小2女 無自覺性 好煩

sweetapplebb

唔主動默書,溫書,要我陪坐係一邊

MrBeast

你自己小二時會嗎？

Jane1983

要培養佢的責任感，教佢方法，幫佢逐步自己獨立。多數小朋友都係咁，好少自動波放學拿拿聲自己做晒功課、温埋書。

生兒育女係咁樣，呢d你sign up咗。佢先7歳，讀書最多都係煩咗你兩年，咁快嫌佢煩，唔啱數wor。

aptcan

有幾多小朋友會自動自覺呀，仲要得二年級，你要求太高吧！

HK-MAN

sweetapplebb 發表於 18-4-22 11:13
唔主動默書,溫書,要我陪坐係一邊

主動及自覺去溫習都係要慢慢去培養的...睇黎你都冇乜耐性喎?

HK-MAN

aptcan 發表於 18-4-22 11:57
有幾多小朋友會自動自覺呀，仲要得二年級，你要求太高吧！

一個小朋友唔會無端端識自動自覺...呢啲野係要由細去培養...

MrBeast

sweetapplebb 發表於 18-4-22 11:13
唔主動默書,溫書,要我陪坐係一邊

何能你只是想申下，但亦要留意小朋友會被負面情緒影響，我成日同小朋友講，佢比我小時叻好多，至少我一唔會識睇ort。同埋以前半日多時間，e加全日透啖氣時間都冇，體量下

irisw

小二有啲地方應該都仲要父母從旁協助同提點
慢慢嚟啦，而家做小學生已經夠辛苦
雖然做父母都好辛苦，加油

shadeslayer

大把三十歲大人都無自覺性搵工做。或者無自覺性做好份工。大把教育工作者也沒有自覺性為學生著想。

MrBeast

shadeslayer 發表於 18-4-22 16:28
大把三十歲大人都無自覺性搵工做。或者無自覺性做好份工。大把教育工作者也沒有自覺性為學生著想。

...

可能樓主就是怕三十歲時都係咁而煩

retriever

MrBeast 發表於 18-4-22 11:17
你自己小二時會嗎？

問得好。

EK 真係有意思，一面係信日日督操，功課後再做題；一面係信天生自動波。

其實我哋眼見人地既好野，或刻意培養，或無心插柳，絕大部份都係長期成果而唔係天生異稟。

YolandaTam

MrBeast 發表於 18-4-22 11:17
你自己小二時會嗎？

C hing 問得好。
會自動波的學生通常係：
1) 好鍾意讀書
2) 家境唔好，父母教育水平低做勞力工作，小朋友想日後生活豐富啲，諗住靠學業有成，做專業人士(例如醫生)脫貧
3)學校氣氛唔興補習，同學間會談論測考內容，同學會喺小息午飯時間温習
4)性格好勝，唔認輸

我自己係1,2,3；老公係1，2，4.

而家呢一代，引誘大旁鶩多，鍾意讀書的同學已經唔多，好勝的人可以喺運動方面發展。因為樓價高企，單靠學業脫貧變成近乎不可能，第3項講的學習氣氛更是難求。同學之間唔會討論學習，驚死自己補習返嚟的成果因此俾人聽咗去，唔會喺學校溫書因為實在太嘈，睇書都難，只好食同玩。

<坦白講，我成世人，父母從來無理過我學業，我係自動做功課温書，佢哋只負責簽名俾錢。家母話試過好幾次同鄰居(兩個女係我師姐)傾偈，鄰居問起先至知我UT/大考。>

時代唔同，背景唔同，樓上Jm 講得啱，自覺性係要從小訓練。當初我已無假設小女同我一樣。故此由佢第一日返學開始，一放學返屋企我係會好有興趣咁問佢喺學校‘玩’咗乜嘢，再睇課本/做功課後先至食飯，因此到今日(中二)佢都習慣先做功課、温書，唔做晒係唔會食飯。

HK-MAN

retriever 發表於 18-4-23 07:37
問得好。

EK 真係有意思，一面係信日日督操，功課後再做題；一面係信天生自動波。

講得好...我最討厭一味怪責小孩的家長.

Jane1983

或者樓主係想講 「好煩惱」，唔係覺得個女好煩，兩者好大分别。

little_yolky

YolandaTam 發表於 18-4-23 09:59
本帖最後由 YolandaTam 於 18-4-23 10:00 編輯

C hing 問得好。

原來係咁。我都無諗到原因, 以為係天生的。我家四人有兩個係自動自覺型(另一個緊唔係C6啦！）
一個中咗你既(1), 另一個係(2)。不過, 唔係為以後脫貧, 只為阿媽自己無讀過書, 好想小朋友讀多D書, 我係為咗希望阿媽錫我多D而已。


即係, 想阿妹自動自覺溫書, 要唔俾飽飯佢食。

little_yolky

ar_mak 發表於 18-4-23 10:37
冇錯冇錯，絕大部份既天才，都係因為意外而成，但同時亦具備從小就從小處做好既特質。
有一個經常都出現既 ...

但真係好氣頂, 我個仲要小三都係咁。真係照抄都可以抄錯！


好似英默, 已經分開好多小段預默, 叫佢溫, 佢掀開望住。無錯, 係望住！我唔知佢係咪當自己係天才, 望下就識。咪全部錯晒囉, 真係火都嚟埋。拆埋隻字教佢串, 入唔到腦, 咁抄啦, 對住抄都可以抄錯。

akys

YolandaTam 發表於 18-4-23 09:59
本帖最後由 YolandaTam 於 18-4-23 10:00 編輯

C hing 問得好。

我仍然覺得大家美化了自己小學嘅情況。呢度有返咁上下年紀嘅絕大部分係靠自己，因為父母要搵食，又唔只一件，唔會得閒理你。


再諗一諗，小學時期有冇人考試前早一個月已經自己起動？而家考試前一個月已經要開始恐嚇孩子快啲溫習了。另外，如記憶冇錯，以前初小比較簡單，溫習課文加作業已經夠了，而且不會要求自己科科90分以上。

little_yolky

ar_mak 發表於 18-4-23 11:26
學國際音標，有冇得諗呀？

佢個問題係入唔到腦, 或唔想入腦。簡直激到你氣絕身亡。

芭蕾舞考試夠難啦, 1X組舞步, 又要聽音樂, 又要記舞步, 又要跳得高, 跳得高之餘腰又話要直, 腳又話要尖, 仲話要記得笑。你估慢鏡頭咩, 一秒都唔夠, 咁佢係記到喎, 你吹佢唔脹, 唔係無記性喎, 係唔記你想佢記果D之嘛。