其實YORK係唔係真係咁差???

sze.gloria

本身都覺 york 係一間商業化嘅學校，但我個小朋友返咗七個月 K1,進度好理想。佢哋嘅教材、內容好豐富，亦好活動式教學，老師好多都好有善有愛心、校園亦多活動空間。總括嚟講，現在非常滿意此學校。

huggiesbb

原帖由 sze.gloria 於 16-03-24 發表
本身都覺 york 係一間商業化嘅學校，但我個小朋友返咗七個月 K1,進度好理想。佢哋嘅教材、內容好豐富，亦好 ...

請問k1每日功課係大概做啲咩架？深嘛？

maomaofafa

原帖由 ANNA5 於 16-03-24 發表
有朋友個仔有OFFER, 但放棄,
PN 要六千幾一個月, 但預算要2倍,
因為YORK 有攪 Camp, 一年幾錢, 每次要$2-3, ...

PN 要六千幾一個月, 但預算要2倍,
=點解要兩倍？我每個月交緊5680，無試過double，茶點每月約400，校服冬夏全套各千幾咋喎。

因為YORK 有攪 Camp, 一年幾錢, 每次要$2-3,000,
=我仔讀緊pn，無見過有咩camp，旅行就有次300

如果要補課，另外又要比錢，
=咩補課？從未聽過。我打去學校問，pn無任何興趣班喎

再加埋其他雜費。
=雜費可逐項選擇比或唔比，pn上學期2000下學期800

manimumi

我同我老公都好鍾意York,分校多當然學額多，commen sense而已。
但好多家長只focus佢學費表，但冇study 過佢地Ｄ好嘅野！

校舍新同大唔駛講，有好多outdoor係佢呢Ｄ campus先搞到，上體育堂教Tennis, golf! Xmas 會搞Ball.音樂堂學violin.(收貴少少好正常)
所謂Net 好多0係K1-K2要share 個net (e.g St Cat), 但York international (local 唔清楚)K1-K3Net 係唔駛share.
但St Cat都$5800(2015-16 K1), york (2016-17) international 都係$6200.
沒有平貴之分，只有值與唔值。
比我揀，我會揀$6200 囉Ｄ人成日話商業，講真，人地從來冇講過話非牟利，佢只係一個提供one stop service的教育機構，譲家長們(尤其父母都需要工作),提供更方便的渠道不用周圍資料搜集給小朋友上課外活動啫。大部份收費都是optional,很多非用家只是人云亦云，只有用家才知york的好處。
老師有愛心，亦係好多家長0既comment,很多名幼只收大B, 見小朋友程度跟唔上就會勸退，怕拉低升小結果，在我而言，這點比York更商業囉。

如果看重非牟利，倒不如揀村校。無必要在—間非牟利教機構評論是否商業。

dbchu

原帖由 sze.gloria 於 16-03-24 發表
本身都覺 york 係一間商業化嘅學校，但我個小朋友返咗七個月 K1,進度好理想。佢哋嘅教材、內容好豐富，亦好 ...

你仔k1又讀返pre reception ? Repeat ?

manimumi

maomaofafa 發表於 16-3-24 22:07
PN 要六千幾一個月, 但預算要2倍,
=點解要兩倍？我每個月交緊5680，無試過double，茶點每月約400，校服冬夏 ...

其實好多家長聽得太多不實0既資料，根本沒有自己過濾或資料搜集。人云亦云...我姐姐是小學老師，佢好多同事仔女都係讀York.
Comment: 你肯俾錢，佢會為你準備好上小學0既野俾你。所以佢地都好鍾意york!

Madambarbie

原帖由 ANNA5 於 16-03-24 發表
有朋友個仔有OFFER, 但放棄,
PN 要六千幾一個月, 但預算要2倍,
因為YORK 有攪 Camp, 一年幾錢, 每次要$2-3, ...

Pn 5千幾，一次camp都無，有一次春季旅行，都只係300一個人，雜費上下學期都係分別2千幾，係咪你「朋友個仔」搭校車？住得好遠好遠要2-3000一個月校車費？茶點費上下學期分別2千幾但可以join可唔join，補課從未聽過或試過，下學期先開始叫有功課做下，認下字ABCD..., 人口日月天...12345....連下線...一日限一科，所以話，好多人唔係用家成日係度發放啲假消息，個個都覺得york亂收錢，好貴，但事實又唔係咁lor:;pppp:

AJBabies

首先利申，因為年初搬屋所以幫小朋友插班York就近屋企！揀佢當初都係因為佢好大機會會收同埋感覺同小朋友原本讀緊嘅kinder教學模式好近似！初初感覺學校好冷漠，因為確實好大間校舍，好多學生好多老師，同小朋友舊kinder小班小人情況完全唔同，細學校上至校長下至ee、校務甚至全校老師都識你同你嘅小朋友，但係york就唔會，因為太多人喇！但作為家長，教職員識唔識我地其實唔係咁重要，最重要係小朋友返學開心同學到野，小朋友k1，每日都會有一份功課要做（中或英）初初我唔慣因舊時係一星期做一份活動，仲係可做可唔做嘅，小朋友咁細就每日要做功課？！但日子耐咗，發覺小朋友好喜歡做功課，每日食完午餐就追問做功課未，而此舉亦令我𢯊起心肝認真同小朋友一齊做同教佢，同埋跟貼咗佢學過咩，而校舍有戶外操場，小朋友每日放學都好期待係操場玩瀡滑梯、跑跑跳跳，所以係york讀唔差！而且我暫時亦都唔覺個校長有咩大問題，無錯，佢地係比較hard sell嘅，但我又覺ok喎，佢地唔係慈善團體，佢地都要賺錢，但佢地提供嘅extra course或活動都唔係強迫性，家長可以選擇參唔參加，唔參加唔會虐待你嘅小朋友，咁樣嘅學校有咩問題？！反之我覺得幾好喎，學校可以提供埋一d額外course如打網球、畫畫、小提琴等等比小朋友，唔駛我做家長嘅再煩去搵其他出面嘅公司去學！呢d錢都係比人洗架啦，當然如你要求超班教授呢類活動咁york提供嘅應該就未夠班！校長比我嘅感覺係比較率直，但絕對係一個好有愛心嘅太太！總括黎講係york讀對小朋友就一定唔差，差就只有差在家長嘅心態

99dogdog

原帖由 manimumi 於 16-03-24 發表
本帖最後由 manimumi 於 16-3-24 22:55 編輯

我同我老公都好鍾意York,分校多當然學額多，但好多家長只fo ...

明白你作為用家喜歡學校，對學校有歸屬感是好事，不過你做比較時都應該要提供正確資料唔好誤導其他人！2015-16 SC K1學費是$4,783 x11; K1是雙班主任（包括一位NET), K2-K3 是$5,204 x11 (K2-K3 才是share NET)。York 都要選國際班才有NET做班主任！利申：有家人讀緊York覺得幾好（我前面都有留言覺得間學校老師唔錯）！其實外人可能對學校印象唔太正面，好既地方用家最清楚，講得太多太誇會令人反感，正所謂有麝自然香！每間學校都有強弱既地方，冇一間可以叫做最好！

manimumi

99dogdog 發表於 16-3-25 01:29
明白你作為用家喜歡學校，對學校有歸屬感是好事，不過你做比較時都應該要提供正確資料唔好誤導其他人！2015 ...

對，打錯字，St Cat K2-K3 share net。但都是要share Net,學費平Ｄ好正常. 至於york, 我是寫明international的，K1-K3都唔駛share Net，無意誤導, 亦沒有跨張。只是factual嘢。請見諒。

St Cat $5800學費是現時用家告知我的，如果是錯的話那是那用家給我錯誤資料了(無意冒犯，是用家給予的資訊。如是錯的話，那麼我也不明所以了。佢小朋友現时讀K1)我沒有特別search St Cat 資料. 因沒想過join.故沒有特別確認用家給予的資料正確與否。

manimumi

timliu 發表於 16-3-24 19:11
從來都冇念過報呢間.見佢地D畢業相，個個父母同小朋都著到好似城中名人去ball咁，就知唔係自己杯茶，我只想 ...

兩睇，間間學校都有怪獸家長，亦有家長認為子女入讀名幼就等於穿了名牌上身。
著得靚係尊重場合。我同小朋友interview時我都幫佢打煲呔的，不是名牌，而是希望拍張可愛(扮下老績)的照片留倩影吧！

至於畢業相，著大體Ｄ好正常。我大學畢業時父母都會著得光鲜Ｄ，好正常啫。(同埋一年會有幾多次呢Ｄ場合？既然只是畢業先發生一次半次，那根本無需理會)

咁york又唔係榜"平"。佢亦都唔係target—些會為收多一千幾百而困擾0既家庭，有壓力的家庭當然不要勉強，學校target market係mid mkt. 雖然係多學額，收生變相多，但其實學校都揀緊人，揀一些負擔得起的家庭, 負擔不起的自然會reject offer(所以其實佢唔係Ｄ呼吸學校) 但當然有些家長亦會選擇一些更心儀的學校，york定位係行local與international之間，有能力0既家庭(但不需好有錢0既家庭), 佢不是社企，其實賺錢很正常，校舍咁大咁新俾租都要啦。佢搞好多活動如Xmas Ball, 搞得超Pro 的，唔通免費咩？而且大部份都是optional的。但好多人只會係話貴，因只看學費，就妄下定論認為不值了。因此説明為何只有用家才知York好的地方. 而當中果Ｄ家長可能有部份係真係有錢人也不足為奇。咁其他名幼—様有有錢人讀。問題是值不值。有些名幼校舍很舊，亦很細(有些更像十幾廿年前的模樣)就算收平一千幾百是正常， york就會與時並進，有真正參觀過york的就知道分別了.
再者，其實其他家長怎樣穿著理應不影響小朋友選校決定(因為唔鍾意米咪唔好接觸咁多囉)校長作風更不應納入考慮之列，因佢根本唔會直接教小朋友。而選校是應該因應課程，師資，語境，學校環境，教學方法等軟硬件去決定是否適合其小朋友。只要認為該學校適合自己小朋友就足夠了。其他家長行為衣著根本無需理會。因為間間幼稚園也會有怪獸家長。不會只有York才有的。反而見很多有子女讀名幼就覚得好光榮，這才奇怪。(幼稚園只是小朋友人生很少的部份而已)當然，名幼也一定有正常的父母。


利申: 本身不算什麼有錢人，只能說負擔得起學費罷了

caramelpudding

非用家，但我小朋友上興趣班有位讀york的小朋友，非常精靈聰明，上堂學得最快，活潑但可坐定聽指令，同班亦有另一啲家長們非常鐘愛的幼稚園生，相比就冇咁醒但又坐唔定，所以事實係點、其實每個學生情況都可能唔一樣。

天悅

puichingforsure 發表於 16-3-31 10:40
我之前在EK的POSTS都讚YORK，因為我都真心了解過YORK的課程，覺得課程好全面，亦問過好多用家，大家對老師 ...

HI,你說你了解過YORK的課程，覺得課程好全面，我想問下，
因為我曾聽過別人說YORK的課程深，比較谷，是否真呢?
課程深又是如何深法呢?

manimumi

puichingforsure 發表於 16-3-31 10:40
我之前在EK的POSTS都讚YORK，因為我都真心了解過YORK的課程，覺得課程好全面，亦問過好多用家，大家對老師 ...

觀乎情況似是york用家俾人圍攻較多，如太容易入, 學費貴，根本沒有留意其課程及教材。

islz

請問有冇同KM比較? 大家點睇?

fredayys

個人覺得吾係咁差,身邊親戚同朋友都有讀緊,不過講到尾都係睇你要啲咩

momk

PN用家

茶點多數係包點，一星期只一兩日熱食，飲品多甜飲

NET 係 share 嘅

返學唔會換室內鞋

一日4 sessions,  8:30-10:30, 10:45-12:45, 13:00-15:00, 15:15-16:00。 上一班放學與下一班返學只有15 分鐘空檔，程序係：搭校車返學嘅小朋友會入學校先，然後搭校車放學嘅跟住出學校上車，然後開正門給家長湊放學，同時間送返學嘅家長又會一齊踏入學校等待比小朋友入課室返學。 本人日日接放學都覺得學校冇可能好好清潔消毒，時間緊迫到老師都好難同家長講多兩句。另外，入學校前會睇接證，走係唔會，但學校充斥住湊返學同接放學嘅家長，學童洗手間走廊有一門可以通往後門公園，向外開係無鎖嘅。

本人小朋友的班主任並唔算關心小朋友，詳細唔講，純屬個人感受。

一學期完結之評估報告4頁紙，基本上都係point form ,每一點計1-4 隻大拇指，4頁紙入面有幾行comment, 另有兩張A4 size 畫紙係填色/勞作，沒有相片，除開學之頭兩天外，沒有觀課安排。

小朋友告假，致電回校有時無人接聽，無留言信箱，有幾次真的忘了再致電回校，但學校亦不會致電家長查詢。

小朋友帶口罩上學，放學口罩不見了，老師話污糟咗掉了，但書包有數個後備口罩。

同班有同學返咗兩個月都喊，第三個月班主任勸退。

生日會有大量零食上堂食同派返屋企。

開學約4個月後未戒片的小朋友往往放學時片片非常非常濕。亦有同班同學向家長講過舉手要求wee wee 老師唔應。

我奉勸各位家長如準備入讀PN 的話再想一想，其實想比啲乜嘢自己的兒女。 如家長只著眼教材、所標榜的教學方法及校舍 (硬件)  , 那這間學校應該係你想要嘅。

而我將會K1 轉走，當然我明白K 唔係一日 4 sessions 應該會好唔同，但我對呢間學校嘅辦學宗旨同付出嘅愛心就相當失望。

個人真實感受，不喜勿插。