想請問你哋會點處理已讀完的教科書（不是圖書）？

leafun

我大細兩個差四年，家姐既書我會留到阿妹讀完先。因為例如音樂﹑宗教﹑普通話書﹑英文故事書比較少轉版。當兩姊妹用完啲書後，就攞去廢紙回收。(但每次攞去都覺得對唔住啲樹)

leafun

回覆 little_yolky 的帖子

貼貼紙果啲，只要無轉版，我照畀我細女用，而佢亦夠膽同老師講佢用舊書所以已經做咗。我見既係老師會彈性處理，貼貼紙就唔洗做，如果係其他既就影印畀佢做。

我大女話佢有同學所有書既功課係用鉛筆/擦得甩原子筆做，佢同學仔話他朝可以擦晒佢留畀阿妹用。

leafun

回覆 lukeskywalker 的帖子

送畀人未必有人要。我有聽聞過書簿津貼係實報實消，所以有申請既係會全套買新。(唔知係真定假呢？)

leafun

回覆 kwokbobo 的帖子

要睇番本書係咪同一出版社和同一出版年份。

讀同一間學校會比較容易用番之前啲書，因為學校轉書商就要轉過成套教學材料。但都有學校係幾年後轉出版社，啲書唔啱用。所以訂書前，要攞番之前既書出嚟對吓出版社同出版年份先決定用唔用舊書。

leafun

回覆 IloveJJ 的帖子

其實我都係閒科可以留到(音樂﹑普通話﹑聖經﹑reader)，最多加埋本常識書。常識書貼紙唔多，所以老師畀我細女用舊書。但中﹑英﹑數留唔到，尤其本數學，就算同版，都因為太多練習當功課做，所以要買過。