又一村老師好唔好？

Cherryroy

你哋講到咁恐怖咁，我更加會放位

little_pig828

K3係比k1k2嚴，但我小朋友每日反學都仲係好開心，老師都打左兩三次電話俾我，至於去厠所，我問左我小朋友，舉手就有得去，我諗你地既情況係個別老師吧。

fanhim1213

Cherryroy 發表於 16-12-19 20:21
你哋講到咁恐怖咁，我更加會放位

你放位， 大把人多謝你。 我有d 唔明， 如果真係咁差， 就唔會有咁多人見，而我身邊都大把朋友waiting 緊。
面試當日， 我覺得學校安排得好好， 老師都好友善。 好多學校見完就9 秒9要你走， 而又一村就比你起校園玩同參觀， 從中讓家長感受下學校。當然ED 既評價我全都睇晒， 但我比較相信自己親身感受。 面試當天， 在洗手間遇到一位清潔嬸嬸， 佢都好主動同我傾計， 仲對學校讚不絕口。 雖然短短半個鐘多的面試， 但起碼係我見過最有心既學校。PS 鹹魚青菜各有所愛！ 願祝各小朋友搵到心儀既學校。

Cherryroy

fanhim1213 發表於 16-12-20 23:20
你放位， 大把人多謝你。 我有d 唔明， 如果真係咁差， 就唔會有咁多人見，而我身邊都大把朋友waiting 緊 ...

咁其實主因係佢先生時時轉

Seadogdog

囡囡讀緊K2, 兩年所遇到的班主任和老師都好有愛心,也感受到校長對教育好有熱誠
囡囡好鍾意返學,好喜歡教過她的老師,早前同她一起出席學校旅行,只見她不斷"攬住老師的腳"和"癡住"D老師...這足以反映平日老師對她的愛,因小朋友的反應是最純真和直接

至於老師流失方面,我想每間學校甚至公司都會有,因為畢竟又一村學校的老師普遍年輕和有活力,所以流失不出奇

讓我綜合一下我對這校的觀感:
<<平民的學費,高質素的校園生活>>

natalieay

我都係K2用家，非常同意樓上呢句"平民價錢，高質素的校園生活"。校園大，老師有愛心係睇得出，我有參與學校旅行，老師同我小朋友玩得好開心，一見我小朋友主動攬住，笑容絕不虛假。學術是學券學校中較好的一間，中文程度頗深，英文也不算淺，當然要考直私小最好外補，功課算多，但小朋友enjoy，所以不擔心跟唔上小學進度。至於老師成日轉，的確在學期開學有d老師走左，我0既見解係，因為校長係要求好高0既人，可能有老師唔適應都唔出奇，不過校長高要求係為小朋友好

butbut1104

小兒讀左三年，李校長，老師們都好有愛心！個個都很好！一間唔錯的幼稚園！

Katharinethepig

butbut1104 發表於 17-1-6 11:44
小兒讀左三年，李校長，老師們都好有愛心！個個都很好！一間唔錯的幼稚園！

...

K1 用家， 呢間學校勝價比高，深水埗學卷學校真係數一數二

老師超有愛心，好有心對小朋友，我仔細b,一班三十人三個老師，都覺得可以未必知小朋友發生什麼事，但佢地都會打電話來同我夾返小朋友進度，小朋友係屋企整到，佢返到學校見到都即刻打來問候

學術學卷學校黎講真係唔淺，日日都有功課你想懶都唔得

其實睇下你要什麼，如果想平靚正，又一村真係好好

bbtomatobb

我都覺得老師好有愛心, So far 開左學4個月,
老師第1個月平均一個星期打一次比我, 之後都1個月最少一次.
初初開學囡囡唔適應, 又未戒片,
老師好耐心咁同佢試, 慢慢教
都有同我講返佢係學校發生D咩事
終於成功克服了
宜家佢好鍾意返學喇!
我都幾滿意

mydoggulu

網上嘅資訊真係信一半好啦，相信自己嘅感覺。
我2個小朋友都讀緊，一個K3一個K2，第3個亦都毫不猶豫地揀返呢間學校，100分滿意。
間間學校都會有唔好嘅老師，so far好好彩教我仔女10個老師都係好好，小朋友放假都成日話掛住佢地，我個女K1放長假會喊晒話要返學。
另外，老師企晒响門口唔係做俾家長睇，佢地日日都係咁，就算冬天得幾度都咁，好慘，但佢地要幫手接返學嘅學生，無計。

calbeeli

我仔依家K3, 好好彩3年的老師都好好, 都有愛心, 亦聽聞有些老師是比惡又或HEA D, 不過應該唔多, 一間學校有咁多老師, 有流失率都正常。

Littlebb827

本人是K1用家，覺得老師有愛心，經常打電話來講小朋友進度，個人很滿意。

Shirley61122

我係K1用家，我覺得老師好好，好有愛心，阿女返學亦好開心