語言資優其實係點？

happyhome2009

如果小朋友在幼稚園時已表達能力好好，對中文字好敏感，學校教英文拼音一學就識，仲blend到。
小學中英文默書温五分鐘都唔駛就已90-100分。
鍾意睇中文書，着重筆順 （自己睇中文字典）。
咁算唔算語言資優？

BBKDWLAM

我估語文資優主要涉及圖形及語音的記憶能力，如果天生耳朵靈敏同口舌靈活，簡直如虎添翼。其實小朋友好喜歡學習語文，主動學習，又學得好快，都好有機會係。如果去到非常沉迷，不停想學新的字句或新語言，相信一定係。
不過，如果學習進度理想，何必在意要確定是否資優？有時界線係唔明確的，舉例IQ129同IQ131學習上的能力唔似有大分別，學習態度同人的性格如EQ都有重要影響。所以小朋友進度理想，已好值得高興，恭喜你!

happyhome2009

BBKDWLAM 發表於 18-3-23 10:56
我估語文資優主要涉及圖形及語音的記憶能力，如果天生耳朵靈敏同口舌靈活，簡直如虎添翼。其實小朋友好喜歡 ...

多謝你的回覆。

我見如是數學資優的，很容易就會被察覺。但語文資優，我就覺得比較難被察覺。

JCR

語言資優應是很容易察覺的，除主動學習語言，學習語言的速度很快,對不同的語言都會有興趣，最重要的是，他對字詞的理解,更對他的學習有事半功倍的效果。對字詞的理解能力强,對吸收新知識有很大的幇助

littlemonkey09

happyhome2009 發表於 18-3-23 09:08
如果小朋友在幼稚園時已表達能力好好，對中文字好敏感，學校教英文拼音一學就識，仲blend到。
小學中英文默 ...

其實不一定係語文資優，我個仔好明顯係數學資優，不過記憶力強，家吓Ｐ２，學校要中文背默，佢温過幾分鍾，都唔夠我係廚洗米時間就話識曬。英默未溫就話已經識，學校係默故事書的，我讀咗兩三句，自己係度背默咗２頁内容！
但一去到作文，即刻勞氣到我死.....

BBKDWLAM

happyhome2009 發表於 18-3-23 13:42
多謝你的回覆。

我見如是數學資優的，很容易就會被察覺。但語文資優，我就覺得比較難被察覺。

我覺得只可以盡量順其自然配合佢，有時發現咗咩嘢都好難話一定做到啲咩。分享少少小兒情況。我仔歲半起係由宣傳單張的標誌同公司招牌引發學習興趣的，舉例認得PCCW及3的標誌就會識英文字同數目字。慢慢要剪低留起，行街就不停問啲鋪頭名點讀。我買過一隻教寫英文字母及發音的CD，佢會不停睇幾個鐘。其實當時我無諗任何資優問題，只係覺得佢幾好記性同幾專心。呢種性格K1後無咗。
K1我開始自己教數，已識睇時鐘，當時我已知佢數學能力好高。見佢進度驚人同肯學，就比佢係外邊上堂。但四五年班後就開始無咩學習興趣，但比賽成績還是可以的。
佢對音樂無特別興趣。小一學過一年就放棄，五年班學半年亦放棄。
性格無咩特別，學業方面大致係數同語文都
超班，但無比佢跳級升學。

我想講的是：
到六年班貪得意同佢評估，智力超出我預計，當時少少嚇親，但最估唔到係心理學家分析佢原來音樂天份好高好高。跟住我就慢慢回想起佢自細聽力真係好靈敏，發音及語氣亦可跟足CD，亦經常會話比人知唱歌唔啱節拍同音。
所以我經驗係細路仔學習態度同興趣會變，會好受周圍影響，佢天份係邊真係未必明確或者根本好闊。如果我兩公婆喜歡音樂，我仔可能會行另一條路。所以小朋友際遇，係佢命運，比佢樣樣試下，父母多關心留意，適當配合佢就好，有時就算有天份係未必有興趣的。

happyhome2009

BBKDWLAM 發表於 18-3-26 11:10
我覺得只可以盡量順其自然配合佢，有時發現咗咩嘢都好難話一定做到啲咩。分享少少小兒情況。我仔歲半起係由 ...

多謝你回覆。
你指你仔語文超班係中英文都超班定只是一樣？
另他會覺得上堂好悶嗎？

BBKDWLAM

我仔小一至小五時英數都會超出咗，因另外面有學。中文就只跟學校，但好彩又遇到兩個要求好高的中文老師，令佢對自己好有要求，作文好認真，有時簡單的週記，佢會用兩三個鐘做，要寫啲有創意同有意思的事。

我仔只係幼稚園試過一次老師認為佢認叻被罰過，我其實只係覺得佢一時興奮多口咗，之後令佢更加收歛。其實我仔性格一向合作同低調的，唔鐘意造作出風頭(但內心喜歡第一)，幼稚園啲老師同家長都知佢有啲嘢好叻，但學校學習同評核範圍反映唔到的，所以佢無咩獎項，知佢唔開心，但呢啲細路仔好早熟，佢知將來只講真正實力。
小學佢基本上係模範學生，即係老師要佢坐就坐，企就企，無人答問題佢就先舉手，好似幫老師維持課堂氣氛咁。
小學上堂模式好傳統，但上英文堂會將學生分組，上堂期間分組搶答計分比賽，好啱我仔，有滿足感但又唔會覺得刻意認叻。
數學堂佢基本上等無人答佢先舉手或等老師叫。我無聽過佢講上堂悶，但我知佢做數學功課悶，因重複的列式抄寫用好多時間，但佢又喜歡在老師面前表現好，所以都會認真做。做完學校啲加減數功課，轉頭做中學程度的補習班功課。我太太想佢跳級，但我想佢有正常童年朋友，佢和同學玩時又變回同齡細路仔。其實我估佢入U前跳兩三次級都得，不過會辛苦啲同表現未必可以最頭頭，最後我仔接受我睇法，慢慢同同齡朋友一齊大，會開心啲，我希望咁心理都健全啲。
呢啲細路仔可能好敏感，內心亦可能脆弱，所以多啲同佢傾計，當佢哋係朋友咁就得。

plummy_612

他们唔洗迫，好自学性的，他们有兴趣就去学，但要留意他们会否觉得課堂太淺就去 攪攪震， 同時他們社交能力低，反而黎方面多 補充一下， 有助他們整體發展

somoon

BBKDWLAM 發表於 18-3-26 11:10
我覺得只可以盡量順其自然配合佢，有時發現咗咩嘢都好難話一定做到啲咩。分享少少小兒情況。我仔歲半起係由 ...

好好的分享，學到野！好奇一問，心理學家check 到音樂天份嗎？

王家爸爸

happyhome2009 發表於 18-3-23 13:42
多謝你的回覆。

我見如是數學資優的，很容易就會被察覺。但語文資優，我就覺得比較難被察覺。

最容易被察覺既反而係中文語文資優，父母可以好早就發現小朋友認得某啲中文字。反而數學資優，比較難被察覺，因為小朋友起碼需要知道基本數字（即係有一定認符號既能力）。

王家爸爸

littlemonkey09 發表於 18-3-25 08:07
其實不一定係語文資優，我個仔好明顯係數學資優，不過記憶力強，家吓Ｐ２，學校要中文背默，佢温過幾分鍾 ...

圖形記憶力強對默書有幫助，我反而建議，無論幾難，都要多花時間鼓勵小朋友多作文。將來係創造力、high level thinking 能力既世界，多作文有幫助。

BBKDWLAM

somoon 發表於 18-3-28 19:46
好好的分享，學到野！好奇一問，心理學家check 到音樂天份嗎？

相信佢係綜合測試各項結果，同佢經驗分析出嚟。佢話孩子對聲音好靈敏同記憶好強，因呢部份係滿分，已到呢種測試極限，只可參考。有啲討論佢無寫係報告度，佢係講過孩子好啱玩音樂，將來職業好適合做樂團指揮。我其實懷疑我仔對音質要求高，但佢自己手腳唔夠靈活，把聲又唔靚，所以先無興趣玩音樂。佢係鐘意聽音樂的，包括流行曲同古典音樂。

20160901

聽覺靈敏可以分辨同時產生多種不同音調，對欣賞音樂、作曲及指揮有事半功倍效果。

somoon

BBKDWLAM 發表於 18-3-26 13:50
我仔小一至小五時英數都會超出咗，因另外面有學。中文就只跟學校，但好彩又遇到兩個要求好高的中文老師，令 ...

後半段非常認同！
前部分關於坐定定不愛出風頭，其實係咪上課模式抑壓左小朋友呢？
如果老師鼓勵發問討論，對小朋友發展是否更好？

somoon

重覆

964000

BBKDWLAM 發表於 18-3-29 10:39
相信佢係綜合測試各項結果，同佢經驗分析出嚟。佢話孩子對聲音好靈敏同記憶好強，因呢部份係滿分，已到呢種 ...

你兒子可考慮吹奏的學器，如oboe, Clariñet, trumpet

BBKDWLAM

somoon 發表於 18-3-29 15:22
後半段非常認同！
前部分關於坐定定不愛出風頭，其實係咪上課模式抑壓左小朋友呢？
如果老師鼓勵發問討論， ...

除咗啲招牌名，其實我仔自細唔算多嘢問。可能係因為我太多嘢問佢(基本上佢得閒我就會搵啲嘢問佢)，亦可能係佢自己已經搵到答案。
佢自細俾我訓練到靜靜地等大人指示的，因我觀念係小朋友要聽教，唔肯聽就會無法教。你咁講開，我諗可能係我壓抑咗佢都未定，令佢無咩創意同唔夠主動。我可能好多地方做錯的，所以純粹分享經驗，係失敗的經驗都未定的。

香港地的小學通常都好傳統，老師好少鼓勵學生發問，只鼓勵答問題。學生問都係只會問返唔明的地方，只問課程範圍，因為如果問到古靈精怪，太有創意，都驚老師罵。我估要國際學校或IB課程先會鼓勵到多啲真正發問同討論。

BBKDWLAM

964000 發表於 18-3-29 17:15
你兒子可考慮吹奏的學器，如oboe, Clariñet, trumpet

其實係學校學過一年clarionet的，係佢自己㨂的，可能BB時聽得莫札特多。不過我一次都無聽過佢吹，响屋企係零的突破...都無。第二年佢自己話唔想學，老師勸佢都唔肯。所以我以為佢無天份同無興趣的。

assado

happyhome2009 發表於 18-3-23 09:08
如果小朋友在幼稚園時已表達能力好好，對中文字好敏感，學校教英文拼音一學就識，仲blend到。
小學中英文默 ...

我小朋友語文好好, 在學校多元智能評估, 亦在語文表現最高分數, 最好成績亦是兩文三語, 有語文資優亦需要好導師教導, 我們都另找老師教導, 希望小朋友語文得到更好發揮。