伴讀對考小一成績有關係嗎？

freshrose

伴讀當然好有用, 雖然唔知係咪對考小一有用

不過我果個而家K3, 佢自己讀中一程度的中文可以認到6-7成字, 英文單字都至少識300 個, 唔係認, 係識寫識串, 每日仲可以寫2-3句中英文

我覺得早D 教識佢, 佢將來上小學都容易好多, 早D 識字, 我可以早D 放手, 其實係WIN WIN

joyce76123

伴讀好重要，可以引領小朋友愛上閱讀，受益無窮。

積奇百事

Hailey88899 發表於 16-10-20 10:55
回覆 sorman 的帖子

我知道此題一出一定有家長大仁大義曲解問緊閱讀為小一面試

大部份有2ND IN或OFFER 概小朋友, 一般都會有良好概閱讀習慣. 依個係小學其中收佢地概其中一個原因. 但唔係唯一概原因. 小朋友一定有佢個人之處, 而吸引學校收佢地. 單有良好概閱讀習慣係唔足夠令到學校去收佢地.

Rabbit_pigpig

回覆 jantan28 的帖子

佢果時好鍾意睇叮噹，我覺得都幾得意，雖然唔算係D好有意思嘅書，但起碼佢肯睇，慢慢認到D字，去到圖書館都叫做有D 興趣拎起本書望吓！

lui

freshrose 發表於 16-10-20 11:28
伴讀當然好有用, 雖然唔知係咪對考小一有用

不過我果個而家K3, 佢自己讀中一程度的中文可以認到6-7成字,  ...

中一程度？好強勁！

freshrose

lui 發表於 16-10-20 12:06
中一程度？好強勁！

係啊, 因為我一開始發覺佢淨係認圖畫, 認唔到字, 有時拎住佢本中文書, 係就係識讀, 但我發現佢可能記得d 字係邊而唔係真係認到字
之後, 我買左本無圖畫的書俾佢, 唔係我讀俾佢聽, 而係佢讀俾我聽, 慢慢由最初認到d 好簡單的字, 到而家拎住本書可以認到6-7 成字, 我覺得已經好大進步, 其實前後都係3個月, 仲識寫好多字, 例如尋日佢自己寫 "今天雨下個不停, 我整天聽到滴滴答答的雨聲", 呢d 字同造句唔係我或者學校教佢, 而係久而久之自己係讀書到學返黎

MrBeast

Rabbit_pigpig 發表於 16-10-20 09:15
伴讀當然係好啦，我有2個仔，大仔有小聰明，但唔鍾意讀書，用盡方法，軟硬兼施，也不得要領，我開始氣餒， ...

exactly 我想帶出的msg.  除了進度外，outcome 也不會一樣，有人只看書就默考一百，有人就高小都見不到收wok. 只要父母知道長遠是對小朋友好，又何必去諗咁多，唔通聽到一些不成功例子就不去做嗎？
回樓主，我身邊考到名校的都是閱讀能力很高，只靠谷的最多都是考到谷校

Jane1983

伴讀的好處，好的家長都講了，不在這裏重覆。

培育小朋友，最易係比錢外判搞掂，最耗心力係日日伴讀中英文書、仲要就番小朋友心智，去傾吓內容...呢d好體現到父母願意栽培仔女的心力。咁有愛心和願花時間的父母，小朋友好少好差。

BCoLick

我都覺得伴讀重要，請問大家係點做呢？我成日諗，我講佢聽有冇用架？不過又真係好鍾意睇書，日日chur住。

點伴讀係最有效呢？

lovebb2

Hailey88899 發表於 16-10-20 00:42
常常聽人講伴讀對兒童成長，思維和識字能力很重要... 興趣班老師告訴我現在很少家長肯伴讀了，將個波交俾佢 ...

看書是一種樂趣, 满足內心的求知慾, 初小學生已可明白

meowloo

我認同，且一直認為廣泛閱讀比讀邊間幼稚園更重要。

我在k2前有跟小朋友伴讀，之後主要是讓其自行閱讀及朗讀

joyce76123

freshrose 發表於 16-10-20 12:33
係啊, 因為我一開始發覺佢淨係認圖畫, 認唔到字, 有時拎住佢本中文書, 係就係識讀, 但我發現佢可能記得d 字 ...

你小朋友三個月就可以進步咁多，相信除了家長耐心伴讀，小朋友自己都好有天份，記憶好。

lui

freshrose 發表於 16-10-20 12:33
係啊, 因為我一開始發覺佢淨係認圖畫, 認唔到字, 有時拎住佢本中文書, 係就係識讀, 但我發現佢可能記得d 字 ...

那真的很厲害。考學校情況如何呢？

freshrose

joyce76123 發表於 16-10-20 14:23
你小朋友三個月就可以進步咁多，相信除了家長耐心伴讀，小朋友自己都好有天份，記憶好。 ...

我每日用至少2 小時陪佢讀書同寫字, 風雨不改架,  當然如果果個星期做得好就有獎勵

其實最初我有D 懷疑佢有讀寫障礙, 因為佢淨係認到圖畫讀果件物件出黎, 如果寫返果個字出黎佢係完全唔識讀, 我同老師反映過, 老師又話正常 咁我咪自己教喇, 教下教下又發現佢又唔係有問題, 同埋小朋友學野真係好快, 唔好睇少佢地

freshrose

lui 發表於 16-10-20 14:45
那真的很厲害。考學校情況如何呢？

其實我最初懷疑佢有讀寫障礙, 佢係完全認唔到字架, 見到圖畫可以讀果件物件出黎, 但係如果寫返個字出黎佢係唔識讀架, 仲成日"B " "D" 同"" mix up,  所以我從來都無打算幫佢報私校OR 直資

不過我都係貪得意報左一間大家口中的神校, 都未interview,   不過果間學校出名考學術, 唔知佢考唔考到

lui

freshrose 發表於 16-10-20 14:54
其實我最初懷疑佢有讀寫障礙, 佢係完全認唔到字架, 見到圖畫可以讀果件物件出黎, 但係如果寫返個字出黎佢 ...

我就冇用你只看字的方法，因為我覺得圖畫加字可以增加關想（中文）英文則佢看只有字的書也可。閲讀廣闊視野知識，考唔考小一也應該要

freshrose

lui 發表於 16-10-20 14:58
我就冇用你只看字的方法，因為我覺得圖畫加字可以增加關想（中文）英文則佢看只有字的書也可。閲讀廣闊視 ...

中文我有教佢拆字, 例如佢最初唔識讀"什麼" , 我咪教遮住"什" 個企人邊, 問佢點讀, 佢話"十" , 教左佢一次之後就記得呢2個字讀"什麼"

反而英文真係易教d , 佢學校有教phonics, 我成日讀一個英文字出黎叫佢估下有咩英文字組成, 久而久之佢自己都build up 左個system, 反而中文字多筆畫, 佢難記d

不過用咩方法都好, 最緊要都係個方法適合小朋友

joyce76123

freshrose 發表於 16-10-20 14:45
我每日用至少2 小時陪佢讀書同寫字, 風雨不改架,  當然如果果個星期做得好就有獎勵

其實最初我有D 懷疑佢 ...

多謝你無私分享，拆字法 感覺不錯，學習了。

Deutsche

freshrose 發表於 16-10-20 11:28
伴讀當然好有用, 雖然唔知係咪對考小一有用

不過我果個而家K3, 佢自己讀中一程度的中文可以認到6-7成字,  ...

想問下伴讀時如何會令小朋友認到字而可以自己閱讀？
（見到上述有提及了，sorry)