伴讀對考小一成績有關係嗎？

Hailey88899

常常聽人講伴讀對兒童成長，思維和識字能力很重要... 興趣班老師告訴我現在很少家長肯伴讀了，將個波交俾佢哋就當做完要求多多

其實想了解吓小一面試有2nd in和offer的家長是否大多有伴讀習慣？暫時什麼也沒有的是否真的少伴讀呢？

朋友仔乜cert都冇，只伴讀＆個仔自己睇書（不吹谷），上年考入英X，其他一線名校全有2nd in.. 不知是否個別例子。

Minnieyeung108

回覆 Hailey88899 的帖子

我自己覺得伴讀十分重要，有助小朋友培養閱讀習慣，我同仔睡前大约看30分鐘。冇記錯由歲幾已開始咁樣做，到而家個仔5歲，效果幾好。以前睇個一篇文章，有個媽媽教係小朋友去坐厕時比本書人佢睇最好，因如厕時小朋友冇咩可以做！慢慢亦養成閱讀興趣

lovelinda

Hailey88899 發表於 16-10-20 00:42
常常聽人講伴讀對兒童成長和識字能力很重要... 興趣班老師告訴我現在很少家長肯伴讀了，將個波交俾佢哋就當 ...

我自己認為十分重要，亦一直有做
現在小朋友是自己想看、自己去找書看。有時行過問他兩句，他還想我不要disturb他添

pigmcmug

肯定有用，有很多vocab 根本系睇書識返黎，阿媽我自問教唔到，或者唔識教

gglover

原帖由 Hailey88899 於 16-10-20 發表
本帖最後由 Hailey88899 於 16-10-20 01:38 編輯

常常聽人講伴讀對兒童成長，思維和識字能力很重要...  ...

跟你說段親身經歷，有次因工作關係，訪問教育局副秘書長，談及教育心德，他說只有一個重點「閱讀」。


他簡單的問現場觀眾一條問題：「有人見過學生喜歡閲讀，結果考包尾嗎？」，大家都說沒有。主持人問應如何開始培養習慣？應該如何選擇書本種類？他回答：「開始時伴讀，日子久了，子女會主動自己睇，不想你陪」「書本種類無需選擇，中英不拘，無字亦可，垃圾漫畫也沒所謂，帶子女到圖書館隨意選擇」

現場所有觀眾，包括主持人都R晒頭，他就說了一個例子：
「一個從不喝咖啡的人，只要每天在Starbucks上班，很快就會成為咖啡專家。原因很簡單，因為咖啡本身是好的，每天見到人排隊買來喝，自己又日聞夜聞，終歸會想試。由哪款色開始？完全不重要，因為無論以Latte、Mocha定Cappuccino開頭，只要對咖啡繼續探索，最終，他只會愛上一杯極濃郁的黑咖啡」。就是這樣，換來全場掌聲。

是的，書中自有黃金屋，只要多接觸書本，多到圖書館，小朋友開頭可能齋看圖畫書，然後會自動變多圖少字，再變少圖多字，最終無圖齋字，結果可能小學時期已在看Harry Potter 和金庸，最重要是培養閲讀的興趣。

多閲讀，對面試亦很大益處，首先，識字的數量會遠超幼稚園所學，第二，對「句子」有更深概念，第三，知識會更廣博更多元，若果小朋友鍾意讀出口，連說故事能力都會有所提高。加上，有些面試的final round都要在校長面前分享書本，閲讀實在非常重要。

ozduckie

陪讀的好處太多，認字、句式、概念、形容詞、想像力，都是靠睇圖書。而睇書的好處不是一天兩天就見效，但長遠來說一定是有幫助的。總比參加任何興趣班好。愛閱讀的孩子成績一定不會差。

lambeanmama

或者咁講，伴讀的禆益是長遠甚至終身的，我自己從小愛書，所以我非常希望孩子可以享受獨處，閱讀的樂趣。如果單為考小一而伴讀，家長可能會失望的。畢竟，考小一的因素太多，識字量，閱書量只佔一部份。

retriever

Hailey88899 發表於 16-10-20 00:42
常常聽人講伴讀對兒童成長，思維和識字能力很重要... 興趣班老師告訴我現在很少家長肯伴讀了，將個波交俾佢 ...

伴讀係想幫細路建立閱讀習慣，目標最後係想佢地自我閱讀。

確係唔少出名學校都喜歡book lover,  亦有環節係細路睇書後答題。

無論係咪考小，閱讀習慣都係終生受用。

Happy_J

伴讀好處一定比去補習班好。
我們自阿囡歲幾開始伴讀，佢考小一成績唔可以話超好，但總算唔錯。而以佢當時只有5歲，英文語文閱讀能力已到P3左右，絕不是去補習班能夠達到效果。另外，升小後佢學校有早讀、小息時間佢自己就去圖書館揀書睇，都係自小建立嘅好習慣。

MrBeast

gglover 發表於 16-10-20 02:19
跟你說段親身經歷，有次因工作關係，訪問教育局副秘書長，談及教育心德，他說只有一個重點「閱讀」。

閱讀的好處無需側疑，但starbucks 不是很好的比喻，唔通個個bar tender會變成紅酒專家。

Rabbit_pigpig

伴讀當然係好啦，我有2個仔，大仔有小聰明，但唔鍾意讀書，用盡方法，軟硬兼施，也不得要領，我開始氣餒，想放棄，到了6歲左右，突然有一日，佢要睇漫畫，不停問依個字、果個字黠讀，好快就唔使問我，同時間，為了玩 ONLINE GAME，唔識打中文字，又問我，用了一星期又學會了。
所以，我第2個仔，用了另一方法，會試同佢伴讀，但唔會太迫，驚佢反感，久而久之，佢反而主動叫我地伴讀，但會長期開英文兒歌，令佢盡量吸收生字，我會儘量用遊戲方法，令佢產生興趣，用婉轉話佢知，唔識字就好多都玩唔到喇。
感恩細仔有TSL、高主教、真道、優才有 2ND in 機會。
以上純個人意見，始終最了解小朋友係父母，用邊種方法都因應唔同性格。
希望大家都搵到適合嘅小學。

Doray

比喻嚟啫，廣泛閱讀對學習極有幫助，我都發覺小女的中文詞語大部份都是從閱讀得到，因為學校極少默測，只着重中作，但佢所識同運用字很多, 佢亦好鐘意睇完又睇佢套福爾摩斯，所以都好抵...

wigg

唉！我經常同小朋友伴讀，佢地鍾意睇書，但只睇圖畫，大果個而家5歲，字詞唔認得好多！我都

Felix223

Hailey88899 發表於 16-10-20 00:42
常常聽人講伴讀對兒童成長，思維和識字能力很重要... 興趣班老師告訴我現在很少家長肯伴讀了，將個波交俾佢 ...

伴讀有用。我每星期最少有5天都伴讀20分鐘或以上，其實小朋友習慣了，佢自自然然自己會攞起本書看，每個星期有3至4天都會去圖書館。雖然未必年紀小會認得D字串法，但聽英文能力，一聽到個D vocabulary 會知道是什麼意思，有時候簡單句子，都會講。

jantan28

Rabbit_pigpig 發表於 16-10-20 09:15
伴讀當然係好啦，我有2個仔，大仔有小聰明，但唔鍾意讀書，用盡方法，軟硬兼施，也不得要領，我開始氣餒， ...

想問下6歲有邊d漫畫可介紹下?

sorman

若有父母為左考小一先去考慮同個小朋友伴讀呀？

真替小朋友可憐

December_baby

我眼見身邊有小朋友冇考 cert, 冇特訓, 冇特異功能, 冇面試班, 冇外補, 考小一都百發百中, in 10間, 8間有 offer,
呢d 真係小朋友既真功夫
不過, 呢d 小朋友既媽媽, 我睇到有一個共通點, 就是一定會培養小朋友閱讀習慣

所以我覺得一定有關係

Felix223

sorman 發表於 16-10-20 10:35
若有父母為左考小一先去考慮同個小朋友伴讀呀？

真替小朋友可憐

如果為考小一而為小朋友伴讀，個目的就錯，希望家長們唔好咁諗。閲讀不單對小朋友增廣見聞，發掘更多其他新事物，對於訓練耐性都不俗⋯⋯

bubuG

Felix223 發表於 16-10-20 10:42
如果為考小一而為小朋友伴讀，個目的就錯，希望家長們唔好咁諗。閲讀不單對小朋友增廣見聞，發掘更多其他 ...

父母肯花時間伴讀已經很了不起，孩子一定受益。冇錯與對。

Hailey88899

回覆 sorman 的帖子

我知道此題一出一定有家長大仁大義曲解問緊閱讀為小一面試
是探討當中有沒有關係