用戶登入
用戶名稱:
密      碼:
搜索
教育王國 討論區 教育講場 通識與STEM (左丁山)
發新帖回覆
查看: 673|回覆: 5
go

通識與STEM (左丁山)

Rank: 12Rank: 12Rank: 12


70232
發表於 18-5-14 13:45 |顯示全部帖子



教育局無風起浪,傳出消息話要檢討通識教育考試,將來評分可能只分及格,不及格兩級,不設5、5*等等。通識教育是DSE四科必修科之一,已有十二年歷史,不少教師為咗呢一科而去讀通識碩士,積積埋埋,已有不少既得利益分子靠通識科賺份薪水,一旦將呢科打落冷宮,無反對聲音先至出奇。


有啲建制派政界人士賴咗通識科培養激進學生,其實冇乜具體證據與數據,不過有一個現象一定係真,就是自從中學改制,DSE有四科必考(中英數通識)之後,所有本地中學非常緊張考試成績,大部份中學只准學生修讀六至七科,少數例外修八科,於是以前啲九科十科會考狀元不復見,今天之叻仔叻女理科生多數讀到七科,中英數通識加上理化生,欠以前嘅高數,或者讀數就放棄化學或生物,於是理科生之理科學習都殘缺不全。


大學早已發現呢個恐怖現象,知道考試成績好之學生入晒醫科、商科,入理學院及工學院嘅學生一係不夠數學水平,一係對物理認識不夠,啲教授教到頭痛。一位算係左丁山師弟嘅理科教授講:「慘咯,我教數學,越教越淺,教深啲學生會肥佬,長此以往,十年後,香港中學冇乜大學畢業生識得教物理,化學,數學。」


當然有知名學者向教育局反映呢個問題,要求教育局將數學一分為二,中學文科生讀現在嘅課程(淺啲),理科生就讀同以前程度一樣咁深嘅課程,包含高數在內,又或者要求理科生讀夠八至九科。一加一減嘅啫,要多花時間在STEM科目,配合特區政府大力相助創新科技政策,有邊一科可以犧牲少少?梗係通識科啦,廢咗佢就唔敢,但將呢科變成及格與不及格,大學收生一定唔會計分,於是學生必然花少啲時間在通識科上,用多啲時間讀番數理化生,變相將通識科邊緣化。香港啲中學校長最醒目,非常懂得配合大學收生計分要求,點會唔知道在甚麼時候de-emphasis通識科吖!不過咁,放風消息一出,已觸動有關人士神經,反對之聲大起,矮化通識科之議,可能就此告終。之後點?就要睇吓本港各大學為了維護理學院工學院之學術水平,會出甚麼招數咯。有一位教授講,佢會向收生部門反映,理工學院收生,只睇中英數理化生呢六科計分,對考延伸數學嘅學生加分,通識科肥佬無所謂。假如真係咁樣做,訊息傳開之後,通識科想唔淡出都唔得咯。




左丁山                                                                                                    

Rank: 5Rank: 5


2724
發表於 18-5-15 07:25 |顯示全部帖子

回覆樓主

老左第一段對極,每次新動作都製造一群"利益份子",所以為何政府管理下的制度日久必脹。
通識科把學生從書本抽出來,自然少放時間在副修科上,少修某科看似無關,但實際影響深遠,化學少了數學,怎讀物理化學?經濟少了歷史,怎知共產黨本性?如何滿足各方壓力,把通識科列為入讀大學必修科,但只有合格不合格之分,如何迫學生重視就在合格率上做手腳,若只有六成合格率,我相信學生不敢輕視它,而副修科重回三科,如此,利益份子不受影響,又可以向阿爺交功課,大學教授少了怨氣,學生對成績掌握多一份信心(通識獲5或5**的能力區別,學生也説不清),皆大歡喜,不合者當然是例外!

Rank: 5Rank: 5


3102
發表於 18-5-15 23:35 |顯示全部帖子
呢班既得利益老師完全埋沒良知,講真....佢地真係做教育,讀過教育,就知必修越少越好,越計得分少越好! 學生唔係為佢地而生存,可能佢地自己都唔想自己仔女留係4科必修既香港高中,但就高叫通識要必修!

Rank: 6Rank: 6


9431
發表於 18-5-20 10:13 |顯示全部帖子
「慘咯,我教數學,越教越淺,教深啲學生會肥佬,長此以往,十年後,香港中學冇乜大學畢業生識得教物理,化學,數學。」
-----------------------------------------------------------
理科都好大獲了啵,政府冇好再議而不決,拖拖拉拉了,安排多啲課時俾有興趣既學生修讀多點SCIENCE.

Rank: 13Rank: 13Rank: 13Rank: 13


98986
發表於 18-5-20 11:19 |顯示全部帖子
October. 發表於 18-5-20 10:13
「慘咯,我教數學,越教越淺,教深啲學生會肥佬,長此以往,十年後,香港中學冇乜大學畢業生識得教物理,化 ...

新高中课程的“死核心”,除了为女孩子,还有为什么呢?真是天才!
God grant me the serenity
to accept the things I cannot change;
courage to change the things I can;
and wisdom to know the difference.

Rank: 10Rank: 10Rank: 10


29060
發表於 18-5-20 15:16 |顯示全部帖子

回覆樓主:

香港學校,攤出來數,你估修文科多叻學生,定修理科多叻學生。
The more bizzare a thing is, the less mysterious it proves to be.
你需要登錄後才可以回帖 登錄 | 註冊