應否去叩門！

teddy210ay

我囡是細B，見陌生人唔主動又唔講太多嘢……所以心儀私校全軍覆沒！所以K3下學期已轉去國際！讀了國際後她的性格大轉變……由被動變主動，平時唔鍾意返學變成愛返學，又會分享學到的東西及她班上的朋友, 每日都好開心……見佢讀得咁開心，如讀返傳統又怕佢唔願返學！但是如長遠來看，中文水平差……如讀國際將來考本地大學中文水平又唔達標！應否叩番原本心儀的學校呢？我地12網，學校選擇少，分分鐘抛出12網！

AndrewHo_FB

我外甥一直讀國際. 成績中上.

用IB 成績, 最後 UCLA 有 unconditional offer.

貝珠

teddy210ay 發表於 18-5-28 22:06
我囡是細B，見陌生人唔主動又唔講太多嘢……所以心儀私校全軍覆沒！所以K3下學期已轉去國際！讀了國際後她 ...

幾個問題，
1. 係唔係一定要讀本地大學
2. 讀國際又係唔係入唔到本地大學

首先，中文不是入本地大學先決條件，讀國際也可以用non-jupas 考本地大學，可以去各大國際學校參考實際資料。一般入國際學校的小朋友皆為中產(or above) 家庭，如果小朋友成績只可以入例如純科學(或興趣係純科學），有能力的家庭可能會選外國純科學發展得比較好的大學入讀，所以得出IS 學生入唔到本地大學的錯覺

貝珠

3. 叩門冇限區

你自己都知道什麼比較適合小朋友，有什麼心水津校合要求？不用limited 12 網。叩到就考慮清楚，叩唔到繼續國際

teddy210ay

貝珠 發表於 18-5-28 22:30
3. 叩門冇限區

你自己都知道什麼比較適合小朋友，有什麼心水津校合要求？不用limited 12 網。叩到就考慮清 ...

其實叩也是12網內……因為而家每日帶佢返國際路程都遠！校車又非常早上車，所以搭唔到！

teddy210ay

貝珠 發表於 18-5-28 22:26
幾個問題，
1. 係唔係一定要讀本地大學
2. 讀國際又係唔係入唔到本地大學

我幾個朋友也放棄名國際轉番去名本地私校……因為就係怕中文水平差怕第日唔識中文難揾工！我其實無乜考究……我做外資公司，除了要識講普通話外，都唔需要睇中文字！但是，唔識睇中文字就連日常用的字，街上基本警告字眼也唔識就唔得！

貝珠

teddy210ay 發表於 18-5-28 22:49
我幾個朋友也放棄名國際轉番去名本地私校……因為就係怕中文水平差怕第日唔識中文難揾工！我其實無乜考究 ...

咁其實你係介意中文程度，並非介意本地或是外國大學。要清楚你自己想要什麼先，如果你的priority 係中文，咁一係入think, creative , victoria, ISF 呢類學校，否則，讀津校(providing that 私補不是選擇）。那麼讀津校，你小朋友又是否可以跟上津校中文要求(爸爸是外國人，自己要上班）？

貝珠

如果你priority 係中文，津校中文夠深，正合你意，問題已經解決了

valentinored

首先要知道, 學中文一定比英文困難, 無論津校/私校/直資, 都應該辛苦的

如果很想學中文, 又打算遲早出國留學的, 不妨讀LS, 成績不重要, 但求學下中文, 初中就去外國, 既無升學壓力, 又可學中文

但其實你已行了IS, 不妨行埋去吧, 很多大行, 其實不太care中文能力, 識講便ok, 工作機遇因人而異, 做父母的管不了太多

zebrabb

12網派位不會拋出去的，只係有機入到聯合國小學。
假如不幸需要叩門，也應一試。起碼試過您也不會後悔。

teddy210ay

貝珠 發表於 18-5-28 22:59
如果你priority 係中文，津校中文夠深，正合你意，問題已經解決了

又未至於要深！基本識睇識寫繁體字已夠！讀津校也掙扎要跟功課……同事個女讀九龍塘名女校，每日放學去補習社做功課等，如考試默書期留補習社時間仲長！晚上食飯後又趕著去睡，夜瞓第二日又起唔到床返學！所以真係好少親子時間！屋企人提議我囡最好讀番本地學校，但是我又唔想囡和我都咁大壓力去跟課程！聽聞讀津校軒小……無90分以上也被老師問話或isolate你個小朋友，老師只會集中培育精英班，其他學生全放棄！

星星的後裔

teddy210ay 發表於 18-5-28 22:49
我幾個朋友也放棄名國際轉番去名本地私校……因為就係怕中文水平差怕第日唔識中文難揾工！我其實無乜考究 ...

問題一家有解決方法，只要你肯面對。複習如經濟問題，積極用QE 就解決到。你知你怕中文差，咪補囉。有人講某間補中文的學校有好多IS 學生去上堂的。

teddy210ay

valentinored 發表於 18-5-28 23:30
首先要知道, 學中文一定比英文困難, 無論津校/私校/直資, 都應該辛苦的

如果很想學中文, 又打算遲早出國留 ...

都係有咁嘅打算！但是由輕鬆愉快環境學習轉返去校規嚴謹的學校情緒上又要再識應……我同囡講返以前的幼稚園上課好唔好，佢立刻回應 No!

teddy210ay

星星的後裔 發表於 18-5-28 23:48
問題一家有解決方法，只要你肯面對。複習如經濟問題，積極用QE 就解決到。你知你怕中文差，咪補囉。有人講 ...

請問邊問補中文好？

SCboy

teddy210ay 發表於 18-5-28 22:06
我囡是細B，見陌生人唔主動又唔講太多嘢……所以心儀私校全軍覆沒！所以K3下學期已轉去國際！讀了國際後她 ...

吓，咁都要考慮番轉頭？阿囡唔適應咁又點算？

貝珠

大部分國際學校中文晤得，你都唔係現正才知道啦，咁當初就唔好轉，繼續大抽獎算啦。

貝珠

最怕d家長根本唔知自己想點

teddy210ay

貝珠 發表於 18-5-28 23:55
大部分國際學校中文晤得，你都唔係現正才知道啦，咁當初就唔好轉，繼續大抽獎算啦。
...

所以而家小一前要决擇囉！就係咁簡單！

Wonderlady

建議你試下李陞

hkpapa852

teddy210ay 發表於 18-5-29 00:03
所以而家小一前要决擇囉！就係咁簡單！

諗清楚自己想要乜?

中文的用處

1. 日常生活
2. 中文係工作環境上現在的確唔係太有用, 但隨著中資機構在港越來越多, 重要性亦會提高
3. 中文唔得, 日後想做醫生或做投考高級公務員 (如AO), 會較困難


如果以上都唔係仔既concern, 一心只想小朋友日後唔留係香港, 基本上可以完全唔理中文

LS既辛苦程度, 和國際學生既輕鬆/開心程度, 其實經常被人誇大了, 尤其係小朋友就讀國際學校既家長