專注力不足食藥問題

kimiwhy

我女女去左政府既心理學家
話佢專注力不足
但話佢唔洗食藥
但佢上堂真係成日留寫野  又聽唔到書
我想比佢試下食藥
我可以點做呢

jojolauka

心理學家不會說要不要食藥
因為不是他們可以斷定


我小朋友也是政府心理學家評估佢有專注問題. 我問佢要不要食藥, 佢說要轉介去精神科比多個專業意見. 等精神科醫生決定.

熙fi媽媽

我上個星期帶個仔去睇, 問醫生需唔需要食藥時, 醫生反而問返你想唔想要試

jojolauka

我小朋友同你囝囝樣. 我出去睇了私家, 醫生都係問返我想不想試食藥. 佢仲說副作用不 大. 只是胃會差.

但中醫叫我不要食藥.

OT 也叫我不要食藥

佢地都說副作用比我所知同想像的更大.

我仍是 未決定....

Mangobma

食藥係需要精神科醫生決定。醫生會問家長意見係正常ge ，因為要長期食，如果家長根本唔同意，醫生開藥都無用。另外，專注力不足除了藥物治療，都可以用行為治療，不過就好花心機同埋要持久做，一般來說，食藥加埋訓練的效果最好。希望幫到大家。

cp2004

回覆 jojolauka 的帖子

Don't be worry too early. You can try the medicine, if it not work then no need to take it. If it is work for your child, you may feel the different.  Learning period for our child from Grade 3 to grade 6 can improve a lot. Make them easy in their school life.

My son took the medicine from Grade 4 and now he is grade 9. He said the medicine help him a lot.   

ioi

我仔小三下學期被老師投訴上課傾計和過位, 做功課又拖到好夜都做唔完, 之後暑假時帶佢睇私家精神科, 尤於暑假冇得搵填問卷, 醫生單獨跟我仔傾, 再跟父母傾, 就話佢都屬於專注力不足, 要食藥.

食住藥, 小四新班主任唔覺我仔有特別問題, 初時做功課時間都縮短了, 但不知是新學期轉了同學和老師才扮乖, 定啲藥真係work. 4個月後已好像打回原形, 成效唔明顯, 而且家人話佢食藥後面色差咗, 加上醫藥費超貴, 加上醫生突然有事要遲兩星期才能覆診, 既然已停咗兩星期藥, 之後索性冇睇.

之後安排佢去補習老師家做功課和溫習, 成績又好了起來, 所以真心覺得並不是藥物的功效.

現在小五, 又被老師訴上堂唔專心和傾計, 成績退步, 老師建議再睇醫生搞清楚佢係咪屬於專注力不足. 去政府健康檢查時, 叫咗醫生寫轉介排專科, 要10月先有得睇, 但當時普通科醫生表面聽落覺得佢唔算專注力不足, 可能只係頑皮的問題. 但老師則強烈建議暫時睇返私家醫生先, 以免病情影響呈分試表現. 我現在都十五十六, 撇除錢的問題, 主要係唔想佢食藥.

cp2004

回覆 ioi 的帖子

I did need to change the medicine time by time. This is why we need to see the Doctor time by time. For my son, the doctor said I did put my son to play a lot of sport. So it also help him a lot.

It is also good for his health and release pressure. He also control no soft drink and candy at Grade 4 to Grade 6.

ioi

cp2004 發表於 16-3-24 17:03
回覆 ioi 的帖子

I did need to change the medicine time by time. This is why we need to see the Doct ...

謝謝你的分享. 我都覺得運動有幫助, 最近減少了, 可能就是問題出現的原因之一.

Mapleac

「佢地都說副作用比我所知同想像的更大」
例如呢？朋友嘅小朋友有食藥但唔覺有什麼副作用，同未食藥時分別不大，唔知係咪藥份量少

粒粒芝士

請問政府開的藥需要錢嗎？大約幾錢？

COE1205

原帖由 粒粒芝士 於 16-04-09 發表
請問政府開的藥需要錢嗎？大約幾錢？

$10一種

littlelamlam

我仔而家六年級, 小一時老師話佢專注力有問題, 但學童保健心理學家話佢無野, 我就無再跟進

不過佢一直以來都做野無條理, 做功課超慢又常欠, 令到我好困擾, 好多特徵都同專注力不足相似, 但佢成績不過不失, 同吾攪到同學, 只是常遊魂, 所以老所都吾多投訴

直至考完第一, 二次呈分, 考得吾理想, 長答變短答, 由b1尾跌左去b2尾,我真係好擔心!

呈三前2星期我fd比左D藥我仔試(我fd個仔係adhd), 佢温書真係專心左, 而今次考試成績好好! 呈一時中文吾合格, 今次竟然有86!!!呢個分數係咁多年未見過(因為中文最弱, 佢好憎寫字), 其他科有8字頭,常有90!!!我都好surprise! 亦因此我決定同佢排期, 雖然係遲左D, 但我真的吾想佢因為呢個病而影響升學

sukilan

D醫生最鍾意搵人做白老鼠，你唔同意食藥，佢地又點會寫到報告比上級睇

jojolauka

食唔食藥問題是否只因成績 ?

我不想佢食藥. 但專注問題影響好多野. 咩都做得唔好. 比人笑, 比人罵, 佢自我形象好低. 如果食藥, 在成績方面因有數據可尋, 容易知道有冇效果. 但食藥又被朋友及長輩責罵. 佢地認為是成績問題而想佢食藥. 反而要我幫佢轉去一間開心學校.

我究竟要點做?

轉校去試? 如果唔食藥, 轉校, 又唔得... 咁點?

jojolauka

有冇家長試過食小朋友 D 藥看有冇什麼副作用?

呢條問題好似好傻.... 但我真係想試. 因為小朋友未必懂說出來.

rose-mag

其實真係因人而異，我仔係邊緣，細時評估話佢未達ADHD，但就好似電兔咁冇時停，當時我老公講明唔食藥，行為治療加語言及統感，一直都留意佢喺學校上堂點，今年小四，老師話佢上堂專心，做到功課，老師講完嘅都做得到，都有時有嘢漏，例如今朝就唔記得眼鏡放邊，但佢好記得鍾意嘅card game每張咭嘅特性。

有幾個朋友嘅仔女有ADHD，其中有食藥嘅，副作用有分別，有胃口唔好，瞓得差，又有增磅變肥，不過異口同聲話對上堂有幫助，成績就好難講，就算專注咗都唔代表一定會好，但一定係可以上堂集中精神一D，同埋唔會俾人投訴影響其他同學。要食藥都要試下至知邊隻有用同副作用對小朋友影響，不妨問多D資料先。

Tifftiff0115

我大仔食藥食左三年，又冇乜副作用喎。
的確我有朋友個仔係食完藥胃口唔好，訓得唔好，咁咪停藥囉。冇野架。
要試藥架，個個小朋友都唔同。

rean_chau

我自己親身試過隻藥，真係會專注好多，特別係我自己要考試温書果輪，食完感想係，如果當年我有得食呢啲藥，現在可能唔係咁樣。