Band 3生變Band 1生？

bbpooh

唔係個個小朋友都可以自動波，個個都唔同，家長放下收下。

如果小朋友想追，無話追唔到，問題係要訂B1，目標過高，失望越大。慢慢來，就算呈1失左，暑假努力，還有呈2和呈3.

小朋友到呈2和呈3，好多都會狂發力，我地學校在呈3，好多原本B1的反而跌左去B2，一個暑假，起碼有半班原來是B1的同學，三次呈分後落左去B2。係好恐怖，感覺係大洗牌。努力，用好個暑假，加油！

greentea000

Eat_Sleep_Play  其實咁讀法就算比你入到band 1都係咪一件好事？
________________________________________________________________________________

係咪一件好事言之尚早，始終中學有6年，好多變數。

反而係有幾多父母可以「見死不救」？谷俾人話，唔谷過唔到自己。「一息尚存」都會努力下既，努力左唔得都無野好怨。。。中學再繼續努力囉！

而咁成功既例子係好少既，個女合作+好補習老師+全家一齊搏命，求其一個因素都唔容易。佢女谷完有咁大「成果」，比谷左都上唔到既好，起碼係谷呢堆裏面佢女資質上乘。谷還谷，唔代表佢女無學到野，始終試係佢女考，而且叩門更難！再講高小都唔追落後，上到咩中學都更辛苦要追返既野更多。

佢女中學當然繼續補習，主力補中英數，其他佢女自己搞掂。今年F.2，讀普通話班(中文能力好既學生)。搵個機會我八下佢女考第幾先 ^^

又，谷出b1成績，真係有家長甘心去b2學校？點同仔女解釋？

Eat_Sleep_Play

greentea000 發表於 17-4-3 21:17
Eat_Sleep_Play  其實咁讀法就算比你入到band 1都係咪一件好事？
______________________________________ ...

greentea000 係咪一件好事言之尚早，始終中學有6年，好多變數。

同意，如果小朋友在中學開竅，得心應手，咁當然無問題⋯⋯
但如果讀到個女喊哂，個阿媽又喊埋一份，放假都無得去玩，只為了入band 1中學，壓力大成咁，這並不太健康，我自己認為....處理好情緒緊要過入band 1中學

洋蔥頭媽咪

Eat_Sleep_Play 發表於 17-4-3 23:58
greentea000 係咪一件好事言之尚早，始終中學有6年，好多變數。

同意，如果小朋友在中學開竅，得心應手， ...

選擇做大塘小魚？定做小塘大魚，好睇家長心態，有人千方百計入名校，越級為博入b1英中，家長愛子之心可以理解。家長普遍會覺得 band1學校校風較好，學習氣氛較濃，所以都會希望能把孩子送到b1。問題係，升中後孩子是否有足夠能力跟上學習？是否有遇強越強嘅心態？呢點就因人而定，越級絕對要有心理準備並付出代價，就算成功入讀孩子亦要不斷努力地追趕，小朋友能否承受挫敗、長期處於級尾打擊自信，相信對孩子都是個重大考驗。講真在強校努力向上而成功嘅例子是有，但失敗、失自信要中途轉校嘅例子亦不少。
個人覺得絕對要考慮小朋友性格及能力，始終選擇合適嘅學校對孩子方為最有利。

洋蔥頭媽咪

洋蔥頭媽咪 發表於 17-4-4 12:01
選擇做大塘小魚？定做小塘大魚，好睇家長心態，有人千方百計入名校，越級為博入b1英中，家長愛子之心可以理 ...

greentea000  中學係新階段，可能係大塘大魚，又可能係小塘小魚


大塘配大魚、小塘配小魚，咪係最合適的選擇囉⋯⋯
但而家係小魚想去大塘，越級挑戰嘛！

冇人會知最终結果，睇家長心態啦，有孩子的確越級後可以越戰越勇，但成功/名列前茅嘅相信未必太多。響現實社會不能否定求學不是求分數，初中在校成績弱對孩子中三選科其實極為不利，

mcl203

洋蔥頭媽咪 發表於 17-4-4 13:35
greentea000  中學係新階段，可能係大塘大魚，又可能係小塘小魚

但現實係係小學階段是否真係可以完全判斷小朋友既能力?? 係小塘以為自己係大魚，但去到大塘原來係小魚。咁唔去大塘又點知自己係小魚呢?? 係小魚塘以為自己只可以係小魚，原來去到大塘大咗，自己可以成長又大D?? 大塘小魚，咁能活於大塘，去到小塘又是否一定更適合，反
為塘細左，原來又限制咗自己成長。無絕對既答案，只可以講唔試唔知成功與否，但唔試就一定唔會成功，都係回歸家長學生取態，揀自己認為適合既中學。何謂B1生，已經有存在既差異，況且，有幾多B1生係完全無催谷下既B1生。又係咪谷盡真係可以成為B1生，本身係能力未及，太多變數了。

洋蔥頭媽咪

mcl203 發表於 17-4-4 13:55
但現實係係小學階段是否真係可以完全判斷小朋友既能力?? 係小塘以為自己係大魚，但去到大塘原來係小魚。咁 ...

我同意小學階段或許未能完全反映小朋友能力，所以上面我亦有提及要考慮小朋友能力及性格，有孩子性格遇強越強，有孩子性格遇事退縮，有孩子自控能力強，亦有些要完全倚賴家長，所以小朋友係點家長自己先最清楚。
越級並非不可，我指嘅係越嘅距離越大，孩子須承受風險越高。比說 b2中去b2頭差别不會太大，2頭去1尾亦可，但b3要上b1，b2要上1A，學生能力差距相信頗大，外人只是比下意見，當然家長想試可以照試。

978212

小學升中學，揾間適合佢能力比其他更緊要，上到中學靠佢自己架，識人2個囡，大囡入Band3但考到大學，細囡入Band1頭但考唔到大學，所以家長應好清礎自己小朋友有幾多料，否則即使俾你上咗Band1都冇用，錯配咗冇得返轉頭，只會愈來愈冇信心。

kapocarol

978212 發表於 17-4-4 14:17
小學升中學，揾間適合佢能力比其他更緊要，上到中學靠佢自己架，識人2個囡，大囡入Band3但考到大學，細囡入 ...

發人深省

mcl203

洋蔥頭媽咪 發表於 17-4-4 14:16
我同意小學階段或許未能完全反映小朋友能力，所以上面我亦有提及要考慮小朋友能力及性格，有孩子性格遇強越 ...

我只係想講，若係B3生，谷到盡可以成為B1生，係咪真係可以確定本身屬能力有限? 若真係B3變B1，要做B1生真係可以靠谷? ~

CALVEN

想知小一至小四階段點解成績都上唔到去，
到左小五會突然band 3變到band 1 ?

Eat_Sleep_Play

CALVEN 發表於 17-4-4 14:36
想知小一至小四階段點解成績都上唔到去，
到左小五會突然band 3變到band 1 ?

這個是一個好問題，可能上到小五先知重要，小五先嚟谷

greentea000

CALVEN 發表於 17-4-4 14:36
想知小一至小四階段點解成績都上唔到去，
到左小五會突然band 3變到band 1 ?

同事個女本身唔太差，小一開始1星期3小時1對1全科補習，平均都7x~80上落。點知小四大考完班主任話係b3，晴天霹靂，同事以為係b2。於是做阿媽既即刻發功，目標係b1，唔得起碼b2，點知得左。
另外，同事對補習老師好狠，呢點好多家長反而無要求。

Eat_Sleep_Play

greentea000 發表於 17-4-4 15:23
同事個女本身唔太差，小一開始1星期3小時1對1全科補習，平均都7x~80上落。點知小四大考完班主任話係b3，晴 ...

點狠法？同佢講無90分就炒咗你？

greentea000

Eat_Sleep_Play 發表於 17-4-4 14:55
這個是一個好問題，可能上到小五先知重要，小五先嚟谷

仔女自發動力當然更無得頂 谷都事半功倍

greentea000

Eat_Sleep_Play 發表於 17-4-4 15:29
點狠法？同佢講無90分就炒咗你？

每次測考/評估名次無進步就換老師

kapocarol

CALVEN 發表於 17-4-4 14:36
想知小一至小四階段點解成績都上唔到去，
到左小五會突然band 3變到band 1 ?

要顧兩個小朋友，自己又要返工，唔係容易應付

CALVEN

kapocarol 發表於 17-4-4 15:52
要顧兩個小朋友，自己又要返工，唔係容易應付

但6月初已第一次呈分，你有咩計劃盡谷？你仔有無配合？

Eat_Sleep_Play

greentea000 發表於 17-4-4 15:32
每次測考/評估名次無進步就換老師

換老師要重新適應，又要重頭了解小朋友特質，如果遇到一個好的補習老師係事半功倍，不過呢D嘢同請工人姐姐一樣，可遇不可求⋯⋯

greentea000

Eat_Sleep_Play 發表於 17-4-4 17:00
換老師要重新適應，又要重頭了解小朋友特質，如果遇到一個好的補習老師係事半功倍，不過呢D嘢同請工人姐姐 ...

所以話同事好狠，亦抵佢搏到。
又，咁多其他顧慮排係成效之前，分薄左時間、精力，搏唔到係正常。