如何讓孩子能自動自覺和認真做功課？

mypineapple

日日都要催， 又唔認真寫， 有方法嗎？謝謝

topyy

原帖由 mypineapple 於 16-03-01 發表
日日都要催， 又唔認真寫， 有方法嗎？謝謝

小一開學已教小朋友自己溫習默書考試，我唔會對功課，唔識可以問但我會加句：我覺得老師有教無可能唔識，下次我未必會考教你，將個責任比反佢地，其實睇大人忍唔忍得，但我會留意學習進度，考試唔合格我會睇邊度唔識講解反，合格都要同佢一齊對卷，教佢分析點解錯，下次要點答，最後補句你今次做得好好

我自己經驗係，越鼓勵越信任佢地，佢地就越自律，建議jm多睇書了解佢地心理，再自己想方法去「幫」佢地，小朋友懶，係因為無習慣勤力，幫佢地建立勤力的習慣吧！

annie0517

原帖由 topyy 於 16-03-29 發表
小一開學已教小朋友自己溫習默書考試，我唔會對功課，唔識可以問但我會加句：我覺得老師有教無可能唔識，下 ...

請問點樣set up 勤力習慣?

topyy

原帖由 annie0517 於 16-04-11 發表
請問點樣set up 勤力習慣?

最老套但真係有效的方法，一齊製定時間表！即係時間管理！（記得唔係父母掉個時間表叫佢跟，咁樣佢連生活都唔會有動力！更何況學習的動力？）

隨佢意願，洗澡/食飯/做功課/溫默書/玩。叫佢排序。試一星期，同佢一齊檢討，ok就繼續，佢都覺得唔好鼓勵佢再排過，比番個責任佢

佢無跟就提下佢，比時間佢變成自己習慣，唔好期望今日講左就聽日每日都做到，提佢就得架喇

以我例子，平日每晚做左功課休息後只溫默書（無補習無興趣班，所以今日溫15-30分鐘默書，溫完就算，唔考佢唔問佢生字）

假期佢自己會起身早上溫默書和課本，之後叫醒我整早餐，因已變成習慣，溫完佢玩咩都得

簡單講：平日跟時間表做功課溫默書，假期溫默書和課本（1個鐘做晒）目標係我只要佢有呢個習慣，所以頭1年無理過成績，到佢唔叫都自動波，當佢學識時間管理，我先教佢溫書技巧

整個過程只有鼓勵！

可能咁樣佢跑得比人慢，但好相信佢之後會跑得比人遠，加油jm

annie0517

原帖由 topyy 於 16-04-13 發表
最老套但真係有效的方法，一齊製定時間表！即係時間管理！（記得唔係父母掉個時間表叫佢跟，咁樣佢連生活都 ...

多謝你嘅提點，從中我見到我自己需要 fine tune 方法同態度。我會試吓，希望有一日 (可能幾年 ....) 我會回覆你一句: It works :)

poonlydia

原帖由 topyy 於 16-04-13 發表
最老套但真係有效的方法，一齊製定時間表！即係時間管理！（記得唔係父母掉個時間表叫佢跟，咁樣佢連生活都 ...

請問小朋友幾大可以開始同佢做時間管理?

topyy

原帖由 poonlydia 於 16-06-09 發表
請問小朋友幾大可以開始同佢做時間管理?

我k2開始培養佢地，放學後沖完涼食完飯攞功課出黎做，星期六早上食完早餐畫下線，讀下學校書仔，做完就算，其他時間玩，開頭唔好迫佢，會反感的，整個過程都係開心，媽媽會笑同鼓勵，相信自己的小朋友，佢地就會做到，focus放係個時間度（可以第1-3月10分鐘，有左習慣先慢慢加時間，唔係個結果（如10分鐘做左啲咩）

除左學習的習慣，我會建議培養埋自理能力，如自己沖涼，自己做功課溫書等，當佢覺得自己的責任大左，對自己的事上心左，培養其他的習慣都會易啲！

幾歲開始都得，有心唔怕遲，唔好同人比較就得喇