文法雜談6—齋噏閱讀派

woyj

scgift 發表於 17-11-13 09:10
我有常常讚佢的，但就係提唔起勁自己讀，可能睇開啲中文書太多字了。

最近淘左套故事書(簡體字)，本身諗 ...

雖然我吾知道是甚麼書，不過繁體書台灣出品的普遍也不錯

little_yolky

retriever 發表於 17-11-13 09:00
你呢個建議，係咪。。。攪笑架？

唔好意思。

乜原來是搞笑的嗎? 仲等我咁認真答添。

scgift

woyj 發表於 17-11-13 09:14
雖然我吾知道是甚麼書，不過繁體書台灣出品的普遍也不錯

台灣書屋企已有好多了，佢好喜歡睇康軒學習雜誌，但唔睇學前版要睇初階版(6-9歲)，字太多唔願意讀。繪本又係一大堆，但唔太有意慾翻睇，更唔好講話叫佢讀下啲字。反而啲好多字既書佢就一睇再睇，但佢係鍾意啲內容，唔係睇啲字。係咪吹脹!而家我唔會再咁蠢係咁買書俾佢，改為去圖書館借，遇到佢真係好鍾意既才買。所以真係好難得遇到有一套書佢鍾意睇得來又會自發睇埋啲字。

而且台灣的普通話唔標準，買這套大陸書(有得掃碼網上聽故事)既原意係俾佢聽標準普通話故事。佢自發睇埋書既文字係我既意料之外。

Rachelmummy2008

scgift 發表於 17-11-13 09:45
台灣書屋企已有好多了，佢好喜歡睇康軒學習雜誌，但唔睇學前版要睇初階版(6-9歲)，字太多唔願意讀。繪本又 ...

你小孩子理解力很強，所以對於幼兒圖書已經不感興趣。

如果他已看6-9歲的故事，我想他已經不只看圖畫。

雖然話閱讀是不錯的基礎，認讀或者是用自己的文字說話表達也有需要。

試試一些文字遊戲，抽些他喜歡的字詞玩下。

另外，傾下書本內容，可以連結平時的生活常識，幫助他用詞表達。

輕鬆一些去進行，找一找那類型的方法他比較接受。

little_yolky

scgift 發表於 17-11-13 09:45
台灣書屋企已有好多了，佢好喜歡睇康軒學習雜誌，但唔睇學前版要睇初階版(6-9歲)，字太多唔願意讀。繪本又 ...

但佢係鍾意啲內容，唔係睇啲字。 <======= 什麼意思?



我覺得康軒學前版唔多適合小朋友自己讀, 佢應該係for親子閱讀既雜誌, 因為版面較亂, 小朋友自己唔容易睇到。但初階版設計就係俾小朋友自己讀, 圖會減少, 版面較簡潔且吸引。看覺得你現階段唔需要急於要佢睇太深既書, 或急於要佢自行閱讀。

scgift

little_yolky 發表於 17-11-13 14:00
但佢係鍾意啲內容，唔係睇啲字。

因為係我同佢一齊睇既，無論康軒學前版還是初階版，都係主要我講/讀(有時會抽啲句子叫佢試下讀，但唔會要佢讀一整篇)。初階版既內容講得深入啲，阿女就係鍾意睇呢啲。本身3歲時開始睇左一年學前版，但明顯約3y9m左右開始覺得無聊。書展時佢自己喺booth度睇康軒初階版睇左一輪，之後就話要訂初階版唔要再睇學前版。佢連未來兒童都話想睇，但我見真係太多字了，所以冇訂。

佢最近好鍾意睇初小程度既書/漫畫(康軒既《紅豆綠豆碰》，《科學常識漫畫》)，睇呢啲書就會好少少，自己會睇下啲字。

其實唔係我想佢睇啲深/多字既書，只係佢有興趣睇既書(內容)唔係幾適合佢既年齡…

適齡既，一係只睇一次，一係唔點睇字。更甚既係青田圖書，佢直頭係抗拒(佢係書痴，基本上咩題材既書都有興趣睇，抗拒就真係好唔鍾意了)。試過學校規定借了本青田書回來(自己揀書)，佢係抗拒唔肯睇，連工作紙都係唔願做(平時好鍾意做功課)。

scgift

Rachelmummy2008 發表於 17-11-13 13:44
你小孩子理解力很強，所以對於幼兒圖書已經不感興趣。

如果他已看6-9歲的故事，我想他已經不只看圖畫。

謝謝你的建議。我同佢睇書時好多時都會引伸講埋其他野/睇youtube，把內容講得廣啲。阿女係好喜歡呢個模式，但就係有時講得太多太遠，佢更加唔留意書本上的文字。

最近佢有留意某啲字既部首(如好多昆蟲個名都有個虫字邊)，仲有自己口噏噏講好多書面語。我試下多啲同佢玩下文字遊戲。

little_yolky

scgift 發表於 17-11-13 16:50
因為係我同佢一齊睇既，無論康軒學前版還是初階版，都係主要我講/讀(有時會抽啲句子叫佢試下讀，但唔會要 ...

佢係抗拒唔肯睇，連工作紙都係唔願做(平時好鍾意做功課) <=== 除非佢讀直資或國際, 都係教下佢要隨波逐流好喎, 學校要做乜, 唔想做都快快手KO咗佢算。



如佢鐘意, 紅豆綠豆碰好適合, 好好睇。不過要注意唔好睇咁多漫畫, 真係無益。

Rachelmummy2008

little_yolky 發表於 17-11-13 17:27
佢係抗拒唔肯睇，連工作紙都係唔願做(平時好鍾意做功課)

好多人以為讀直資國際便一了百了，當然操練會少些，不過唔代表永遠無功課考試。

little_yolky

Rachelmummy2008 發表於 17-11-13 17:55
好多人以為讀直資國際便一了百了，當然操練會少些，不過唔代表永遠無功課考試。
...

唔係功課考試問題, 直資、國際似乎功課既質素好D, 無咁多無謂嘢, 同埋應該唔會老師一言堂。

Rachelmummy2008

scgift 發表於 17-11-13 17:00
謝謝你的建議。我同佢睇書時好多時都會引伸講埋其他野/睇youtube，把內容講得廣啲。阿女係好喜歡呢個模式 ...

我囡囡都有時講到天南地北咁遠，這是好事，我都吾介意，有時會覺得很有趣。

到最後，雖然想繼續講，但要睇時間，我到適當的位置拉番佢回來，再做個總結。

retriever

little_yolky 發表於 17-11-13 18:18
唔係功課考試問題, 直資、國際似乎功課既質素好D, 無咁多無謂嘢, 同埋應該唔會老師一言堂。 ...

應該抄寫少D，純死背少D，鼓勵閱讀多D。

HaYi

retriever 發表於 17-11-13 18:25
應該抄寫少D，純死背少D，鼓勵閱讀多D。

呢樣真，大部份真資私立要以此做selling point. 確實又有好多因資源足些而實行到

scgift

little_yolky 發表於 17-11-13 17:27
佢係抗拒唔肯睇，連工作紙都係唔願做(平時好鍾意做功課)

多謝提醒。家裏就只得提過的2套漫畫。

佢最近才被老師話佢上堂有好時唔專心(從小到大上開pg,學前班，興趣班，所有導師均讚佢坐得定，好專注，好乖)=_="原來係老師講埋啲野太無聊(e.g.K2教咩波可以碌,教乒乓球，籃球;男仔女仔校服著咩…etc),所以阿女無興趣周圍望，跟住見到課室內某某閣啲亂左就離位去執拾。又試過轉堂時(等全班坐好後排隊去排洗)時其他同學未坐好，阿女本身已坐好但見到地上有垃圾又走去幫手執……我好無奈，但只好教阿女要"隨波逐流"咁聽老師話，叫佢尊重老師，老師叫做咩就做咩，咩原因都唔好離位。

功課方面問題反而不大，因佢本身好乖，就算抗拒唔願做，被我講兩句還是會好快做完。

Rachelmummy2008

little_yolky 發表於 17-11-13 18:18
唔係功課考試問題, 直資、國際似乎功課既質素好D, 無咁多無謂嘢, 同埋應該唔會老師一言堂。 ...

我女學校係少功課，現有功課堂。

小一，二最關鍵，培養閱讀興趣。

小一仍會讀卷適應考試，小二都要開始自己看題目。所以認讀還是有要求。

little_yolky

回覆 eviepa 的帖子

Eviepa, 我終於發現問題出咗响邊度了, 唔係大家唔知閱讀重要, 唔係齋cup, 係好多家長用錯方法, 你出去睇下近期好幾個新帖, 應該係家長太心急, 以為一早閱讀小朋友就可以好快自己識好多字, 又用錯方法, 叫小朋友誦讀, 總之千奇百怪。可能係咁, 好多家長等到小一二見唔到成績, 就無恒心, 或小朋友俾佢哋迫顛咗, 唔想睇書, 就改用做練習方法。

睇嚟, 依家當務之急, 係要出個帖, 講如何「正確」培育小朋友閱讀興趣/習慣。

eviepa

回覆 little_yolky 的帖子

其實我一早有出一個「eviepa 」眼中的正確伴讀方法作為一粒籽，希望各家長們在這基礎上發揮的想法。

little_yolky

Rachelmummy2008 發表於 17-11-14 12:49
我女學校係少功課，現有功課堂。

小一，二最關鍵，培養閱讀興趣。

我哋學校相似。不過, 題目來來去去都係三幅被, 好易估到。阿細小一時中文閱讀理解評做係攞0分的, 因為佢唔識字, 評估又無讀內容。小二時英文閱讀理解係2分(out of 10), 但睇下佢答案, 全部係答中嘢, 不過全部串錯字, 所以我沉著應戰, 亦衷心讚佢好叻, 全部答中。知道問題所在, 只要有適當時間, 萬事可以迎刃而解。現在好多家長實在是過於擔心, 過於急進了。

YolandaTam

little_yolky 發表於 17-11-16 10:57
我哋學校相似。不過, 題目來來去去都係三幅被, 好易估到。阿細小一時中文閱讀理解評做係攞0分的, 因為佢唔 ...

jm , 人在江湖身不由己呀。就算父母肯等，學校都唔肯呀。好似我女當年小一，返咗一兩個星期，老師見佢英文聽唔明，就三日唔埋兩日打電話嚟叫我哋考慮請補習，我咿咿哦哦，依舊只係伴讀同温書，跟住上學期大考科英文40幾分，我知自己方向啱，但家長日仍俾老師審犯咁審，咁只好做埋練習叫做盡人事。

Rachelmummy2008

little_yolky 發表於 17-11-16 10:57
我哋學校相似。不過, 題目來來去去都係三幅被, 好易估到。阿細小一時中文閱讀理解評做係攞0分的, 因為佢唔 ...

我間學校英文閱讀理解有四題短答題，我女係消化左篇文然後用自己文字寫出來。

本來是一件好事，因佢係自己分析問題。可借老師原来都係要學生從文章中找句子改少少作答，只有最後一題係可以發揮自己的想法。