教個仔(K2)唸乘數表, 我係書局買左張貼牆乘數表咭比個仔睇, 有公仔好得意. 現我只教左佢唸1-3既乘數. 我自已就任佢隨意學習, 好似當唱歌仔

ydoris

我又係係牆上貼左張表,但係一叫佢讀就吾理我.佢背到2就吾肯背,點知過一排連2都吾記得.但問佢雙數佢就識答2,4,6,8,10....跟本吾知點解係2的倍數.所以讀極都吾識...
咁我都要試下俾佢抄先得lor~~

smalle

我個囡升k3,唔中意抄寫.....this method don't work for her...不過就咁當歌唱, 一個月巳攪掂, 平均2-4日一組.

heiheikeikei

我都係貼左張表係牆上.
但我set 左每星期背一行.
我仲每次都背一行比佢聽先 仲錄音比佢
佢好快就背哂啦. (K.2 已背哂 1- 10)

不過要不時練習

Mrssslui

真係勁,如果再唔好似你地咁,及早預習,到升上小一時,全班可能得自己個小朋友係唔識背架咋!
我都要努力啦!
  

竹葉青

其實我都唔係話好識敎小朋友,只係留意佢多d鍾意d咩,好似我以前敎我囡囡加減數,我問佢1+1=幾叫,我咪第起一隻手指加一隻手指囉,點知佢話係11,比佢激死.因為我囡囡鍾意畫畫我就攞本簿寫1+1=然後就叫佢係個數目字下面畫同等數量嘅花or糖之類,再問佢咁1粒糖+1粒糖係幾多呀?佢即刻諗都唔洗諗就答到我,跟住就日日放學搭車都叫我寫比佢做,其實佢只最想都係畫d公仔.不過就係咁就識左+-數.識字我就用過類似閃咭法,每日比5個生字同佢讀,每日加5個最多25個,再加就攞起最早果5個,我每日只會在搭車番屋企時連續讀5次(唔洗係咁叫佢識住和重讀),只係渣住d生字比佢睇住,我讀完一張又一張連續讀5次(例如. 生果,樹木,花朵,手,腳,生果,樹木,花朵,手,腳,生果,樹木......)讀完就收好,咁當你讀到三四日佢就會自然很你讀,之後就會自己讀.而我就再諗左點另佢完全明白個字,我就同佢玩每人抽一隻,形容下果張字係咩等對方估,如.樹木,我會話係地下生上來,綠色同啡色嘅,d雀仔住係上面.咁佢就估到,初初就尤佢估,佢聽聽下佢就會要求佢講我估.咁你比提是比佢問你.你有時又咋唔識咁佢就玩得好開心.之後識多左就可以同佢玩,每人抽3張,用果3張生字作個故仔.唔洗太長或太原正.係用得啱就得,咁就好快會認到d字.

Mrssslui

竹葉青
果然 expert.
你女女幾大呀?

bb0917

竹葉青, 題外話: 你 post 果張相係亞仔? 好靚仔喎, 佢幾大? 相簿d 相真係好靚.

竹葉青

8月就6歲喇,鬼叫自己又比唔到咁多錢比佢去學野咩,咪為有想盡辦法,上網四維揾d唔洗錢嘅資源教佢囉,又睇下人地點敎,自己試下改良下咁敎,你知啦個個小朋友都有唔同性格.咪慢慢試下囉.

竹葉青

bb0917,

多謝你贊賞,我仔仔現在16.5個月,果張大頭相就8,9個月到,下面條link就14個月到個囡囡就5歲到.

bb0917

果然係一個好好心思的媽媽 :)

rr

我唔識一早叫囡背, 佢又 very lazy, 由p.1 summer 先開始,成個p.2 過程 maths test 都只依靠加上去, 激到我死, 我叫佢背佢話要用英文背唔識用中文果d "如" "該" " 一搭幾"
最後費時勞氣, 俾佢去讀公文, 交俾人教, 至而家將上p.3, 呢個暑假先開始熟d, 4個月始追回加減心算, 開始進入單位乘雙位.

又浪費了我的金錢, 她的時間.
不過都好過自再費神勞氣.

rr  

Bambi

我同你一樣--交俾人教. k2下學期開始學珠心算, 我唔係希望佢計得叻, 只係等佢早o的知道什麼是算術/數學, 而家佢剛學識雙位剩數, 當然在我不知不覺中都識背剩數表了. 我唔係話學珠心算好, 但起碼唔洗自己煩點教.

rr 寫道:
我唔識一早叫囡背, 佢又 very lazy, 由p.1 summer 先開始,成個p.2 過程 maths test 都只依靠加上去, 激到我死, 我叫佢背佢話要用英文背唔識用中文果d "如" "該" " 一搭幾"
最後費時勞氣, 俾佢去讀公文, 交俾人教, 至而家將上p.3, 呢個暑假先開始熟d, 4個月始追回加減心算, 開始進入單位乘雙位.

又浪費了我的金錢, 她的時間.
不過都好過自再費神勞氣.

rr