用戶登入
用戶名稱:
密      碼:
搜索
教育王國 討論區 小學雜談 反思表
查看: 4468|回覆: 38
go

反思表

Rank: 3Rank: 3


389
發表於 16-12-6 13:06 |顯示全部帖子
            唔好意思,都幾長下,因為都想其他家長了解件事而比意見....
我小朋友現在3年級!


               早幾天,我小朋友放學放3點10分,我遲左10分鐘左右去學校接小朋友放學,去到學校時,我搵唔到我個小朋友,我搵校務處問,然後個啊姨就搵個班主任出黎,(我小朋友係家長接送隊,係要有家長接先可以離開學校)班主任話放學時,全部小朋友都被家長接晒,剩下我小朋友,然後就話帶我小朋友去校務處等我,班主任講完,我小朋友就話見到媽咪係對面,講左兩次,之後我小朋友自己行左去(其實係自己公公黎)!老師話佢捉都捉唔住!(我地學校放學係在學校大門口出面接放學,有時可能同時兩至三班小朋友放學)


            所以我去到學校先知我小朋友自己走左,我就同老師講,咁我出去搵下先!搵左10分鐘都唔見,我個心就開始急,好亂,我唔知我小朋友自己一個去左邊,學校同屋企搭回程巴士大約要40分鐘!我當時唔知應該搭的士返屋企好定留係學校附近繼續搵好.....又怕我返左屋企的話,佢仍然係學校附近....


           隔左一陣,班主任打黎問洗唔洗幫手搵,我就諗住多個人幫手搵都好,我就答左好啊!班主任出左黎!咁我就商場搵,老師去附近公園搵!我望時間都快4點30分,打電話比鄰居問可唔可以幫我禁鐘睇下我小朋友有無返到屋企,我小朋友有8達通錶,有屋企鎖匙,好彩4點50分才能證實我小朋友已經平安,仲返左屋企!我就打返學校通知班主任已經搵到小朋友!


          我立即返到屋企,返到屋企,小朋友見到我就同我講已換好便服同已經完成9成功課,然後我就平心靜氣同小朋友講:你知唔知咁樣走左去,媽咪會好擔心,班主任又幫手周圍搵你,你下次一定要係學校校務處等媽咪或者打電話比我先,唔可以再咁樣走左去!


          我小朋友就喊住同我講:對唔住啊,媽咪~我下次唔會再咁樣走左去,唔會再有下次架喇!
然後我就攬住左小朋友!平伏佢個心情,加上我都知佢都會驚!所以我選擇攬住佢!我亦有了解返點解佢會走左去!


         第二日,班主任約左我3點45分至4點去學校見個面,我小朋友當日有功輔班放4點40分!
我去到學校搵老師,諗住老師同我傾下點處理之後等埋我小朋友放左功輔班就可以
同我小朋友再傾埋,點知行緊去會面室途中,見到我小朋友,我就問左一句:乜你無去功輔班既?,但我小朋友無答我,老師就直接叫埋佢入房一齊傾!


          係房入面,我一直都無出聲,一直聽住班主任同我小朋友既對話,直到老師同小朋友講完叫佢出房繼續寫反思表!班主任話我知,頭先我小朋友寫左一張反思表,但我未到學校前已被班主任撕爛左!因為第一張係訓導主任引導同教小朋友寫,所以撕爛左,話唔係我小朋友認真咁去反省自己做錯既行為而寫出黎!用呢個理由撕爛左,要我小朋友重新再寫一張!
      
          我小朋友出左房,我就同班主任講,我小朋友話見到媽咪係對面,其實係公公,我話大人有時都會見到a都會叫左b既名,大人都有時會講錯左,小朋友講錯左都有可能!唔可以咁就話小朋友講大話,同埋我證實左爸爸當時真係在對面.我爸爸話有聯絡我,但我電話無我爸爸來電紀錄,我爸爸當時想同我一齊接小朋友,但我爸爸聯絡唔到我,以為我已經接左小朋友走左,所以佢無行過黎學校,我小朋友見到公公係對面,因為心急累事,小朋友話明明見到公公,但過左馬路就唔見左公公,淨係見到公公架車!!公公就唔見左!我都已經同我小朋友講下次下次一定要打左比我或公公,等我地黎接,唔可以再咁走左去!
            班主任話已經交左比訓導主任處理!


呢件事上面我小朋友有唔岩!
我理解放學情況混亂,班主任捉都捉唔住!
但班主任無見到家長接小朋友放學,而小朋友走左去,班主任解釋捉唔住,完全無打電話比家長確定小朋友係唔係已經跟左家長!
如果唔係我去學校,班主任根本唔知我小朋友唔係跟左我!
我覺得班主任面對呢件事,應該都打一打比家長去確定小朋友係唔係跟左家長!
同埋我唔覺得訓導主任教我小朋友寫反思表會有問題,點解要係小朋友面前撕爛左佢....


我可以用咩心態去解決件事.....


           

點評

timothy_mto    發表於 16-12-29 11:52

Rank: 7Rank: 7Rank: 7


13982
發表於 16-12-6 14:17 |顯示全部帖子
tobbie 發表於 16-12-6 13:06
唔好意思,都幾長下,因為都想其他家長了解件事而比意見....
我小朋友現在3年級!

本帖最後由 Felix223 於 16-12-6 14:18 編輯

成件事學校好有問題喎?我仔幼稚園有張「接仔証」,一定要出示張証才可以接個小朋友走,就算我自己親自接,老師知道我係家長,如果冇帶証,手績上都要登記身分證。唔好學校講到好似小朋友一支箭咁走咗去推曬D責任落一個小三的學生?!好彩幸運地今次冇發生任何意外,否則不墈切想。
另外,什麼反思表?好似勞改咁?好影響小朋友的心靈。我覺得樓主要平心同學校校長反映下個問題。呢個首要都係學校的責任,唔通學校可以亂咁比人接咗個小朋友走?幾離譜喎!

點評

tobbie  我都覺得好卸晒責!  發表於 16-12-7 18:42

Rank: 12Rank: 12Rank: 12


62461
發表於 16-12-6 16:10 |顯示全部帖子
Felix223 發表於 16-12-6 14:17
本帖最後由 Felix223 於 16-12-6 14:18 編輯

成件事學校好有問題喎?我仔幼稚園有張「接仔証」,一定要 ...
小學唔同幼稚園, 小學生大個, 唔會跟錯人, 我哋都係家長接送小朋友一堆, 小朋友見到家長就自己舉手, 然後自己去家長度, 老師唔會確認係咪真係家長嚟。

不過, 如果樓主覺得學校安排欠妥當, 班主任又話轉交訓導跟進, 就直接同訓導講, 表達你既諗法。不過, 班主任主動聯絡你一齊搵小朋友, 都算唔錯了, 同學校講, 已經教咗小朋友以後有交待, 唔會咁甩頭。

點評

timothy_mto    發表於 16-12-29 11:53
tobbie  表達左啦!件事扭曲晒!  發表於 16-12-7 18:43
bobbob    發表於 16-12-6 16:38

Rank: 5Rank: 5


4784
發表於 16-12-6 16:10 |顯示全部帖子
tobbie 發表於 16-12-6 13:06
唔好意思,都幾長下,因為都想其他家長了解件事而比意見....
我小朋友現在3年級!

不知所謂的學校!想將所有責任推卸在學生身上!
jm 妳不要太介懷,但亦不要與學校硬碰。
以後多些叮嚀小朋友一定不要自己獨自離開學校。

點評

tobbie  我都係咁諗!  發表於 16-12-7 18:44
天助自助者,  別再怨天尤人

Rank: 7Rank: 7Rank: 7


13982
發表於 16-12-6 16:28 |顯示全部帖子
回覆 little_yolky 的帖子

我知, 但樓主文中, 已清楚指出 - (我小朋友係家長接送隊,係要有家長接先可以離開學校), 所以今次學校有問題!!


係指定學生一定要家長接走..

Rank: 4


539
發表於 16-12-6 16:36 |顯示全部帖子
回覆 tobbie 的帖子

解決件事:

1) 同小朋友再解釋原因. 唔好在小朋友面前話學校不是
2) 你可寫封信給校長再次解釋事件......無論之後結果如何, 不要再糾纏. 聽過太多投訴後被計對個案
3) 多觀察小朋友情緒


點評

timothy_mto    發表於 16-12-29 11:53
tobbie  我已經同小朋友解釋左,同校長講完喇!我都無諗住糾纏!  發表於 16-12-7 18:49

Rank: 8Rank: 8


15729
發表於 16-12-6 16:42 |顯示全部帖子
本帖最後由 kkhon 於 16-12-6 17:15 編輯

我校放学落到操場,学生舉手確認見到家长就可以走,其他未見的就跟住班主任。其实當学生確認左,班主任的責任已完成。在学生面前撕爛野好吾啱等同發脾气,如果寫得吾好可以叫重寫吾须要當面撕爛,你可以平心静气跟班主任講返你和孩子的感受。同时向训導解释返孩子不是全心講大话只是误会。如果是我不会去校长度講,记住我们的人質在学校手上,千萬不要跟学校搞得吾开心。

點評

tobbie  知道  發表於 16-12-7 18:49

Rank: 11Rank: 11Rank: 11Rank: 11


45513
發表於 16-12-6 19:14 |顯示全部帖子
樓主系驚件事去到訓導主任度,會處罰小朋友,想大家幫你想辦法拆掂件事?定系你唔開心,想大家安慰你,平復心情?

點評

tobbie  想睇下jms 對呢件事既睇法,因為我唔想我身邊朋友比意見我,我想聽唔識我,我小朋友同學校既jms 睇法同意見   發表於 16-12-7 18:53

Rank: 11Rank: 11Rank: 11Rank: 11


41094
發表於 16-12-6 19:55 |顯示全部帖子
做好自己本份就得

點評

timothy_mto    發表於 16-12-29 11:53

Rank: 5Rank: 5


3189
發表於 16-12-7 03:01 |顯示全部帖子
本帖最後由 Tintin926 於 16-12-7 03:27 編輯

老實說,我覺得學校冇做錯,可能你不認同,但先客觀看以下的:
利申:我不是當教育工作者

首先要明白,你對你小朋友係愛會體諒,而學校對成千個學生只有責任而不是愛,老師也是打工仔。學校要管教近千學生靠的是紀律,放學時,咁多學生,幾個老師怎能拉得住其中一個發足狂奔的8、9歲人仔呀?他們幫你一起找小孩也不是出自關心而是怕。

怕出事,搞大獲,若小孩出意外,學校會見報,老師校長背煱,所以學校一定要杜絕所有令佢地身敗名裂的事情再發生,因此佢地目的係要你小朋友識驚,是不是誤會,講錯睇錯定講大話,學校根本唔care。 再者,當你小孩追唔到公公後,為何不回校繼續等家長接呀?沒家長接不能私自離校,讀到小三,這規矩還不曉?對於學校名聲和利益來說,你小朋友這次仲衰過在校偷嘢或講粗口。 當校長老師只是他們工作,你試想想,在職場你下屬做左d令你身敗名裂或被炒魷魚的事,你不會叫他寫悔過書而是直接叫佢走吧!


我諗思過書後,此事還未完,每天放學,學校應該會特別「看待」佢。我諗好多學校會直接記大過,你校算有良心了。

點評

tobbie  我都有呢方面諗過!我會覺得三個都有責任!  發表於 16-12-7 19:02

Rank: 5Rank: 5


1975
發表於 16-12-7 09:11 |顯示全部帖子
本帖最後由 hkspiderman 於 16-12-7 09:13 編輯

朋友過往有類似經驗。 學校走失佢個仔,事後推卸責任反屈細路,朋友叫學校簡單點記自己兒子一個小過/大過算吧,他會報警因校方疏忽照顧兒童,亦會向教處投訴。校長知道後即刻電聯家長說誤會,無謂嚇親小朋友最緊要小朋友無事……之後小事化大,大事化無

Rank: 5Rank: 5


4930
發表於 16-12-7 12:02 |顯示全部帖子
「十分鐘」就是這十分鐘。再加上陰差陽錯,該出現的不出現,不該出現的跑出來。有趣,其實人生也是如此。樓主也別太介懷,上天自有安排。

點評

tobbie  希望啦!唉  發表於 16-12-7 19:03
我若再來,必腳踏蓮花,乘願而來.

Rank: 3Rank: 3


389
發表於 16-12-7 18:37 |顯示全部帖子
今日同校長去傾返呢件事,只係過左幾日,件事可以扭曲晒!

班主任無打電話通知家長係因為以為我小朋友跟著入校務處,班主任入學校之後先發現我小朋友唔知走左去邊,以為佢去左洗手間、電腦室、圖書館!諗住搵下先,搵唔到先打電話比我!點知搵緊期間,我就到左學校!班主任未趕到打電話比我!

但當時我去到學校,班主任明明就係就只係講我小朋友捉都捉唔住!又話見到我小朋友同另一個同學一齊行,又話企我小朋友隔離!依家啲說話唔同晒!

真係誰是誰非呢?

撕爛張紙解答係,每個人處理手法都唔同!班主任出發點想個小朋友認真去為自己犯既錯反思!都係想教好個小朋友!
因為第一張寫D唔寫D,又唔暢順,唔認真!所以要係小朋友面前撕爛!

(咁我可唔可以想我小朋友認真做好功課,做得唔好,我係唔係都要撕爛佢?)

咁除左撕爛之外,無其他方法??
班主任可以叫佢重寫,但有無必要係個小朋友面前撕爛?
兩張紙我都無見過!點樣唔認真我都唔知!

校長話家長你都要反思你自己行為!要有時間觀念!

我感覺到我要反思!!
我小朋友要反思!
學校班主任唔洗反思!

總之我都要忍,忍到轉校!

我要訓練我eq。。。。

Rank: 11Rank: 11Rank: 11Rank: 11


45513
發表於 16-12-7 18:59 |顯示全部帖子
係小朋友面前撕爛紙,係好錯,係發洩和侮辱小朋友,絕對唔係教育工作者應該做。不過,樓主和小朋友亦係有錯,三方面齊齊反省,合理過剩係話你。

至於轉唔轉校,係整體考慮,唔好意氣用事。覺得唔好,走亦無壞。

點評

tobbie  佢依家答我標準答案!每個人處理手法唔同,目的都係為左教好個小朋友!  發表於 16-12-7 23:14

Rank: 7Rank: 7Rank: 7


13982
發表於 16-12-7 19:00 |顯示全部帖子
tobbie 發表於 16-12-7 18:37
今日同校長去傾返呢件事,只係過左幾日,件事可以扭曲晒!

班主任無打電話通知家長係因為以為我小朋友跟著 ...

本帖最後由 Felix223 於 16-12-7 19:24 編輯



樓主無謂再硬碰,一日小朋友仍然在讀,免得難為了佢。唯有自己要提醒阿仔千萬不要有下次。唔好再咁上心,嬲完幾日就算啦。

點評

tobbie  佢話我時,我都係答知道,明白!我都知佢同我玩太極,根本依家件事係前言不對後語!   發表於 16-12-7 23:13

Rank: 8Rank: 8


15729
發表於 16-12-7 19:14 |顯示全部帖子
回覆 tobbie 的帖子

經一事長一智你可以做的就是教精小朋友以後要先思考才行動。既然你已同學校傾過,等佢地知道你吾係乜都吾理可以蝦的家長便可,此事到此為止不要再糾纏。

點評

tobbie  我依家都係咁諗,但見佢耍太極之餘,仲要推晒落我同小朋友度!責任!三個都有!   發表於 16-12-7 23:17

Rank: 5Rank: 5


4940
發表於 16-12-7 19:34 |顯示全部帖子
要寫反思, 好似以前勞改咁
小朋友應該留在校等家長的. 如果見唔到爺爺,居然敢自己搭車回家 .呢樣真係要教.

我家離校行路十分鐘, 小四仔我都唔俾佢自己回家, 路上車多不在講, 遇上神經病的就慘了.我住呢區成日喺街見到有人自言自語

我又唔覺得件事好嚴重喎(可能不是發生在自己身上). 事後做下小朋友思想工作就好了, 叫佢以後一定在校等, 訓導主任當面撕反思表, 係唔好, 但自己有錯在先, 算了.
如果其它方面冇乜大問題, 不覺得有轉校的必要.

另一角度諗, 其實學校老師都怕整唔見咗你個小朋友. 會緊張咗啲.

點評

tobbie  而唔係我去學校先話我知!其實唔撕都可以叫小朋友重新寫過!其實都幾hurt個小朋友!   發表於 16-12-7 23:32
tobbie  我就覺得係安全問題同教導小朋友方面問題!我理解捉唔住個小朋友,我覺得可以打電話比我問一問確定小朋友係   發表於 16-12-7 23:26
tobbie  我依家送返學就叮嚀一次!係班主任撕!唔關訓導事!就好似樓上Tintin926咁講,我都認同,但責任三個都有吧   發表於 16-12-7 23:22

Rank: 5Rank: 5


3189
發表於 16-12-7 19:54 |顯示全部帖子
學校一定唔會認自己錯,一定想將責任推卸到家長小孩身上,一定唔會公平對待事件

若我係你,我反而會同校長理論學校老師也有失職,但對著班主任我會忍

Rank: 3Rank: 3


389
發表於 16-12-7 23:48 |顯示全部帖子
回覆 Tintin926 的帖子

係,你講得啱!理論?有用咩?根本就無用。。。

點評

timothy_mto    發表於 16-12-29 11:54

Rank: 5Rank: 5


3189
發表於 16-12-8 00:21 |顯示全部帖子
tobbie 發表於 16-12-7 23:48
回覆 Tintin926 的帖子

係,你講得啱!理論?有用咩?根本就無用。。。
其實你今日見校長時失了一次機會(只有一次,若沒有特別針對小孩,別再為此找學校),學校跟本不是公平對此事(必定的,原因之前說了),所以當校長責怪你時,你也不必忍和太公平去對待這事,應以退為進承認小孩不對和說出一個迫不得已遲到的原因後就咬住老師為何不馬上通知家長,希望家校合作無間去教好在這校的所有小朋友。但反而我會同班主任say sorry, 因得罪佢才是將來直接傷害你小孩的人。

至於當面撕悔過書的事就算吧!老師係殘忍,但她的確無義務對你小孩仁慈。難聽講句,她心想小孩差點害她給老闆炳,可以的話,她可能好想星你小孩幾耳光添!日後,她可以對全班溫柔就單單針對你小孩,她仍然是大伙兒的好老師。 你反而可借機會教你小孩在學校要守規矩,老師對每個做錯事的學生都一樣,但用心愛你的這世上就只有爸媽