補充練習的黃昏；大量閱讀的黎明—從兩篇文章講起

babywoman

回覆 NCSC9 的帖子

我比較贊同你
冇一種方法可適合任何人.

多閱讀 , 不是近十幾二年才有.
早在三四十年前, 我奶奶已經常帶四個小孩去圖書館, 她不識字.
我媽媽,小三學歷, 她 除課本之外, 也希望我多看課外書, 當然, 當時是不准看漫畫的. 到高小, 我才自己買書看, 中一看金庸古龍, 英文書不多愛看.  現在陪仔反而多看了.

今時今日, 相信有不少小學生仍要為呈分試努力, 爭分奪分, 一分也不能少. 如果小學階段不問分數, 等到中三才突然進級, 天時地利可配合到? 在band 3中學可以嗎? 當然有, 個案多嗎? 說到底, 仍有不少家長不敢搏, 比如我.  如果有中學back up 的, 我都大力推崇只閱讀, 不為分數, 中學實有收成. 奈何, 我這等 "人在江湖"為升中煩惱的家長, 仍要為分數焦急.
我仔中文不需做練習, 誠然, 他有閱讀中文的習慣, 但寫作不行, 畢竟寫作要在中學才能發揮作用. 但中作佔平均分兩分, 兩分可相差20個名次, 要等到中學才來有所搞作, 我在想, 會否遲了?
數學更加不可能不做練習, 我仔考試前要做一做, 否則, 簡單的公式都會忘記, 操一操, 可90幾, 不操,隨時不小心8字頭. 又相差十幾二十分, 有幾多三四十個名次可退?

我就覺得, 別人的方法可參考. 要 切合自身實際. 並不能一本通書讀到老.

serinac

eviepa 發表於 16-11-27 09:36
囝囝爸：

我的女兒在英文小學就讀，她的英文成績應在級20%內，水平比她高的大有人在，但他們有一共通點，就是書不離手，有啲去到高小，英文考試還可以攞接近滿分(emoji)

sarahdad

serinac 發表於 16-11-27 13:27
我的女兒在英文小學就讀，她的英文成績應在級20%內，水平比她高的大有人在，但他們有一共通點，就是書不離 ...

serinac女兒的經歷和我女兒有點相似:


我女兒雖然在中文小學就讀，但學校是一線傳統且頗有名氣的學校，入得去讀的小朋友本來已是十裏挑一。女兒的英文成績應在TOP 10%內，水平比她高的都大有人在，但他們都是有一共通點，就是書不離手。程度最好的一位同學，早在小二下學期自己看《哈利·波特》英文原著。

chairhair

看了大家的討論。。。。。。

其實我比較簡單，我自己喜歡閱讀
我兒都喜歡，算是書迷，什麼都愛看，但這半年從學校圖書館開始很喜歡漫畫以至長期都看漫畫

暫時我未控制他的選擇，仍在觀察中，但同時我想加強他英文閱讀

不過。。。。。我冇好在意和他的學習中掛鈎，仍會做坊間的補充，就是簡單地因為應付考試

但我很鼓勵他閱讀，向他解釋當你慢慢長大仍堅持閱讀，就可以看到更高層次的書，從書中學習更多老師教不到你的

好簡單好簡單吧！不需要把這複雜化

NCSC9

jadenhayden 發表於 16-11-27 01:15
想問下，究竟點做先能夠讓小朋友做到有閱讀習慣，或許有閱讀興趣？
其實早在小兒k2開始，已經努力培養佢閱 ...

不專注的原因有很多，有的是天生，但亦有可能是對書籍題材缺乏興趣。如是這原因，就盡量投其所好！如喜歡砌Lego，可買Lego書，書局有很多Lego圖書可供選擇。如鍾意Star Wars，也可買Star Wars的書。再推前一步，就是先培養這些興趣，再看相關圖書。另一做法是先看相關動畫，如Magic School Bus，再看同系列書籍。

亦應盡量找方法去鼓勵他理解書的內容，如看完一本書可撮要內容或回答你提出關於書中內容的問題，就可得一個merit point，他可用merit point去換取喜歡的玩樂或做其他喜歡的活動的權利。

c1234

多謝大家的分享!

chan.connie

多謝高人分享

囝囝爸

eviepa 發表於 16-11-27 01:06
回覆 囝囝爸 的帖子

你的至愛是公文英。

先回應你對公文評論。是否我的至愛，我唔敢說。小兒小四開始要求讀的，話有位好成績女同學讀緊公文英及數，佢數是班裡前列，英文又比我小兒好。我當時只答應小兒上公文英，點知佢一讀多年，就此而已。小兒讀間私小，當年升中成績算數一數二，去讀公文，入去已跳幾級，一路做來，小菜一碟而已。你對公文咁留意，相信知之甚詳。 公文你仲清楚過我，我講過對小兒的公文英我只間中睇下，見過個導師不足五次。我兒子讀書是用自己方法，不理甚麼水準，覺有益就可以。公文 Reading program 是以閱讀為本，我為何貶低閱讀呢。我十多年來，只話公文對我仔有效，正如其他人同意，唔同意也多，我如何推崇。我說過囝囝學校有早讀，做讀書報告，reading lesson，所以我說學校有助，你同我交流咁耐，唔記得？

用錯方法，人生必經皆段，何必介懷。我曾經叫你唔好成日擺女兒上枱，但你喜歡以她為証，咁我指出你的前後不對之時，你現在又覺得我取笑她，可否舉証，或由我舉証？ 小兒現在都有和幾位外籍親朋不時聯絡，現今社會，閒事啦。

我想請教下，我幾時判斷過小兒入大學時是top10%，可否引文出來。

囝囝爸

eviepa 發表於 16-11-27 01:29
囝囝爸由十年前開始，就巴不得見到閱讀為本有很大的局限性：

首先，質疑我們第一代閱讀派認自己孩子語文會 ...

閱讀為本，阿媽女人，我都講過多次。 我只是說你的大量閱讀之言，唔溫習丶唔練習丶唔串字丶唔默書是虛假之言。 你幾年成日提起果幾個，現在又加多一二個，你睇佢地所言，就知唔可以。閱讀派成功當然有效果，讀唔上果啲又如何。我地討論是常規教育，現時小一入學都已經考乜考勿，唔通真係二三歲就要大量閱讀，培養幾年。我真懷念小兒果代三年級以前都唔洗點讀書，現在啲人相信有人做得到，有人做唔到。人問你，你答得輕鬆，現在唔好急，好事在將來，但到時唔知有冇好學校等你。

我談論語文，好少去判斷人地如何。好嘅我見唔少，唔好嘅我見更多。如果信你得救，你到唔洗十年來不斷宣揚，但現象就是不為你願。

我想請教下，小兒唔係用閱讀為本係乜嘢呢？ 時間我願付，如果佢真會識飛。不過現時我幾滿意，不用為之而再為。咁我適唔適合生孩子呢？

囝囝爸

回覆 eviepa 的帖子

/囝囝爸，講那麼多理論層面的東西有何用？從戰績看，做公文英的有你兒子的水平就已經非常不易。比如說，網友serinac及sarahdad的孩子就未必有令朗的天份和奇遇，若果當年不跟著我的方法而跟隨你的，今天非常大機會孩子的英文程度不如囝囝。但幸好，他們跟著的是小弟，所以兩人的孩子就勝過令朗九條街。

這樣顯淺的道理，只要有一點兒的理智的網友，也會明白。

論壇是自由的，你要發表甚麼歪理，只要不犯版規，就儘管去發表，但要有人信才是關鍵。

你越發表得多歪理，知道你抱著酸葡萄心態的網友就會更多。這十年來，你不斷然發文，認為閱讀的成功率不高，但事與願違，跟隨著閱讀的網友，一個又一個地上來分享孩子的驕人成就。不講了！太酸溜溜了！

看你表演了。

囝囝爸：

不講了？

鮮花雖好，也要有綠葉扶持。閱讀派的文章雖好，但也要有鼓吹低效能教育工具的網友襯托才成。

資深網友如serinac，肯看過無數閱讀派的文章，跟了後，除了自己孩子語文高超外，還見過一個又一個的閱讀派跟隨者上來分享優秀成果，証明閱讀派所言非虛。

另一方面，她也肯定看過很多你寫的文章，知道你常說：做練習、公文英練習的成功率有多高，你有多少親友不怎樣閱讀但語文高超。但她亦觀察到一個事實，就是你所應許的，直到今天為止，還是「只聞樓梯響，不見人下來」。

有了你這號人物，閱讀派怎樣不會被網友尊重多一分呢？//



你有度好，就是借網友作檔箭牌。不過二網友子女年紀尚少，寧欺白鬚公，莫欺鼻涕蟲。佢地成就點，我唔敢講。

網友尊重與否，我唔重要，我只講現實。我冇你咁多閒情逸致去差度人所想，如果你認為有麝自然香，就可以啦，唔洗牡丹綠葉之詞吧。

eviepa

//我想請教下，我幾時判斷過小兒入大學時是top10%，可否引文出來。//

你囝囝剛入大學時，你曾發文分享過他的情況，同一篇文內，你講到他和外籍教師的相處情況。大概兩三年前，我沒功夫去找。

eviepa

//你有度好，就是借網友作檔箭牌。不過二網友子女年紀尚少，寧欺白鬚公，莫欺鼻涕蟲。佢地成就點，我唔敢講。//

囝囝爸，呢個就係核心問題。

無論你點用語言藝術都好，睇得你D文多嘅網友都知道你反對「閱讀是最佳學習語言的方法」不遺餘力。我唔會同你玩泥䊢摔角，糾纏喺D細節度。

我點解有咁多網友優秀表現可以引用出嚟，就係關鍵，就係閱讀派多年來鼓吹嘅成果。

睇得你D文多嘅人都知道你所鼓吹嘅係「做補充練習、做公文英嘅成功率不比閱讀為本」低。結果，同你同道嘅做練習大軍、做公文英大軍中，到今日為止都似乎未有一個達到優秀級別嘅畀你做擋箭牌喎。

囝囝爸

回覆 eviepa 的帖子

//你囝囝剛入大學時，你曾發文分享過他的情況，同一篇文內，你講到他和外籍教師的相處情況。大概兩三年前，我沒功夫去找。//

我發文自己留有記錄，講小兒top10%我記憶唔倒。



//無論你點用語言藝術都好，睇得你D文多嘅網友都知道你反對「閱讀是最佳學習語言的方法」不遺餘力。我唔會同你玩泥䊢摔角，糾纏喺D細節度。

我點解有咁多網友優秀表現可以引用出嚟，就係關鍵，就係閱讀派多年來鼓吹嘅成果。

睇得你D文多嘅人都知道你所鼓吹嘅係「做補充練習、做公文英嘅成功率不比閱讀為本」低。結果，同你同道嘅做練習大軍、做公文英大軍中，到今日為止都似乎未有一個達到優秀級別嘅畀你做擋箭牌喎。//


我十幾年來在EK發過千多篇文章，講公文實少，在我的記錄你可去看一下，搵倒你上述講的實鳳毛麟角。

在討論語文的大事大非問題，我如用公文丶補充練習去講，點講得贏你的學習歪理。十多年來，不少語文高手，同場討論時，多數不是企在你果邊，除咗你二三個老友，我任何攞過往一題來看，都証明得到。贊成你嘅只是你付出的勞心勞力，不是你的獨讀方法。又唔好有網友推崇，你又志氣高揚，講閱讀點會攞唔倒分。你看下有人介紹好補習丶補充練習文章，都立即多人追問，同一道理也。

囝囝爸

回覆 eviepa 的帖子



我又節錄此題網友一段文章，實有同感。


//我泡EK已有七年了，很佩服eviepa 那份不遺餘力地係EK推動閱讀的執著，他常會強調大量閱讀的好處，但較少提及培養閱讀的過程和怎樣從閱讀中提升語文水平的方法（eviepa, 如我有講錯，請見諒和指正）//

judy

現實是：大量閱讀嘅黃昏，補充練習之黎明。

我懷疑補充練習是後現代之產物，以前，那有這麼多補充練習做的？看古人讀書，也未見有怎樣提及做練習的(練字就有)。記得前睇一本<<曾國藩教仔書>>，里面記錄了曾國藩和寄給孩子的信。曾國藩可說是一個超级怪獸家長。呢本書很好看。

以我為例吧，以前讀書，除了完成功課外，有誰會做那麼多補充練習呢? 阿爸媽都唔理。我通常在校完成功課，回到家中，幫手煮飯，吃完飯洗好碗，看7:30電視劇，有時看8:30電視劇，有時睇埋歡樂今宵。測考前才温書。

書當然會看，但比現時孩子少好多。但我記得小學時已能睇三國、水滸。

補充練習會越做越多，書、要大量閱讀。依家孩童真係慘。

judy

送東陽馬生序（節錄）        宋濂

余幼時即嗜學。家貧，無從致書以觀。每假借於藏書之家，手自筆錄，計日以還。天大寒，硯冰堅，手指不可屈伸，弗之怠。錄畢，走送之，不敢稍逾約。以是人多以書假余，余因得遍觀群書。既加冠，益慕聖賢之道。又患無碩師、名人與游，嘗趨百里外，從鄉之先達執經叩問。先達德隆望尊，門人弟子填其室，未嘗稍降辭色。余立侍左右，援疑質理，俯身傾耳以請。或遇其叱咄，色愈恭，禮愈至，不敢出一言以復。俟其欣悅，則又請焉。故余雖愚，卒獲有所聞。

little_yolky

sarahdad 發表於 16-11-27 13:51
serinac女兒的經歷和我女兒有點相似:

我女女幼稚園時期, 我就係刨過Eviepa個愉快學習個案, 照版煮碗。點知過咗幾年, 死喇, 記得讀中文唔記得讀英文添！佢細個時中英閱讀, 根本係9.9:0.1。

到升上小二時, 佢中文已經相當唔錯, (唔好問我有幾唔錯, 反正我自我滿足, 覺得好就得) 但驚覺點解佢D英文咁屎！唔係成績屎喎, 你知啦, 中文小學英文有幾深? 佢又好勤力, 所以一般考試唔會低分, 而且英文科係高分過中文科添。佢英文係真正的屎！當年小二睇ORT L4都有D吃力, 人哋好多網友寶寶幼稚園已經睇完L9。咁唯有暑假急起真追啦, 買咗一大疊audio book佢歎。不過, 你知啦, 睇慣中文書既人, 叫佢睇英文書真係格外攞命, 英文書又無中文書咁有趣。佢睇英文書當交差, 叫佢一邊聽, 一邊學講, 一邊睇, 佢就只係睇完就算。佢係睇得明呀, 但唔可以同時練習口音。於是乎, 一個暑假, 都係得少少進步。


不過, 我無氣餒既, 繼續買英文書攝書架, 又响佢耳邊不斷講多讀英文書既好處, 好似催眠咁, 同時又減買中文書。今年小四, 好喇, 終於由同學仔出招 (真係同學講一句, 好過阿媽講十句), 佢哋班無啦啦興睇隻老鼠, 我哋屋企又唔知幾時買咗一本, 咁佢一睇就好鐘意, 近來係咁睇老鼠, 仲同同學仔交換。前排又同我講, 原來英文書都好好睇。真係一天都光晒, 之前真係嚇到掐一把冷汗。佢依家識得睇英文書, 我就唔駛驚了, 又見彩虹。

下一步, 係點樣搞掂果個只鐘意睇漫畫既阿妹。呢個真係嚴峻既考驗嚟。

ppmmbb

little_yolky 發表於 16-11-28 11:11
我女女幼稚園時期, 我就係刨過Eviepa個愉快學習個案, 照版煮碗。點知過咗幾年, 死喇, 記得讀中文唔記得讀英 ...

同學老師講一句, 好過阿媽阿爸講千句！

睇慣英文書既人, 叫佢睇中文書同樣攞佢命！

little_yolky

ppmmbb 發表於 16-11-28 11:43
同學老師講一句, 好過阿媽阿爸講千句！

睇慣英文書既人, 叫佢睇中文書同樣攞佢命！

睇慣英文書既人, 叫佢睇中文書同樣攞佢命！<===== 所以, 我咪用催眠呢招囉, 總之一有時間就唔覺意咁灌輸讀好英文幾重要俾佢知。



我個人認為睇慣英文書既人要佢睇中文書仲攞命。