北區B1C被派去大埔孫方中書院

小時了了

思思baby 發表於 17-8-11 17:34
回覆 小時了了 的帖子
你會唔會為囡搬出九龍一帶呢?
我都諗緊, 好唔揀返間大埔/ 沙田B1 呢...? 雖然我唔想小朋友搭咁耐車.

我舊年8月時開始放盤, 打算
1) 搬去沙田銀禧, 第一城 (考到培基的話);
2) 德福 (考到匯基的話)
3) 美孚/荃灣綠楊或愉景新城 (考到長沙灣崇真的話)

今年4-5月封盤唔搬住, 因為出面樓價升得太快太貴, 賣咗依家層樓都唔夠俾首期, 阿女惟有捱住長途跋涉返學先, 我再睇定啲遲啲再考慮搬, 抑或索性俾阿女住學校宿舍

小時了了

思思baby 發表於 17-8-11 17:34
回覆 小時了了 的帖子

我都諗緊, 好唔揀返間大埔/ 沙田B1 呢...? 雖然我唔想小朋友搭咁耐車

我今年年頭直資無著落時, 我自行一選沙田循道衛理 (全部都有得面試); 自行二本來好想好想選王肇枝, 但王肇枝 shortlist 人面試, 自己又驚浪費自行二機會阿女無得面試, 最後好保守自二選了沐恩

little_yolky

小時了了 發表於 17-8-11 17:55
我舊年8月時開始放盤, 打算
1) 搬去沙田銀禧, 第一城 (考到培基的話);
2) 德福 (考到匯基的話)

咁唔好賣, 放租, 然後用租金補貼去德福租樓。

flmama

小時了了 發表於 17-8-11 17:55
我舊年8月時開始放盤, 打算
1) 搬去沙田銀禧, 第一城 (考到培基的話);
2) 德福 (考到匯基的話)

去匯基毎日來回要3個鐘，且要轉車， DSE成績都是和風采中學差不多，不值得。

CheungAA

flmama 發表於 17-8-12 09:55
去匯基毎日來回要3個鐘，且要轉車， DSE成績都是和風采中學差不多，不值得。

好多人吾想博，有些直资校有的配套，一般津校係冇，睇吓家长想要咩，太多因素要考慮

小時了了

flmama 發表於 17-8-12 09:55
去匯基毎日來回要3個鐘，且要轉車， DSE成績都是和風采中學差不多，不值得。

如果選一間適合的中學俾自己心肝寶貝女只看DSE成績及車程，未免太太簡單吧！

如果只考慮成績，我又唔會考慮風采了，北區B1生大抽獎官津中學，我（純個人喜好）只會考慮及"鍾意"甲寅年，莫壽增，王肇枝，田家炳及沐恩罷！(鄧顯及迦密高樊唔起)

匯基（東九龍）：容得下學兄黃傘黃之峰，必然容得下我個 "愛口舌爭辯及愛做正義超人"嘅女女（呢個亦係我選匯基幾重要原因）。
一間英中，直資，要俾學費，有寄宿，有游泳池，有強烈宗教嘅教導，有好多好多活動，S4選科彈性強。。。

風采：我唔清楚學校包容度能否容得下不同意見的學生。
一間中中，津校，唔洗學費，其他同一般津校無咩大分別。

有人鍾意食中餐，有人鍾意食西餐，亦有人鍾意食東南亞美食，大家鍾意不同，大家各取所需，有人為咗食米芝連食肆大排長龍都要等，都要食。亦有人喜愛普通茶餐廳，目的只需要食得飽，唔講求餐廳裝潢，廚師嘅煮熟花巧。選中學亦同一道理。


值不值得好個人。

izumilam

回覆 小時了了 的帖子

１００％同意！

little_yolky

小時了了 發表於 17-8-12 14:09
如果選一間適合的中學俾自己心肝寶貝女只單單看DSE成績，未免太太簡單吧！

如果只考慮成績，我又唔會考慮 ...

學校有無規定可以住幾耐宿舎? 如果可以住都好, 唔係真係太遠了, 考慮下租樓。

小時了了

little_yolky 發表於 17-8-12 15:20
學校有無規定可以住幾耐宿舎? 如果可以住都好, 唔係真係太遠了, 考慮下租樓。 ...

中一強制寄宿2或3個月（視乎第幾學期入宿）。阿女第二個期寄宿3個月。

little_yolky

小時了了 發表於 17-8-12 15:33
中一強制寄宿2或3個月（視乎第幾學期入宿）。阿女第二個期寄宿3個月。

...

所以不是長期可以有宿位。路程是一個問題, 放租+租樓吧。

iriswy

小時了了 發表於 17-8-12 14:09
如果選一間適合的中學俾自己心肝寶貝女只看DSE成績及車程，未免太太簡單吧！

如果只考慮成績，我又唔會考 ...

風采雖然呢幾年成績有進步, 但始終係一間中中, 家長都比較想子女讀英中吧

hkpapa852

little_yolky 發表於 17-8-12 15:37
所以不是長期可以有宿位。路程是一個問題, 放租+租樓吧。

以我所知, 中一以後, 可以申請繼續住宿舍, 學校有少量位可以安排, 但未必一定會批

YmOra

小時了了 發表於 17-8-12 15:33
中一強制寄宿2或3個月（視乎第幾學期入宿）。阿女第二個期寄宿3個月。

...

jm個孩子執到"好籌"可以住3個月,住兩個月嘅唯有羨慕.

flmama

小時了了 發表於 17-8-12 14:09
如果選一間適合的中學俾自己心肝寶貝女只看DSE成績及車程，未免太太簡單吧！

如果只考慮成績，我又唔會考 ...

講風采只是舉ㄧ個例子，如果你個女是band 1，北區，大埔及沙田很多選擇。你女日日用3個幾鐘返學,你認為她仍有時間及精力做功課，温習及做課外活動嗎？成績只會越來越差。你話你女成績超班出九龍讀神校就話啫。

成績不及人就讀唔到多人競爭你睇得上眼的北區及大埔學校。你女未夠班讀(自二沐恩都唔收)，以為山長水遠㨂間滙X，可以彌補到讀唔到你睇得上眼的中學的結果。自欺欺人。

小時了了

flmama 發表於 17-8-15 02:20
講風采只是舉ㄧ個例子，如果你個女是band 1，北區，大埔及沙田很多選擇。你女日日用3個幾鐘返學,你認為她仍有時間及精力做功課，温習及做課外活動嗎？成績只會越來越差。你話你女成績超班出九龍讀神校就話啫。
成績不及人就讀唔到多人競爭你睇得上眼的北區及大埔學校。你女未夠班讀(自二沐恩都唔收)，以為山長水遠㨂間滙X，可以彌補到讀唔到你睇得上眼的中學的結果。自欺欺人。

唔好意思我嘅言語令你唔舒服，唔洗咁激動。係我唔啱, 我唔用字眼"睇得上眼"，改用"鍾意"。

係北區B1位中學嚴重唔夠學位嘅校網，係我自欺欺人，係我女唔夠人競爭，未夠班讀(自二沐恩都唔收)，唔值得山長水遠去滙X（又唔係神校）。

我唔識做人阿媽，害咗我女，應該死心塌地死守北區參加大抽獎，派得好的話去自一二，OK嘅都可能去甲寅年，莫壽增，王肇枝，田家炳及沐恩，不如意的好似樓主B1C 派到大埔孫方中書院，又或者我女兩個同班同學B1A去馬錦明及B1B-B1C去廖萬石做 "學霸"。唔應該搵一間容得下學兄黃傘黃之峰，亦應該容得下我個 "愛口舌爭辯及愛做正義超人"嘅女嘅中學。

中餐都有好多好食肆選擇如富臨，稻香，美心.....我應該只係食中餐只揀酒樓，唔應該山長水遠去食西餐及自助餐，係我自欺欺人。

YmOra

小時了了 發表於 17-8-15 07:00
唔好意思我嘅言語令你唔舒服，唔洗咁激動。係我唔啱, 我唔用字眼"睇得上眼"，改用"鍾意"。

係北區B1位中 ...

"山長水遠",真的何謂山長水遠呢!有的會以"DSE成績"作為""量度""中學的"""選校指標""",有的會以"DSE成績＋學校內涵"為指標,亦有的會重視""學校內涵""多於""DSE成績"",因為知道有("適合孩子")的學校為先決條件才可以有提升自己孩子的("DSE成績"),選校可以有不同的(""先決條件""),如"DSE成績行先"或是"學校內涵行先"都係各有各的選擇,正如你比喻嘅"中或西餐",選校可以有各自想法各自的出發點,但是,當一進到該中學的一刻,家長們就必定關注著學校的運作,教學模式,老師關愛我孩子嗎?!是否有疏忽我孩子的中文科...英文科...數學科...之進度呢?!孩是自信心之建立,愛玩的活動原來未能滿足孩子,上學學習的動力是日益增加吖?!還是日漸減退呢?!高中選科自由度多少,當發現,雖則自由度十分大,可惜孩子長期居於中下游未到佢選科先,望得見但觸不到,這些通通問題大家都會去想會去諗,只是"早諗吖定遲諗",有的更是""早早早地已經去諗呢"",無論你係邊隻想法,一進中學大門的一刻,父母無得再唔去想"""學校的內涵""之問題呢!沒有"""適合你孩子的學校內涵""",怎能提升孩子的"能力成長","關愛成長","學業成長"呢!以上才是我們的""寶貝兒""的難關,需要一個又一個經過才去到""擁有應付DSE之能力"",成績才會好呢!了解一所好中學的內涵是否適合自己孩子,咁!孩子的{"成功率"}才會大大的增加呢!這裡的{"成功率"}係指孩子是否能夠成功成為該中學之入U%範圍之內的學生,若然對學校了解不夠,入到去才發現原來對孩子的適合度屬於低,那麼,就算入到超班好學校亦很大機會只會做那｛１－入Ｕ％｝範圍內之學生呢!!!

"山長水遠",記得""英華女學校""舊校長,她憶述當初選英華的原因,她把學校的優點一一道出,亦對家長們說大家要仔細地看看這些東西是否適合孩子成長,她用了很大的篇幅都係講解學校的各樣事情,亦講出她為何會選擇英華的原因,全因"""適合"""而選擇呢!校長在最後才透露自己是居於大埔,當時交通實在不方便,唔似得現在呢!她說她要又火車,又船,又巴士才返到學校,但她說,她不覺得"苦"呢!她只知道能夠入讀到一所""必定""可以令她""成長""的好中學才是最好呢!她又說,可能每天的""山長水遠"",教曉她""克苦"",成為了她日後當上校長一職的犀利武器,她能夠把苦當成學習機會,她的分享係想說出她的例子係因為女英華有的是適合她成長的,地理障礙就變得是一件微不足道的事情了.

izumilam

回覆 小時了了 的帖子

了了,我都係鍾意山長水遠去食西餐既人。

leafun

回覆 小時了了 的帖子

交通只係選擇學校其中一個因素。最重要係你清楚知道點解揀呢間學校，目標清晰，其他人有其他意見就由得佢啦。

思思baby

回覆 小時了了 的帖子

小時了了, 不用太激動傷了氣. 很感謝你既無私分享, 讓我地北區人都可以見識下出面直資點玩法.
其實你而家問題不大, 放盤/放租上水, 買入/租入藍田, TKO 都唔係真係差咁遠.
雖然我都聽過人, 住上水, 讀協恩, 好似每日都係父母渣車送佢出去.
將來有機會再私下請教下你.