06年讀k1(荃灣)各家長有冇心水呀 ???

雲兒白

各位家長,
06年讀k1荃灣幼稚園有冇心水呀???
大家入來分享吓啦 !!
    

小王子

Hi,

都係度搵緊資料, 心水有浸會及聖母, 你呢?

雲兒白

小王子,
我其實一心想讀聖母, 但聽朋友話要報多幾間喎,所以都係揾緊資料．
依家都應該會報埋綠楊，浸會同慧中．

babykel

我阿b又係06年讀k1 wor..我選擇荃灣祈德村迦南..我家姐有個朋友教幼稚園,佢話lee間好,,我去睇過,,今年9月報名,10月就面試la

雲兒白

babykel,
想問吓你迦南校舍大唔大呀     

Hipoma

聽聞迦南比較嚴同課程較深, 唔知係唔係呢?

summer_66

我心水係浸會 & 領報, 有次係公園玩, 有位媽咪講佢3個小朋友都係祈德救世軍讀d老師 & 嬸嬸都好好, 但佢話迦南一般, 好似話小朋友賴尿都要罰十蚊唔知係唔係 ?

雲兒白

ｓｕｍｍｅｒ＿６６，
領報係邊架   

Alexismama

有緣人

係呢到見到你, 昕昕咁快返k1啦, 阿女同學仔之前讀海濱迦南話幾好喎, 有好多課外活動都係學返學校搞, 所以佢都比左細妹又讀返呢間ge N1囉。 救世軍都好, 但好似話課程都幾淺, 睇你想要邊類學校啦, 聖母好似話好平, 但校舍係咪比較舊呢   

領報係咪係麗城果邊, 我都聽講話幾好架。

但呢幾間d學費係由900-2千幾, 都幾大分別架, 預算都唔同喎, 要教慮埋呢點。

Fionyiu

summer_66,

絶對無咁既事.  唔好聽d人胡言亂語.

summer_66 寫道:
我心水係浸會 & 領報, 有次係公園玩, 有位媽咪講佢3個小朋友都係祈德救世軍讀d老師 & 嬸嬸都好好, 但佢話迦南一般, 好似話小朋友賴尿都要罰十蚊唔知係唔係 ?

Fionyiu

babykel,

海濱個間唔係好大, 九龍塘個間最大.

雲兒白 寫道:
babykel,
想問吓你迦南校舍大唔大呀     

amble

領報是在荃景圍, 屬活動教學, 我仔仔都讀緊k2, 不知幾開心, 又多課外活動, 校長老師同嬸嬸都好好人, 學校環境也很好~~

小王子

雲兒白,

我都想報綠楊, 但係私校, 都心大心細! 係呢, 你知唔知佢0地既教學方法係點既呢?

    

雲兒白

HI 有緣人,
好開心係度見到你呀        
多謝你比意見我呀  

我钟意聖母係近我OK, 同埋昕昕個哥哥係度讀，但今年畢業囉，我都覺得佢唔錯．
同埋讀聖母如無意外小一應該可以升荃天，但昕昕好怕羞，見到唔熟的人係唔講嘢，所以我驚佢去ＩＮ時唔得呀，
所以諗住報多幾間囉．    

Alexismama

有緣人

聖母升荃天係跟隨機編號, 唔係必然架, 你唔好有誤解喎。其實上次你都講左我知你心水係聖母架啦, 但佢因為平, 又好多人好似你咁諗可以升荃天, 所以好多人報架, 報多幾間做後備都好ge, 但昕昕咁得意, 比我係老師都會收佢啦       

雲兒白

有緣人，
多謝你呀，但依家個個小朋友都好得意架 :  :  :
如果你係老師就好囉           

雲兒白

小王子，
ＳＯＲＲＹ　ＡＲ，　我都未知佢0地既教學方法   

babykel

OK LA...唔算大,,,我家姐教幼稚園個朋友就話唔好揀海濱嗰間迦南,,海濱嗰開D學費貴Ｄ,,係只不過佢多咗國際LEE兩個字,,但係海濱同祈德村教嘅野係一模一樣..所以唔需要揀海濱嗰間

summer_66

我本身都係荃景圍住, 有位媽咪接個女放學 (讀領報) 我多口問下學校好唔好, 個位媽咪都話好好主要教小朋友要有禮貌, 功課唔會太多, 如果想小朋友玩多d會幾適合, 不過唔知學費幾多?????