因為中文科，同個女關係好差

little_yolky

mall 發表於 17-6-1 23:34
我女兒小二剛中文試测只得6x分(失分最多阅讀理解)，也已專補了一年和平時做些練習。中文温的時間是四科中最 ...

駛乜傷心, 我阿細都只係多你幾分, 又係閱讀理解失分多, 咁咪教下佢答案邊度搵返啱就得。我都有讚佢架, 因為其他part做得唔錯。慢慢嚟, 睇多D書, 做閱讀理解練習後教返佢邊度同埋點樣搵返個啱答案。

little_yolky

simonwan 發表於 17-6-2 10:33
科科都系我教！我仲要有三個，全部學術及學校事務我負責。所有課外活動我處理，就算出去玩，打波，游水等 ...

咁咪好辛苦囉? 我都外判咗常識同聖經俾C6了。

little_yolky

Jane1983 發表於 17-5-30 14:28
實在亦唔係個個爸爸適合教小朋友，有d躁狂，教兩下就發脾氣；有d要求低，覺得咁上下就得，呢d嘢遲早自然會 ...

我屋企果件仲要衰到教完叫阿女唔好考咁高分, 因為考太高分下次再教會驚攞唔到高分, 佢會有壓力喎, 話要俾D進步既空間佢咁話。

simonwan

little_yolky 發表於 17-6-2 10:52
咁咪好辛苦囉? 我都外判咗常識同聖經俾C6了。

日日得翻半條人命！！！

不過阿三仲系幼稚園，完全無理佢學術，又一個興趣班都無。系屋企同去公園玩就算。

阿二一年級，又系 happy school, 佢本身讀書又醒，做功課同評估都自己搞掂，唔駛我理。系默書前幫佢默下書，教下廣東話看書（學校普教中），同安排兩個課外活動。

阿大系男仔，又系小四，主要系教佢。而且禮拜六日全日要練習運動，時間緊張。

Jane1983

回覆 little_yolky 的帖子

你C6好搞笑，中和吓你果套。

男人有時係咁。我女果級有個女仔，文静乖巧成績好，但佢亞媽好嚴，會因為測考唔好而打佢，仲要係重手的。我問朋友點解佢亞爸唔出聲，朋友話佢亞爸初初都覺得唔好，但見效果好好，個女真係越打越出色，所以唔出聲...

little_yolky

simonwan 發表於 17-6-2 11:07
日日得翻半條人命！！！

不過阿三仲系幼稚園，完全無理佢學術，又一個興趣班都無。系屋企同去公園玩就算 ...

哎吔, 聽落都辛苦。

我就主力教阿細, 佢小二, 舊年我就教到差D爆血管, 今年念金鋼經, 睇化咗, 但都好辛苦。好彩阿大叫自律, 剩係叫C6測考前同佢溫常識同聖經, 數學就俾練習佢做, 然後解釋點解錯, that's all, 如果變成兩個阿細, 真係跳海都唔掂。


佢哋兩個星期六日都係全天候興趣班, 一個朝九晚四, 一個朝十晚六, 星期日就朝十晚五同朝十一晚五, 因為唔同班, 要同C6兵分兩路帶隊, 真係攰死人。

little_yolky

Jane1983 發表於 17-6-2 11:29
回覆 little_yolky 的帖子

你C6好搞笑，中和吓你果套。

我阿女班都有咁既女仔, 佢話阿媽用衣架打佢。個阿媽個樣仲鬼咁靚, 真係睇唔出。

Jane1983

回覆 little_yolky 的帖子

真係癲，有時問朋友，點解咁乖都打?朋友話可能唔打唔係咁乖!
大佬，打到幾多歳? 唔驚佢長大怕事軟弱? 唔驚佢記恨?

wan_sosin

simonwan 發表於 17-6-2 10:33
科科都系我教！我仲要有三個，全部學術及學校事務我負責。所有課外活動我處理，就算出去玩，打波，游水等 ...

高手！勁呀！仲要三個小朋友！佩服！

我老公好信任我教，佢覺得我幫到個仔發揮得到，爸爸媽媽需要互相信任支持

little_yolky

wan_sosin 發表於 17-6-2 11:47
高手！勁呀！仲要三個小朋友！佩服！

我老公好信任我教，佢覺得我幫到個仔發揮得到，爸爸媽媽需要互相信 ...

我諗緊simon個最細係K幾, 如果K2, 即係當佢P1時, 中間個P3, 大個P6如果係K1, 即係P1時, 中間個P4, 大個F1, 咁就理想D。

simonwan

little_yolky 發表於 17-6-2 12:02
我諗緊simon個最細係K幾, 如果K2, 即係當佢P1時, 中間個P3, 大個P6如果係K1, 即係P1時, 中間個P4,  ...

阿三系 K1.

所以，阿大升小一時，同時要幫阿二揾幼稚園，阿三又就黎出世。阿二升小一時，同時阿三就要考幼稚園。

過兩年，阿大考中學時，又同時幫阿三考小學！

又系全部我一手一腳搞灑！
真系人都癲啦！

little_yolky

simonwan 發表於 17-6-2 17:05
阿三系 K1.

所以，阿大升小一時，同時要幫阿二揾幼稚園，阿三又就黎出世。阿二升小一時，同時阿三就要考 ...

大嗰兩個係直/私嗎? 阿三又要考? 到阿三考升小直/私, 阿大應該要準備呈二呈三同自行喎, 衡量輕重, 都係升中緊要D, 不如權力下放, 缷咗阿三俾老婆, 明代行中央集權, 你睇D皇帝做得幾辛苦?

simonwan

little_yolky 發表於 17-6-5 08:57
大嗰兩個係直/私嗎? 阿三又要考? 到阿三考升小直/私, 阿大應該要準備呈二呈三同自行喎, 衡量輕重, 都係升中 ...

大的是津校，阿二系直私，阿三都會考幾間直私試下，唔得咪讀阿大間津校。
老婆唔識搞，又唔想學，無計！

little_yolky

IloveJJ 發表於 17-6-7 08:24
點解你哋唔外判俾佢哋自己?我聖經係外判俾佢哋自己。
其實，我係中英數常先理，其他全部外判俾佢哋自己。 ...

因為聖經目標係100分！(雖然次次都做唔到)全級最叻聖經果個有書卷的。

我哋聖經要呈分, 同埋聖經人人都高分, 阿大話齋, 聖經8X係好低分了, 咁你話係咪一分不能少。我反而中英數係外判俾佢哋自己喎。我最多數學叫佢哋做完練習解釋下點解錯, 都幾輕鬆下。至於常識, 就先叫佢哋溫熟, 然後我哋問書, 又搞掂。音樂就定時定候提佢哋練考試樂器曲目, 臨考前唱首歌仔嚟聽下, 睇下有無嘢執。我哋IT唔計分, 所以理都無理。
體育我就無能為力喇

little_yolky

IloveJJ 發表於 17-6-7 10:26
咁中文常識我都係叫佢哋讀完，再同佢默，或者問書啫!我指既外判，係完全唔問唔理。

你大女唔係數學唔得嗎 ...

你大女唔係數學唔得嗎？點解你都叫佢自己溫?唔睇下佢點唔識? <==== 我有跟架, 佢做錯果D如果唔係加減乘除計錯數, 我會解釋架。我哋學校B個分較低, 如果全部B就可以外判, 咁連阿細都唔駛跟了。

soso317

回覆 phyllislau 的帖子

做人父母又點會不明白

但.......

如子女不是去到那個位
上到中學時......她會更辛苦

palmchristy

phyllislau 發表於 17-5-25 15:45
老公話試下買返小二練習比佢由淺做起，每日做幾個，再睇下佢理唔理解，另外要佢睇多D中文圖書，然後叫佢做 ...

咁似電影情節 [奇蹟補習社 / 墊底辣妹].

babywoman

我仔年年都係宗教低分 ，佢唔想記嘢，常識都唔想記，但佔嘅比例不少，不能不記，特別寫字，佢最討厭
今次也不例外，中英數常考完，話好有信心，但宗教就叫我不要提