K3 出去上數學堂好怪獸咩

irisw

阿女happy school，數感差，自己教佢又唔係好明，所以去上下數學堂，都比人話怪獸，過份緊張，自問都唔係催谷型，嬲到爆，我真係好怪獸嘛?

little_child

K3去邊度學數學?

咁細個好難講咩數感架喎

irisw

仲未開始學，但開始留意緊

irisw

我個女係十位內加減數都搞唔掂，我唔係要佢叻，只希望達到基本程度

brother4

真不算怪獸，見人要背乘數表，帶小朋友去超市買玩具/糖果，估容易入腦D

twlo

唔算，各人喜好。
有需要的話，數學加減早D學無問題，到小一要考埋解題就一定要理解才可。到時仲頭痕。
其實我的小朋友讀P1開始，星期日早上也找人補習，朋友也問有需要嗎?
講真，沒有需要，只是姐姐放假想找人睇吓個小朋友，可以瞓晏啲

wan_sosin

irisw 發表於 16-10-28 14:42
我個女係十位內加減數都搞唔掂，我唔係要佢叻，只希望達到基本程度
...

如果小學讀普通學校，無教快嗰D, 小一會從頭由數數教起，然後再教5的組合，10位內加數等。。。基本上幼稚園唔識加數都無問題。
但如果要去考學校，咁當然要識咗先啦。

bobo101^*^

irisw 發表於 16-10-28 13:42
阿女happy school，數感差，自己教佢又唔係好明，所以去上下數學堂，都比人話怪獸，過份緊張，自問都唔係催 ...

唔怪獸, 我見部份港媽叫小孩在K2時, 要學及背九因歌添

samsam123321

真是很怪獸

samsam123321

對小朋友傷害了也不知道，仲自以為佢好

samsam123321

唔補十年後會不會唔識加減乘除？

tkinwong

唔怪。小一已有人去參加奧數，幼稚園唔谷，小一點參加奧數？

cindyyip21

我個人覺得怪獸定義係無理會小朋友能力感受，去做d令親子關係不協調的事。
所以，我覺得心態重要啦，你比佢學，而不會因佢學唔識而罵他，只係在旁支持他，那就不怪獸了

kkhon

回覆 irisw 的帖子

怪吾怪兽係睇你咩心态去補數。我仔以前K2学校教加減，但佢对這概念好差，於是K3开始去e nopi 補數。学左大约一年就停左，上到小学能轻松應付。

stockmike

當年K3我都做過，學珠算學到快速多組兩位數加減，答案有八成計中。我初頭以為好叻，大約三個月度覺唔對路，例如 78 加89 加99 佢可以計到，3 包檸檬茶每包 8 蚊佢計唔到，之後唔學明白重點是在理解能力同看字能力。到細囡乜都唔學玩數手指，因要考小一，我一路都擔心佢個種又慢又會錯的數法。而家小一，啲數都 ok，test 有試過滿分。總結係初小學數可自己教同唔洗 push, 佢理解能力未到點 push 都無用，而家多啲伴讀，等佢認多幾個字，對初小數文字題幫助好大。第日初小會難到他的多是文字題同本身的大意，唔睇題目。純算式的加減乘除好難會錯。

regfong

stockmike 發表於 16-10-29 04:22
當年K3我都做過，學珠算學到快速多組兩位數加減，答案有八成計中。我初頭以為好叻，大約三個月度覺唔對路， ...

非常同意。要理解文字題好重要。就算好叻加減，理解錯題目都無用。

irisw

多謝各位善意嘅提點同意見
其實我只係想佢上小學冇咁辛苦。無論興趣班同學術上我都冇push過佢。亦唔敢比任何壓力佢。