其實YORK係唔係真係咁差???

千語mami

唔覺得好差, 好多k3學生滿手直資私小offer, training應該幾好

99dogdog

原帖由 vpo0615 於 16-03-21 發表
雖然我唔係YORK用家, 不過我覺得唔係大家講得咁差. 其實收生多有乜問題? 覺得"係人都收"就顯得有OFFER嘅小 ...

同意，我以前都覺得呢間好商業化，好似有錢就收咁；直到舊年有屋企人入讀就開始對這校改觀，睇到呢位小朋友返學後既進步，由一位超早産b慢慢在各方面跟上其他同齡小朋友！班主任好有愛心，會鼓勵同時會留意到小朋友不足之處然後再同家人溝通希望通過家校合作去幫助小朋友，簡單如戒奶嘴，老師都幫助好大忙，所以好快就戒到！就算學費係貴，但佢起碼交返足功課俾你！我女曾讀過某私校pn，學費$5000+, 環境差得遠，老師冇愛心之餘連基本門面功夫都唔會做，淨係有關俾錢既事宜先會打俾你，我就真正見識到何謂商業化！

konew720

原帖由 Ryan_baba 於 16-03-21 發表
回覆 islz 的帖子

如果單從小朋友學習嘅角度去睇York, 我絕對讚同佢係一間好嘅幼稚園. 但佢地校長嘅作風就 ...

同意。
如果佢地高層作風唔係咁，唔會有咁多人有負面評價。
有朋友個仔係interview時表現好差，冇收，3個月之後收到電話叫佢in多次，不過表現都唔係好，但學校即刻俾offer佢，仲要讚到佢個仔天上有地下冇，我個朋友都覺得好假，我朋友跟手要求讀上午國際班，學校都即刻俾到佢。朋友都覺得學校又搞special case又咁多talk都唔知為咩，朋友一個talk都冇去，俾special case offer 佢又冇要，但之後又收佢插班。朋友話完全係大龍鳯。
另一個係playgroup既朋友，8月中問學校，8月尾interview，9月開學，但小朋友9月尾先足2歲。
純朋友case，不喜勿插。

天悅

一間學校好唔好，我覺得係好個人，有人鍾意學校多活動，但有人會覺得似係做show;有人鍾意家校協作，有人鍾意學術全交俾學校負責；不過我覺得york唔係差，語境好，亦吸引到一些符合york理念的家長，你見鍾意york的人真係好鍾意就知

babycatrina

唔報純因為pn得兩個鐘一日
我覺得三個鐘好些，因為食下茶點，排隊去下洗手間已經無左半堂
Pn對我來講係學習自理、少少紀律、開展社交、學外語既階段，呢d都要時間慢慢浸，所以就算間學校可能好多軟硬件都唔錯，我都唔揀
而且計番時間既話學費就好貴
再者一日分三段pn可以收多些學生，賺錢味道極濃。當然幼稚園係一門生意，但有得揀咪唔想揀囉
其實若佢地係三個鐘一日的話，可能係好選擇

bird06

本身有pn offer,亦等緊其他offer。同意自我感覺冇咁良好，但識朋友讀，認同比左錢，學校比番相同質素既嘢你，明買明賣，記住佢係私校，賺錢係應該，接受到就得。

其實佢地5月頭先訂校服，7月1日前話唔讀仲有得refund，其實又幾好

唯一係真係好多talk，佢地可能覺得customer service，去得多或太早搞開學briefing（4月）其實有點麻煩。

tingtingword

我係用家，我覺得明買明賣，貴唔貴，值唔值就見仁見智，在商言商，當然要賺錢，學校又唔係社企。

學校交足功課比我（其他家長我唔敢講，只講我自己），完全做到我想要嘅野！老師有關愛，快樂地谷，k1 暫時已經寫了7個中文字，可能有其他家長覺得好變態，但這種谷卻係用家所想。

先了解自己想要咩，環境，語境，軟件硬件等等，如果好唔like校長作風，睇見就唔順眼的話，suggest大家唔好take offer，因為往後幾年學校每個邀請家長出席的events ，相信校長都會以同一風格演說

bird06

讀得就要接受校長風格，個人覺得聽完就算，最緊要學校教到小朋友，而佢既教學方法你自己認同

vpo0615

美孚開分校, 應該唔係同一個校長喇啩.....

米寶

-----

Madambarbie

其實都係睇下岩唔岩自己小朋友，我係用家，黎緊第二個都會繼續係度讀，小朋友讀得開心就得，課程活動家長滿意就得，學校比到家長既野係好實在，私校明買明賣，商唔商業化都係睇下家長覺得值唔值，捨唔捨得比錢，如果真係咁計較錢，可能真係讀學卷會好啲，不過唔明由始至終點解咁多唔係用家既家長，又或者「朋友既仔女」，「親戚既仔女」，「聽講啲人話」，個啲人好似會清楚過讀緊個啲，不繼負評呢間學校，講到似層層咁，不過我覺得宜家讀幼稚園小學中學，似係啲家長去讀去比拼比感覺良唔良好，多過啲小朋友係咪真係適合間學校去開開心心讀.....
宜家真係同以前年代唔一樣啦

米寶

-----

islz

O甘我都同意, IN我果位老師係IN得幾全面, IN學生仲會IN家長.
(我覺得有部份小朋友IN果時配合完成不代表佢家庭教育好)

當然YORK IN家長的分數成份有幾多就唔知啦. 不過唔IN家長的學校我覺得問題幾大. 因為教育100%是家庭+學校, 如果學校/ 家庭 價值觀不一致, 小朋友會好辛苦.

比如: 返學要換鞋/除鞋, 返到屋企唔除鞋一屋走. O甘學極都唔好啦.

可惜的就係YORK收人太多, 根本形同虛設 D:

仲有就係IN我果位老師算幾有心, IN完之後佢一台都係只有白色公仔送比小朋友, 不過都見佢花左D心思同時間找左隻黃色出黎. 比著第2D學校一手拿起什麼就送什麼啦...
(當然沒有黃色就PASS,白色的FAIL的意思, 不過佢真係有心找隻黃色比我個小朋友)

Madambarbie

好同意，我仔係細仔又好好動，家長日預左老師會話佢，但老師無，反而用欣賞既態度叫我面對，叫我俾啲時間佢，同埋教我應該係屋企要點配合，好好指導佢，我覺得老師好有心，加上我仔返學放學好開心，我好滿意

maomaofafa

Madambarbie 發表於 16-3-22 17:14
好同意，我仔係細仔又好好動，家長日預左老師會話佢，但老師無，反而用欣賞既態度叫我面對，叫我俾啲時間佢 ...

其他學校點不清楚，無讀過不便評論。我只知道多數話YORK好差的人都係無讀過，得過「聽講」。話佢差多數有兩個原因，1）係人都收，2）Commercial。但實際係點係人都收或者commercial又唔係點up得出。不論如何，作為用家我很滿意學校，佢甚至比我想像中好。首先佢肯收我仔超細B我好感恩，超細B差不多去邊都不受歡迎（除咗新校），佢肯收之餘又肯俾心機教，唔會因為你係細就忽略你呢點好好。我仔本身內向怕生，以前返pg幾個月都唔會痴啲老師（當然啲老師本身亦較為冷淡），但返YORK PN 3日，已經見到佢唔喊，主動拖住老師的手入班房，果刻覺得好神奇。每天放學我都差不多會問老師孩子的進度，佢都不厭其煩好耐心解答我，我打電話問嘢老師都好快回覆，感覺很有心。另外學校功課及校外活動也安排適中，不會令家長感到很大壓力。我仔返學後個人開朗咗好多，亦都會同其他小朋友玩，見到佢的改變，而且佢亦都喜歡上學，唔會唔肯去返學。學校搞活動亦睇得出係有心搞，唔係hea下hea下。啲雜費亦可以逐樣選擇比或者唔比，茶點校服都係，亦從來唔會強迫你付費參加任何活動或者購買任何嘢。其實好唔好真係要讀過先知，唔好人云亦云。當然，如果好介意佢學位多唔難入，係親朋戚友面前無得耀武揚威，咁就唔好讀了，因為有啲人好口賤，知道你小朋友讀YORK會踩到你無地自容，好似講到俾你小朋友讀YORK有罪咁。我哋只會睇學校照唔照顧佢，佢學唔學到嘢，其他嘢我哋唔理。而且老實講真係未聽過有人話佢「教得唔好」，講來講去都係話商業易入，所以歸納來說我會覺得YORK係一所好學校。

Yang81

原帖由 maomaofafa 於 16-03-22 發表
其他學校點不清楚，無讀過不便評論。我只知道多數話YORK好差的人都係無讀過，得過「聽講」。話佢差多數有兩 ...

我之前還驚幫個囡選擇錯，聽你咁講我就放心了。

matsushima

sailormercury 發表於 16-3-21 11:15
一語道破

DYU

新人物

原帖由 konew720 於 16-03-21 發表
同意。
如果佢地高層作風唔係咁，唔會有咁多人有負面評價。
有朋友個仔係interview時表現好差，冇收，3個月 ...

我都覺得個Special case害左間學校