唔知算唔算係亞氏保加症?

nattoise

我個仔兩歲2個月, 係佢1歲半開始我地發現佢有點社交問題, 勁COOL. 所以俾d 街坊改左佢個花名叫Cool 魔。初期不以為以, 以為佢黎期怕生。但從1歲 已經好怕 玩吹泡泡、草地、沙灘, 搭的士、搭私家車，唔係唔鍾意果隻, 係驚嚇果種。

但都依家都仍然有以下情況：
1. 見到人叫佢, 怕生, 頭向下, 好抗拒叫人早晨, bye bye. no eye-contact, 要強迫佢望住人的眼都很難.
2.驚搭私家車,
3. 成日好容易話驚驚
4. 上playgroup 成日坐唔定, 上堂係要拎綠色搖鈴死都唔肯同其他小朋友交換, 一愛上打drum 死都唔肯放手. 初期老 師同學仔坐係到唱歌, 佢自己一個坐另一邊.
5. 好鍾意車就鍾意車, 唔多專心做其他事 , 好似冇耐性咁
6. 鍾意想"liu" 跟同齡的小朋友玩, , 如果同個小朋友玩完分手, 佢會失控地喊
7. 他只肯沐浴，非常害怕被花灑淋頭；掙扎或顯露驚懼神色時.
9. 在公園，永抗拒盪鞦韆。
10. 不能雙腳跳, 十分害怕雙足離地

11. 不過在家好多野講, 講個不停, 識好多野咁, 語言表達感覺不錯, 幾鍾意英文.記性好好.
12. 仍然好怕大人
13. 淨係鍾意食在家煮的蛋, 超鍾意食冬姑就淨係食冬姑
14. 好鍾意講打架, 成日舉手想打人,
15. 玩積木永遠只會愛推倒, 唔鍾意疊高, 亦未曾疊高過五塊
16. 上playgroup 時玩遊戲講故事, 其他小朋友好開心, 好热情, 我個仔卻瑟縮在一角，無論怎樣鼓勵，他都拒絕參加
17. 踏三輪車，不能操控踏板, 成日話係唔夠力

其實playgroup 個導師成日都同我講我個仔有少少問題... 有機會係近自閉的一種, ..., 如果返學後, 有機會很快被老師投訴坐唔定

我想大概估計下有沒有機會係亞氏保加症?

我聽講自己walk-in 健康院, D護士多數唔彩你, 加上政府轉介又轉介, 排得黎都年幾兩年, 已經過晒要治療的三歲的黃金週

請問有沒有家長D小朋友都類似咁的情況?

CATsMOM

我兒子跟你孩子的情況有點相似，他由兩歲開始社交出現問題，怕小朋友，極度慢熱，playgroup時，我不在旁會自己坐埋一邊唔參與。兩到三歲零期間問題最嚴重，所以在兩歲尾快三歲時打去健康院要求見醫生，之後安排見姑娘同醫生，再轉介評估中心做評估，大概7個月排到做詳細評估。等候期間，一位兒科醫生朋友見過兒子後認為他是亞氏保加，所以我立即為兒子找社交班，更多帶他去公園玩，用幫助自閉孩子的方法教他。後來返學後，也有跟老師交代孩子的情況，希望老師給他多點包容。孩子上學後情況有很大進步，已沒有之前害怕小朋友的情況，雖然仍是慢熱，但不太大問題。3月時在評估中心評估後認為他不是亞氏了，只是性格而已。
我認為要盡快聯絡健康院，不要怕會排得耐，在等待期間，多看有關資料，自己先安排訓練，及早介入。你兒子的情況有機會有感統問題。如經濟許可，找私人機構幫助吧。

olima

其實不一定經健康院轉介(健康院姑娘多數耍你，話男孩發展慢d），找個兒科專科，話俾醫生知你好擔心，一般會寫信排CAC。等候期間如好擔心，可找私家評估，又或者去協康等玩下playgroup，姑娘可以俾些意見，自己自行做下訓練。

吾好理是自閉或阿氏，名稱不重要，孩子那方面弱些，做父母的幫佢執下。放鬆心情面對吧！

fishinlove

你小朋友徵狀似有感統問題，未排到政府cac前，可試下去協康會到做職業治療評估，等ot看看你小朋友情況先（到時你可將你仔情況同佢地講，佢地有好豐富處理呢方面問題的經驗，會教你點做的）

WB1115

原帖由 nattoise 於 16-04-05 發表
本帖最後由 nattoise 於 16-4-5 01:52 編輯

我個仔兩歲2個月, 係佢1歲半開始我地發現佢有點社交問題, 勁 ...

似係感統問題多，建議等做整體評估之餘，搵下職業治療師做感統訓練