炮台山耀能兒童發展服務一問

emilyhmw

請問有無家長分享？他們的2-6歲五天密集$8,900同三天Fun Fun 小學堂$3,800也有位。聽講這類課程很搶手，為什麼會有空位？口碑好嗎？還是因為價錢較貴？不好意思可能我太多疑，因網上較少討論這間中心。通常講協康，STEPS。

五天每次3小時比三天每次1.5小時應該進步較快？但小孩早上會上PN3小時，會否太累、影響學習，令他不喜歡？謝謝你們分享！

cindylwc1026

我個囝讀緊上午五天密集式課程，黎緊9月返K1想轉讀Fun Fun小學堂上午班都話可能full啦！你問有位可能你報下午班！五天班有齊哂3T, 3天班就只有特殊導師1.5hrs，上五天堂仲要返幼稚園當然辛苦，看看你的小朋友能力再決定！
我囝讀了8 mths, 進步了很多，但當然同同年小朋友有距離，社交会最弱，當然要keep住training, 五天course價錢一定貴，經濟負擔会重好多，唯有慳D但值得。
協康有排排，唔好等，可以上住先再睇下是否合適，其實耀能都好搶手！

emilyhmw

原帖由 cindylwc1026 於 16-07-08 發表
我個囝讀緊上午五天密集式課程，黎緊9月返K1想轉讀Fun Fun小學堂上午班都話可能full啦！你問有位可能你報下 ...

感謝分享！對，她說的只是下午班。請問3T是什麼？我看網站說每星期有一節言語一節職業，是在那3小時內進行嗎？
另你小朋友8個月前即歲半？是否介意講講當時情況？為什麼去耀能？
我兒2歳5個月，言語慢半年。吃飯不專心，愛轉東西，自轉，在街上指定去某店玩旋轉架、旋轉水晶櫃，店內永遠特定地方來回跑，不讓他去某地方會聲嘶力竭，瞓地，管教十分頭痛。搶他東西會打或咬人。8月上PN, 有點擔心。

cindylwc1026

3T即是特殊教育，言語及職業治療，5天course已包哂。每星期一節言語及職業(各半小時)是在同一天內進行的，会單對單訓練，每個月家長会有一次觀課，教你回家同小朋友練習。平時每星期亦有特殊導師俾家居訓練功課,  所以有心機係屋企訓練其實係好忙, 加埋小朋友不合作做訓練簡直挑戰你的EQ, 但你知道要做下去才有進步！

我小朋友2歲5個月就讀呢個course, 那時讀全日制幼稚園PN班，校長已發現阿囝經常哭鬧及不明白老師指令，各方面都發展遲緩，都唔包容佢，剛巧CAC做完評估係自閉症，揾到耀能有位，索性唔讀PN只上耀能，下午就訓晏覺。宜家剛3歲，9月就讀另一間幼稚園下午班。今日再問耀眼老師話Fun Fun小學堂上午班已full, 所以我囝要繼續上住密集班先，直至有位才可以轉，我都睇下9月時阿囝会否太累再決定点樣，所以真係好full。

你個囝的行為都係自閉症的表現，要上訓練應該会減少固執行為，但要俾時間耐性，可以到時請教導師，他們都好有經驗。

你到時看看幼稚園会否包容小朋友，否則就再搵另一幼稚園了。

cindylwc1026

仲有我囝5天上午密集班都full哂，所以其實你都好彩下午那2班仲有位，可以自己考慮下。

emilyhmw

原帖由 cindylwc1026 於 16-07-08 發表
仲有我囝5天上午密集班都full哂，所以其實你都好彩下午那2班仲有位，可以自己考慮下。 ...

好的，我會積極諗五天定三天班，多謝你！

wongmarkmark

協康有排排，唔好等？請問一般評估出左，大約要等幾耐先排到？半年至一年？thanks

emilyhmw

原帖由 wongmarkmark 於 16-08-13 發表
本帖最後由 wongmarkmark 於 16-8-13 01:07 編輯

協康有排排，唔好等？請問一般評估出左，大約要等幾耐 ...

小朋友2.5歳，協康剛出了報告，話自閉傾向無至輕微，語言慢三個月（心理學家根據我本身言語治療師估計)。輪候心理學家檢查（筲箕灣）要1.5個月，排青蔥計劃（藍田）要1年。兩申請可同報入表，以節省時間。不過由於報告是輕微，不知下年青蔥會否收他。
不過我已安排他上耀能（炮台山）下午密集五天訓練，希望言語社交有進步。

emilyhmw

原帖由 wongmarkmark 於 16-08-13 發表
本帖最後由 wongmarkmark 於 16-8-13 01:07 編輯

協康有排排，唔好等？請問一般評估出左，大約要等幾耐 ...

炮台山耀能五天課3hour each 差不多不用等，現在排可能你是頭一兩個，三天課1.5hour each, 會排較久，好像有五人輪候中。