A to Z,1-10,顏色 要那麼早識的嗎？

msLamip

有時睇返d幼稚園課程k1先教這些，點解要入學試就考？
之前睇過本書討論flash card係咪好既教學法，佢提出咗大家太著重短期既教學效能，忽略了更深入既學習方法既習得！

點解d名幼咁短視？
利申：這個月開始用flash cards 操練以上知識去考名幼，但內心很忐忑！

kitty331

我無特別train,我囡細b,都去左名幼見識,預左唔收!但我認為咁快學識哂,唔知K1讀咩？

like_yan

唔止。。名幼係要識 apple banana watermelon pig cat rabbit 等等

孟母3000

睇小朋友性格，我仔都算係對學認字有興趣既小朋友。

最初我無教我兒子，只係佢有一日跟表哥唱abc，然後果排對字母非常有興趣，日日叫我手寫26個capital letters比佢睇（我屋企唔比睇TV, youtube），寫寫下佢就記得。細階未認得哂，但佢story time會揀字母書出黎睇，然後問我呢個點讀，我相信佢問問下過多一兩個月會記得。

數字呢，佢係學校玩sandpaper，返屋企都成日問我呢個咩數字，問問下佢又識左。

msLamip

我仔間學校行英國課程，n班完全吾教letter,會等到k1開始教phonics,先一齊教！
佢地教番d生活知識，同強調口語表達！
我認為係學語言既層面上，最強的聽講習得時間係0-3，（有人認為其實胎教已經開始），過咗真係追吾番！認字反而係視覺上找字形的特點，大d反而容易掌握！

apple1990

msLamip 發表於 17-11-13 13:47
有時睇返d幼稚園課程k1先教這些，點解要入學試就考？
之前睇過本書討論flash card係咪好既教學法，佢提出咗 ...

上週九龍民生K1 面試，就係考 A-Z, 1-10, 啡色、紫色 等

Hkrazorback

其實呢類學校跟本唔識幼兒教育，兩歲識晒，K1佢地教三角幾何？so far in左6間，時運高冇撞到呢類垃圾學校

scarlettlai

我仔雖然識曬樓主所講的英文、數字、shape及水果名（答英文），但我仔唔識答自己名！無特別教佢英文或廣東話，但佢選擇英文多d，所以見主流廣東話幼稚園一樣唔掂！見咗4 間廣東話面試的，應該reject多！

socosally

哩類學校唔係以小朋友為本,係著重學校排名為先,所以想揀啲家長會配合嘅家庭

msLamip

見劍鳴時，有一part係教玩個彈出玩具；見又一村係教砌積木！兩間都係考緊小朋友既學習能力，理解能力，係好多人都識，難分高下，但合乎幼童的學習步伐，我幾欣賞！

Fluteli

要認字？見咁多間都係認圖咋喎

Forgetmenot999

Hkrazorback 發表於 17-11-13 14:39
其實呢類學校跟本唔識幼兒教育，兩歲識晒，K1佢地教三角幾何？so far in左6間，時運高冇撞到呢類垃圾學校 ...

K1咪直接幹脆教生字囉！

hkgra

只遇過考顏色的,但我個仔都係唔識
一直以黎都有教下佢顏色,但仍然未分到
有懷疑過佢係咪色盲,haha

kk1979

名幼K1 已經教中文字同埋要寫字啦, 如果唔一早識晒A-Z, 1-10, 會拖慢人地學習進度吧!

利申: 我無特別TRAIN小朋友認呢D, 平時搭LIFT教下1-10樓, 見到屋企同鄰居門牌有教下佢A-H,

bluejadeball

呢排in 九龍塘幾間名幼都無要認A-Z, 1-10 喎。
不過就會俾圖小朋友認吓係咩動物，水果，同顏色。

我都無特別train. 佢識就識，唔識就算喇。慢慢佢就會識㗎啦。

可能我比較懶(emoji)

apple1990

bluejadeball 發表於 17-11-13 15:12
呢排in 九龍塘幾間都無要認A-Z, 1-10 喎。
不過就會俾圖小朋友認吓係咩動物，水果，同顏色。
...

剛週六九龍民生K1 面試，就係正㠪考 A-Z, 1-10, 啡色、紫色 8色等

ylylylyl

bluejadeball 發表於 17-11-13 15:12
呢排in 九龍塘幾間名幼都無要認A-Z, 1-10 喎。
不過就會俾圖小朋友認吓係咩動物，水果，同顏色。

雖然九龍塘幾間名幼無問A－z，1-10，但會考慮你是否有讀PN班，因為如果開始讀PN班，即代表會有以上基礎呢。

hkgra

回覆 kk1979 的帖子

我個仔依家讀緊普通幼稚園N班
已經學A-Z 同認中文字
我自己覺得快,唔知其他幼稚園係咪都係甘~

eg86

like_yan 發表於 17-11-13 14:07
唔止。。名幼係要識 apple banana watermelon pig cat rabbit 等等

cora.ng

apple1990 發表於 17-11-13 14:22
上週九龍民生K1 面試，就係考 A-Z, 1-10, 啡色、紫色 等

我都IN左民生, 以下純粹個人感覺:

我冇教我小朋友ABC、1-10, 因我覺得呢個年紀唔需要, 結果緊係答到亂哂, 有啲岩有啲錯, 只有顏色答岩哂。

其實真係有需要讓咁細個小朋友認字嗎? 認黎做咩呢? 難道要串字?
認物品反而我覺得實用啲, 至少日常生活會接觸到~
我記得過程中老師見我小朋友某個英文字答得唔太肯定, 仲會問多次確認你係咪真係識。

事後我檢討自己係咪太懶唔去教佢認英文字...... 但我又真係唔想咁快要佢認字.....

結論係: 我唔應該報呢種名校