阿仔少少野就發脾氣 係咪有情緒病？

小時了了

介紹一本書俾大家: 《父母一句話，啓動孩子解難力》

精神科醫生及兒童行為治療師，教你四步解讀孩子情緒，
順應孩子腦部發展，從小建立好EQ及解難力！

你的孩子……
功課太深時，只會抱怨，不會主動向人請教？
遇上不明白的事物，只會逃避，不曉自己找答案？
和朋友吵架後，只會發脾氣，不懂得跟對方和好？
建立孩子好EQ，令他自己想方法解決困難，就是成長第一步！
孩子在生活、學習和人際關係上遇到困難，很易大發脾氣，原來是大腦的杏仁核作怪！杏仁核掌管情緒，遇上危機即會發出焦慮、恐懼等警號。家長的指責、說教、嚴厲眼神，只會令孩子杏仁核大受刺激，負面情緒全面主導，行為違反理智，遑論想方法解決困難。

此書詳述教養2至12歲兒童的妙法，助家長掌握遊戲治療的精粹。走出氣炸家長的局面，助孩子化解情緒困窘，自發解決問題，就由父母簡單一句話開始。

精神科醫生梁婉珊及兒童行為治療師葉偉麟，將腦科學及兒童發展心理學的研究，結合多年實戰經驗，以多個成功案例，教家長應用遊戲治療的溝通四部曲，包括：察覺、確認、聆聽、反射。當家長能在對話中確認孩子情緒，反射其思想、動機，孩子就會感到被明白，敢於提出方法去化解困難，一步步啟動解難力！

http://kimbb2012.blogspot.hk/2016/01/jamesip.html?m=0    呢個 Blog 講<父母一句話,啟動孩子解難力> 工作坊內一啲管教兒女及情緒管理資料, 大家不妨睇睇


介紹多一本書《童年的困擾（增修版）》http://www.cp1897.com.hk/product_info.php?BookId=9789622941670
呢本好多時上啲兒童心理學, 遊戲治療... 之類課程, 講者都會推荐此書,  書內的理論與方法實踐好有用, 大家不妨又睇睇

父母如何跟孩子有效溝通？ 稱讚和責備兒童需要適時？ 怎樣培養兒童的責任感？ 如何在管教之餘同時建立孩子自信？如何灌輸性教育？

《童年的困擾》是作者繼《兒童集體心理治療》之後另一著作，出版後六十周，在美國一直保持暢銷書的紀錄，銷售冊數達五百萬，且先後被譯成十四種不同文字，幫助世界各地父母面對兒童的困擾。

本書旨在幫助父母了解孩童的心理，並提供具體、實際的方法，指導父母解決和子女相處時面臨的難題，理論與實踐並重，讓父母明白到愛和尊重，是締造和睦親子關係的關鍵。

小時了了

我真心推介"遊戲治療"呢個方法, 呢個心理及情緒控制對我一家好有效. 當中日常談話方法學會咗, 無論同大人及小朋友講野會好有用的, 啲心理學家或社工都係咁樣說話模式同 client 傾, 所以同心理學家或社工傾談個心會好開敞及好舒服咁傾的, 您不妨試下係坊間睇睇呢方面的書或上吓呢方面課程

以下兩個例子, 有兩種說話模式, 當我地大人學會及持之而恆實踐有"心理學"基礎的說話模式, 我相信正面思想及EQ會有改善, 我一家學習中

例子一: (右圖是"遊戲治療"的說話技巧)


例子二: (右圖是"遊戲治療"的說話技巧)


source: http://kimbb2012.blogspot.hk/2016/01/jamesip.html?m=0



如果樓主睇完文章，睇完書及參考完各網友意見都攪唔掂仔仔，建議樓主可以自己再試聽管教兒女講座或上一啲兒女管教／兒童心理學之類課程，如果再唔得，最後我會建議樓主搵專業人士去處理了。

monkeydiary

little_yolky 發表於 16-11-8 17:36
我諗我第一個反應係嚇死死多過嬲。走失咗見返第一個反應, 我一定係開心之餘驚到有D頭暈, 我唔會有時間嬲,  ...

我女得5歲咋！當然鬧完,我有同佢講道理,仲要將壞人有可能會對佢做的壞事講比佢聽(直頭模仿埋比佢睇), 但佢都好似只明一半, 因為今日黃昏時有帶佢出去, 佢都仍然要我提先識得拖返我

MrBeast

之前母嬰健康院有個3p 課程：positive parenting programme，好處是有機會role play，較容易掌握一些技巧，又唔洗＄，不過好似e加out source左比協康，建議樓上主查詢一下。

wan_sosin

monkeydiary 發表於 16-11-9 02:43
我女得5歲咋！當然鬧完,我有同佢講道理,仲要將壞人有可能會對佢做的壞事講比佢聽(直頭模仿埋比佢睇), 但佢 ...

5歲未能做到大人要求唔出奇，幼兒仍然要大人捉緊架，每次出街前先提醒一次規則，出到去做得好就讚，做唔好返屋企再檢討，提佢下次要進步，要不斷提不斷提，慢慢大個就做到的了，我仔細個經常走失，而家我已放心放手比佢自己落公園玩，不過當然男仔先放心啦！無論點樣個小朋友一定會長大的，做家長保持耐心!

cowboybaby

小四學校有成長的天空，係俾eq和抗逆力較低的小朋友，有無參加？

Kx1918

cowboybaby 發表於 16-11-9 10:09
小四學校有成長的天空，係俾eq和抗逆力較低的小朋友，有無參加？

有吖 老師可能都覺得佢有問題 幫阿仔報左名

YanKanMom

IloveJJ 發表於 16-11-8 22:07
本帖最後由 IloveJJ 於 16-11-8 22:08 編輯

媽媽:

聖經教導人是要喜樂溫柔，聽要快快的聽，說則要慢慢的說，做父母的不要惹兒女的氣…。這都是非常好的，無奈我們都是凡人罪人，很多時都做不好。如未能做到時也不用太自責，父母真的對孩子發了火也並非無可補救，最重要是與孩子的關係及他們知道並感受到父母對他們的愛。家亦是家人最可放鬆自己及表達真性情的地方，不是說因此我們便肆無忌憚地對家人發脾氣，而是就算發了亦可彼此寬恕原諒。

RockMusicLover

Kx1918 發表於 16-11-7 21:09
阿仔少少野就發脾氣 日日都係甘
見到我都火 日日罵完都一樣
都吾知點同佢傾

唔好鬧，真係千祈唔好鬧，佢唔開心，你話佢，佢發火，你又發火，解決唔到。慢慢搵日靜靜地同佢傾下，定時定候會安排好開心既活動，早兩星期前同佢講定，等佢祈待下，可以係食buffet, 可以係睇場戲，可以係佢好鍾意做既野。

RockMusicLover

Kx1918 發表於 16-11-8 10:18
其實我都試過同佢講道理 但轉個頭又唔記得 成日小小野就發脾氣 例如件衫着唔到、對鞋吾舒服 好小事都可以 ...

唔好鬧，你越鬧佢越火。其實有時仔女性格火爆都係遺傳父母，所以首先真係要標住自己，平心靜氣，問佢咩事，叫佢冷靜d先，有咩搞唔掂講出黎，阿媽同你一齊諗辦法。

MaryBrown

我見個一個媽咪、因老公離港工作，其實佢好唔開心、她兒子4歳、就小小事發老四、甚至打人、其實小孩感覺到媽不安、但唔識表達，所以整日都好「興」

lui

小曳人 發表於 16-11-8 11:24
你揾一本說，叫 :孩子，你的敏感我都懂，睇睇佢係咪敏感問題
我仔係呢類敏感人，衫少少濕都一定要換過，唔 ...

這本書其他媽媽也推介過。我個女問你個仔一樣，衫，膠布非常執著。前一年我們不明白，全家為了這件事成曰同佢糟。依家大家睇慣了，由佢。佢每天換五套衫褲鞋襪

retriever

Kx1918 發表於 16-11-7 21:09
阿仔少少野就發脾氣 日日都係甘
見到我都火 日日罵完都一樣
都吾知點同佢傾

咁媽媽係咪一樣少少野發脾氣先？

retriever

lui 發表於 16-11-12 06:29
這本書其他媽媽也推介過。我個女問你個仔一樣，衫，膠布非常執著。前一年我們不明白，全家為了這件事成曰 ...

每天換五套？❓

你叫佢自己洗，自己曬自己摺埋衫睇下❓

skkeung

父母是task oriented 一類

Kx1918

retriever 發表於 16-11-13 09:55
咁媽媽係咪一樣少少野發脾氣先？

老公都成日忍唔住會鬧翻佢

little_child

孩子是父母的一面鏡

做父母的必需能沉得住氣, 越是鬧小朋友, 小朋友便會越易發脾氣
只有自己學習收火, 以讚賞取代指罵

little_yolky

cowboybaby 發表於 16-11-9 10:09
小四學校有成長的天空，係俾eq和抗逆力較低的小朋友，有無參加？

點解我哋學校無成長的天空既????

little_yolky

Kx1918 發表於 16-11-14 17:41
老公都成日忍唔住會鬧翻佢

我老細細個時真係曳到無人有, 唔讀書、逃學、考包尾, 乜都做齊。佢差到學校唔俾佢考升中試, 費事影響學校個成績。佢爸爸好惡, 但佢媽媽一直都好溫柔, 又教佢背古文。佢一直到高中至開竅, 你話佢阿媽捱得幾辛苦。到最後, 佢幾十歲人, 最錫既都係阿媽, 只記得阿媽好溫柔, 對佢好好。依家咪又做咗我老細。所以, 以柔制剛永遠係至勝之道........雖然我自己都仲未做到。



BTW, 我細女脾氣都好臭, 但係, 當佢夠瞓+我脾氣好時, 佢就係一個好乖既小天使, 真係好乖！可惜佢只有暑假時至可以夠瞓。