同一種樂器同時用兩位老師？

kkhon

多人會同時用兩位老師嗎？這樣的好處和壞處又是什麼？

事情是這樣，我介紹了我仔的小提琴老師比我朋友的女，朋友用了2個月，因為覺得學費貴又要上老師家很費時，她便找多一位學費平一半的老師上門教。我跟她說每位老師的演奏風格不同，兩位老師會令她女兒會難以適從，但她說沒關係，我的老師主要教3首考試歌，而上門的主要教scales 同陪練琴。後來她連鋼琴老師也用上兩位，她還叫我仿效她這做法。我說疑人勿用，用人勿疑，我從來都貫切如一，不想這樣，如果我覺得老師不好就乾脆換人便是，再且如果老師知道有另一個教，老師也會不高興或者冇心機再教。她說我太古板不願嘗試，為這件事我們爭拗了好幾次，依家我都費事聽佢講關於任何老師的事情。

Jane1983

我唔贊同你朋友的做法，不過既然佢咁strong wi l l，你亦無謂同佢拗，無乜謂。

有一段時期，試過有兩個教練同時教我女打波，主要原因係好果個太忙，個個學生都係weekday 4-7pm和六日，佢比唔到期我，我先至逼於無奈搵多一個。兩個教練教法唔同，跟唔足進度，效果無咁好的。

kkhon

Jane1983 發表於 17-10-14 17:41
我唔贊同你朋友的做法，不過既然佢咁strong wi l l，你亦無謂同佢拗，無乜謂。

有一段時期，試過有兩個 ...

可能我比较主觀，覺得吾可行，吾想佢浪费時间，所以想问下大家佢咁樣有冇成效。

titibaby

kkhon 發表於 17-10-14 13:28
多人會同時用兩位老師嗎？這樣的好處和壞處又是什麼？

事情是這樣，我介紹了我仔的小提琴老師比我朋友的女 ...

好多人咁做，但主老師要同意。我見過有些陪練是主老師大一點的學生

陪練等於補習咁，尤其媽媽唔識或沒時間自己跟。但長遠還是要建立自己識聽自己好

kkhon

titibaby 發表於 17-10-14 19:00
好多人咁做，但主老師要同意。我見過有些陪練是主老師大一點的學生

陪練等於補習咁，尤其媽媽唔識或沒時 ...

我知有好多名師都会请徒弟陪練。主老师吾知，但除了陪練亦有教拉scales同练习曲，這樣会有坏影响嗎？

ivory0915

kkhon 發表於 17-10-14 21:38
我知有好多名師都会请徒弟陪練。主老师吾知，但除了陪練亦有教拉scales同练习曲，這樣会有坏影响嗎？ ...

我都有朋友是咁樣，聽佢講，佢小朋友學校，好多人都係咁做，主要是想進度快一些，佢小朋友學管樂三年，8 級。

titibaby

kkhon 發表於 17-10-14 21:38
我知有好多名師都会请徒弟陪練。主老师吾知，但除了陪練亦有教拉scales同练习曲，這樣会有坏影响嗎？ ...

初級館吓音，拍子ok，但長遠要訓練對自己有要求不要過分依賴

如果已有認音能力，最好還是自己練，老師的責任是要教小朋友知道要對自己有什麼要求

最怕陪練對小朋友要求不高，令小朋友容易過骨。陪練教學態度，經驗都重要

有心學好的，通常成功都是媽媽一路陪上課，一路陪練

stinkyrabbit111

回覆 titibaby 的帖子


"通常成功都是媽媽一路陪上課，一路陪練"⋯⋯哈哈你咁講呢度會有個呀爸唔開心嫁⋯⋯
不過父母要有效地陪到小朋友練，起碼要有少少喜歡音樂，某程度上也要對音樂有些認識，或是邊跟小朋友上堂邊偷師⋯⋯
父母陪練或跟同外人的分別是，父母一定知道多d小朋友capability，仲有，"跟"的時候當然一定肉緊d啦⋯⋯

bebebe12345

唉、今天準備的全日節目相信因8號風球的懸掛而取消.....
81st Steinway & Sons International Youth Piano Competition Final
鋼琴從未嘗同時跟二位老師、只在上大學時才轉......那是孩子難得的運氣!
小提琴曾有相賞時日曾跟二位、但立心早是主次已分、只是礙於環境環境而已、我只跟其中一位上課、一切以其為準、若只讓孩子作主、必然二頭唔到岸切要注意、一切亦早已與主力相商量、作為家長一路對孩子的提醒和陪伴付出更大...非常特別的例子..可免則免、能夠集中資源為孩子把目標訂得更高、才是孩子最大的福氣。
聲樂則從未隨師、至大學副修才正式跟老師、從未隨其上課......最終竟轉為主修、始料不及!能夠讓孩子找到和跟隨心儀和心目中最理的老師一路成長、是孩子和家長最難得的、長長的十多、廿多年陪伴.....好好作決定、錯就要轉、對就堅持。
近年已把心放在其他小孩子的身上、欣賞她/他們的進步實在是賞心樂事! 對她/他們要求自然.....更高、更有期待
考級只是學習過程的順便而已.....從來對分數只是平常心、反而聽孩子比賽從少就在台下腳震了許多年!
從開始就養成孩子每天練琴的習惯、日子有功、....
由加意見到不加自己的意見(只提醒老師提出的要求改善地方)也是一個過程......哈哈、錯了下一堂還是會改、長期的錯、改也改不了才是最大的痛苦......

從來孩子都是在錯誤中學習、要求也不同、不用太擔心!

titibaby

stinkyrabbit111 發表於 17-10-15 07:47
回覆 titibaby 的帖子

噢係，虎爸落力，勝過好多虎媽

bb630

titibaby 發表於 17-10-15 01:44
本帖最後由 titibaby 於 17-10-15 01:47 編輯

初級館吓音，拍子ok，但長遠要訓練對自己有要求不要過分 ...

非常同意你說的 "有心學好的，通常成功都是媽媽一路陪上課，一路陪練"

阿仔練的每一首歌, 我會上youtube聽不同版本過百次.......


我會聽返佢學琴時的錄音, 佢練時會提返佢啲重點.....


所以佢學琴進度真係好快

titibaby

bb630 發表於 17-10-15 11:02
非常同意你說的 "有心學好的，通常成功都是媽媽一路陪上課，一路陪練"

阿仔練的每一首歌, 我會上youtube聽 ...

你小朋友一定拉得好好！

bb630

titibaby 發表於 17-10-15 11:26
你小朋友一定拉得好好！

其實我真的十分享受陪阿仔上堂同練琴.....
我以往只喜歡鋼琴.....

如果唔係佢學小提琴, 我唔會發現原來有咁多咁好聽嘅協奏曲, 交響樂!

lillymarie

回覆 kkhon 的帖子

其實各取所需, 你朋友不介意花錢, 但求孩子學琴順利, 即那方法他覺得適合他. 至於成效, 人人的要求不一樣, 他說沒問題, 即是符合他的要求.
不代表那做法對所有人好, 只不過是達到他的要求

我自己就不會這樣做

LeeCC

bb630 發表於 17-10-15 11:02
非常同意你說的 "有心學好的，通常成功都是媽媽一路陪上課，一路陪練"

阿仔練的每一首歌, 我會上youtube聽 ...

你好心機，音樂我不懂，幫唔到幾多，最多只係提醒有無練齊老師的功課，買齊老師要買的書，幫仔download想要的譜，安排上堂和練習時間，和做聽眾

kkhon

吾該晒大家！

kkhon

bb630 發表於 17-10-15 11:02
非常同意你說的 "有心學好的，通常成功都是媽媽一路陪上課，一路陪練"

阿仔練的每一首歌, 我會上youtube聽 ...

你同囝仔都好叻呀！我仔學了8年，我都有陪上堂，但都吾識跟。

kkhon

sweetmusecat 發表於 17-10-16 23:50
一個主老師，一個陪練老師都可接受,如兩個都會教野就唔可以了

我都覺得只陪练冇问题，但兩位都教野就……