阿仔少少野就發脾氣 係咪有情緒病？

Kx1918

阿仔少少野就發脾氣 日日都係甘
見到我都火 日日罵完都一樣
都吾知點同佢傾
琴晚阿仔直頭寫左張字條比我睇 內容係
[我覺得呢個世界好灰 對人生沒有希望 做任何事都不開心 爸爸媽媽只會對弟弟笑 證明爸爸媽媽只愛細佬一個 我覺得全家人都很恨我］
睇完張字條之後 我覺得真係要正視呢個問題 可能我地平時鬧得佢好多 所以佢覺得我哋唔鍾意佢

meowymeowy

Kx1918 發表於 16-11-7 21:09
阿仔少少野就發脾氣 日日都係甘
見到我都火 日日罵完都一樣
都吾知點同佢傾

點發法呢？

Kx1918

meowymeowy 發表於 16-11-7 22:12
點發法呢？

自己好炆憎

Jane1983

幾歲？發得最嚴重果次係點樣？有幾頻密？

脾氣差，發忟憎，好多小朋友都有，多數係有樣學樣或者縱出來，唔好一下子落結論係咪有情緒病。

little_yolky

Kx1918 發表於 16-11-7 21:09
阿仔少少野就發脾氣 日日都係甘
見到我都火 日日罵完都一樣
都吾知點同佢傾

咁.........你日日鬧佢.........你想佢一邊被鬧, 一邊好溫柔咁對你笑乎?

MrBeast

Jane1983 發表於 16-11-8 08:06
幾歲？發得最嚴重果次係點樣？有幾頻密？

脾氣差，發忟憎，好多小朋友都有，多數係有樣學樣或者縱出來，唔 ...

有fd 兒子缺乏動力，關係不好，向我訴苦，想找心理輔導比佢仔，我直接話佢成日在親友面前數佢仔的弱點，問題是係佢到，忠言當然是迹耳⋯

Jane1983

回覆 MrBeast 的帖子

你坦承相告，係真正朋友，希望你朋友明白。

Kx1918

little_yolky 發表於 16-11-8 08:35
咁.........你日日鬧佢.........你想佢一邊被鬧, 一邊好溫柔咁對你笑乎?  ...

其實我都試過同佢講道理 但轉個頭又唔記得 成日小小野就發脾氣 例如件衫着唔到、對鞋吾舒服 好小事都可以發脾氣 所以我有時忍唔住鬧佢

Kx1918

Jane1983 發表於 16-11-8 08:06
幾歲？發得最嚴重果次係點樣？有幾頻密？

脾氣差，發忟憎，好多小朋友都有，多數係有樣學樣或者縱出來，唔 ...

今年九歲 佢係日日都發 小小雞毛蒜皮嘅嘢都可以發一餐 成日個人好炆憎 冇乜信心 做唔到啲嘢就怨天尤人 我都試過同佢講好多道理 都聽唔入耳 我都無佢辦法

LODAVID

Kx1918 發表於 16-11-8 10:23
今年九歲 佢係日日都發 小小雞毛蒜皮嘅嘢都可以發一餐 成日個人好炆憎 冇乜信心 做唔到啲嘢就怨天尤人 我 ...

讚多D, 讚佢努力, 讚佢肯試, 雞毛蒜皮都讚下.....乜信心都返黎. 最緊要你唔好忟同發火

little_yolky

Kx1918 發表於 16-11-8 10:23
今年九歲 佢係日日都發 小小雞毛蒜皮嘅嘢都可以發一餐 成日個人好炆憎 冇乜信心 做唔到啲嘢就怨天尤人 我 ...

你家公子身邊欠缺咗一個溫柔既女人, 同埋(好大)可能唔夠瞓。你忍唔住炳佢我明架, 我真係明架, 因為我家細小姐都係咁, 真係小小事就發脾氣。不過, 有一日, 我突然响佢身上見到我既影子, 我唔想佢變成我咁, 所以我首先改變自己。唔係一日見效架, 而且你位公子比較大, 需時可能較長。

BTW, 鄰居孩子又係好大脾氣, 佢真係要食藥, 食咗之後好似變一個人咁, 不過佢係有專注力不足。

小曳人

你揾一本說，叫 :孩子，你的敏感我都懂，睇睇佢係咪敏感問題
我仔係呢類敏感人，衫少少濕都一定要換過，唔換會同佢死過！
凡事如果揾到原因，咁佢嘅脾氣係發於不能自控嘅原因的話，你鬧都無用！

jantan28

你仔是在家才發脾氣？還是對外都會? 都有可能在學校積壓了不開心和壓力在家發出來

Jane1983

回覆 Kx1918 的帖子

你搵日心平氣和，同佢坐低傾。話佢脾氣暴躁係一個要正視的問題，首先係佢自己辛苦，另外又會令身邊的人唔開心。而家細個，屋企人錫佢，願意遷就佢，但係長大後，外面的人無咁包容，會嚴重影響佢的社交和事業發展。
講明佢之後，就教佢理順主要會令佢發癲的事宜，例如，用完東西放好，唔會臨急搵唔到而發脾氣。還有調節睡眠和飲食，訓多d，食少d熱氣嘢。講好之後，觀察佢，佢想發作，就提醒佢。如果佢做到減少發脾氣，就讚佢。扭轉過來係需要一段時間，但好值得，同埋佢習慣左少發脾氣，就唔會有事即發癲的反射動作。

Jane1983

得閒你可以看看有關 Mindfulness 的資料。我女學校教d細路，佢地受的。

好多時有事發生，你仔的反射動作可能係發脾氣。但如果改吓，有事發生，停頓5秒，思想、觀察、感受和考慮後，再做出反應，咁可能佢唔會選擇發脾氣。果5秒，係佢的成長空間。

little_yolky

Jane1983 發表於 16-11-8 11:54
回覆 Kx1918 的帖子

你搵日心平氣和，同佢坐低傾。話佢脾氣暴躁係一個要正視的問題，首先係佢自己辛苦，另 ...

只搵一日真係唔夠, 係長期抗爭, 要自己先忍得住, 仲要佢發脾氣時你同佢微笑, 安慰下佢。一次唔得要兩次, 兩次唔得要三次, 三次唔得要四次..........如此類推。直到有少少改善, 即讚, 仲要逢人見到都讚。讚得多就做得更好, 更好就要繼續讚。如是者不斷咁重覆又重覆。

小朋友係一面鏡子, 父母也是一面鏡子。小朋友見到個微笑樣, 脾氣好難發得耐, 因為無對手, 無得打。不過, 父母要先學習乾坤大挪移神功至得。

Jane1983

回覆 little_yolky 的帖子

係呀，唔係短時間可以扭轉的，但一定要改的。
我有長輩係脾氣暴躁型，每天都噴狗血，但她人很好，為家庭仔女付出很多。但她去世後，家人記得的都是她day to day令人幾痛苦，幾折磨，功不抵過。所以發脾氣唔係小事，尤其受氣的人的角度。

little_yolky

Jane1983 發表於 16-11-8 12:26
回覆 little_yolky 的帖子

係呀，唔係短時間可以扭轉的，但一定要改的。

係, 我媽媽就係典型既例子, 佢好聰明, 好努力, 但因為種種客觀原因, 令佢好壓迫, 生活好不如意, 雖然阿爸好鐘意佢, 但响我既印象中, 佢係日日鬧人打人。佢早死, 家姐們對佢既印象都係唔好, 成日鬧人打人。有一次响屋企聚會, 家姐圍埋又學阿媽是非, 阿爸聽到唔耐煩, 全部掃地出門。媽媽雖然為家庭付出好多, 但沒有提供快樂既環境。我要長大咗至明白當時阿媽既困境, 但唔係個個子女都會明白, 最大劑就係個個都學到惡死騰騰。