長天 vs 大角咀聖方濟

hkpapa852

judy 發表於 17-8-4 12:14
旅港唔差。

我只係想講, 一間學校10樣嘢9樣嘢做得好, 唔代表餘下個樣都一定好, 反之亦然.
無資料既, 就不要太高估/低估人地. 如果以2012年既DSE成績比較 (當年兩間都有公佈), 其實SFXC仲好過長天少許

kkhon

judy 發表於 17-8-4 11:49
差過福建、香島、滙知、李國寶等二缐直資。

呢啲學校搞咩鬼呢？

你覺得差，但佢都仲係好多人想入的学校。

judy

你覺得差，但佢都仲係好多人想入的学校。

呢個我知。

hkpapa852

judy 發表於 17-8-4 11:49
差過福建、香島、滙知、李國寶等二缐直資。

呢啲學校搞咩鬼呢？

或者咁講, 係太多人低估咗個幾間二線直資既車力就真.


不過呢你番話有一點係錯既: 差過福建、香島、滙知、李國寶等二缐直資。



你到底攪清楚, 匯知係間咩學校未?

judy

你到底攪清楚, 匯知係間咩學校未?

冇咩留意，不是直資嗎？

chesswin

judy 發表於 17-8-4 12:41
呢個我知。

你的判斷及寫作能力, ,我真係拜服

judy

你的判斷及寫作能力, ,我真係拜服

冇所謂啦！

Minionboy

judy 發表於 17-8-4 11:49
差過福建、香島、滙知、李國寶等二缐直資。

呢啲學校搞咩鬼呢？

點睇到佢差過福建、香島、李國寶?

過去兩年 2017/2016 4主科 Dse 4+ 成績:-

Sfxc (48.86% / 48.9%)

福建 (48.28% / 46.83%)


香島 (48.9% / 46.3%)


李國寶 (53.13% / 48.6%)


其實4間成績差不多。

mw7183

judy 發表於 17-8-4 12:48
冇所謂啦！

好心唔清楚唔好亂講.影響學校同家長

mw7183

hkpapa852 發表於 17-8-4 12:27
我只係想講, 一間學校10樣嘢9樣嘢做得好, 唔代表餘下個樣都一定好, 反之亦然.
無資料既, 就不要太高估/低估 ...

認同王家爸爸同HKPAPA852.
當年揀小學都系睇升中派位.無公佈實數果啲唔多咁考慮.
到而家同小朋友揀中學一樣想搵有公佈DSE 成績果啲中學.

judy

好心唔清楚唔好亂講.影響學校同家長

如果收油尖旺band1生咁嘅成績，真係麻麻。

Minionboy

回覆 Minionboy 的帖子

Sfxc 一直只係油尖男仔的 Second Choice， 學生人數減少下接收部份 Band 2 學生但仍能 keep 住 Band1C 水平做, 他做的保底工作確實幾好。 成績比不上以前, 但學校仍每年公佈 Dse 成績,更是難得。 相對Sfxc而言, 教好「學生」比能否做到名校就更為重要。

補充一句: 長天同 Sfxc 兩間都係值得讀的好學校。

kkhon

實行小班教学，毎星期一科测验，毎月一張成绩表，咁樣犎你keep成绩教好"学生"算吾话得啦！

ShaniceChan

睇咗咁耐，我發覺討論開始有Ｄ偏激，其實揀學校和揀老公一樣，邊有統一標準㗎？正如蕭阿姨話齋，道不同，咁就吾好抝喇。

我兩個仔讀長天，我覺得好好噃，其實學校每年資訊日都有公開DSE成績，校長仲叫Ｄ家長影低𠻹 只是沒有post上網，如果咁都係不當，又實在太過了。

正所謂百貨遇百客，你吾鍾意佢吾post DSE 成績未吾好揀囉，不過長天呢幾年DSE 真係考得好亮麗，吾信係未是但去學校附近問下Ｄ學生囉。

最後，如果以樓上數據比較，長天DSE真係好過SFX。

hkpapa852

ShaniceChan 發表於 17-8-4 13:35
睇咗咁耐，我發覺討論開始有Ｄ偏激，其實揀學校和揀老公一樣，邊有統一標準㗎？正如蕭阿姨話齋，道不同，咁 ...

可以可以分享吓長天既DSE成績呢?

ShaniceChan

既然學校吾Post 上網，我在此分享都吾係好合適，正如我之前講，你去做下功課，問下讀緊嘅學生或舊生，就自然有答案喇

王家爸爸

坊間的確有傳聞話長天DSE好過SFX，亦有相反既傳聞。大家只係知道SFX既成績，所以無得比較。

ShaniceChan

就如我之前講，如果你只注重成績的比較，而長天又吾Post DSE 成績，咁未吾好揀佢囉。

我想講，Post 吾 post DSE 成績吾係學校必須要做的事，post咗就多樣野睇，吾post亦都無大不了，因為如果真心要知，總有渠道。

就我而言，我想找一間好學校，吾係找一間 成績好的學校，況且，長天學生的成績都好好。

王家爸爸

ShaniceChan 發表於 17-8-4 14:07
就如我之前講，如果你只注重成績的比較，而長天又吾Post DSE 成績，咁未吾好揀佢囉。

我想講，Post 吾 pos ...

其實唔公佈唔係問題，DBS、九華都係一直無公佈，呢個係學校既傳統做法，外人無得說三道四。
反而感覺奇怪，點解有啲學校（唔單係長天）由以前既公佈變成現在既唔公佈。從錦衣日行變成錦衣夜行，一定有原因。
唔係話成績好重要，只係對於家長來講，長天同大角咀聖方濟係同等鍾意既學校，所以只好比較成績。

hkpapa852

反正好學校咁多, 我呢D懶人, 只係會捨難取易, 選D願意主動公開多D資訊既學校.
而且見過不少家長分享一D學校(唔係長天)係校內公開資料, 其實同校方講既(或家長以為既)係有一段距離.....
無他既, 現今中小學都開始流行各式各樣既統計偽術, 唔小心就好易中招