培正、德望K1面試安排有感

NICOLE123

puichingforsure 發表於 15-12-8 16:20
想問下份問券系吾系佔好重㗎？

真係無人知喎
咁我身為家長唯一可以做/ 需要做就係用心做好份問卷,
盡心盡力囉.

最終有無人睇過??? 真係唔知喎.

大埔之友

見到其他家長不停不停呻要小小朋友自己入課室是何等不合理.就諗起老婆形容阿女表現自立, 頭也不回咁沖去老師到, 覺得佢好叻, 又覺得佢好反骨                              

其實我個女都好癡老婆, 只是我地真係一早狠下心腸, 送佢上分離班pg. 平時去公園玩亦比可大程度自由佢去玩"危險"遊戲. 見其他可能三四歲男仔想爬垂直樓梯比嫲嫲阻止, 我地兩歲就比佢自己爬, 當然對手有在身體外一寸隨時準備接住佢.                                 
仲有亦每次只走一場, 因為我地知如果佢眼訓會特別癡身, 所以我地都是比佢仲有電時至去in.

NICOLE123

大埔之友 發表於 15-12-8 16:26
見到其他家長不停不停呻要小小朋友自己入課室是何等不合理.就諗起老婆形容阿女表現自立, 頭也不回咁沖去老 ...

其實係..培正要學生好獨立, 自理能力好.
一開學唔會有家長陪上堂.
開學一星期要小朋友自己一回班房就從書包拎手冊,手帕比老師
否則會在手冊上寫欠手帕,
有家長唔服氣話我地有帶係書包/褲袋, 老師你無搵清楚之嘛
SORRY 老師係唔會幫你搵, 老師一星期前已教左你要自己拎出來比老師檢查.
人人做到你做唔到..咁明天你自己小心D囉.
老師又唔會罰你架.又唔會話你.
小朋友自己要檢討.

呢D係訓練. 老師要既係大人唔好太保護小朋友吧.

JUNE408

原帖由 NICOLE123 於 15-12-08 發表
本帖最後由 NICOLE123 於 15-12-8 16:32 編輯

我buy ar

NICOLE123

大埔之友 發表於 15-12-8 16:26
見到其他家長不停不停呻要小小朋友自己入課室是何等不合理.就諗起老婆形容阿女表現自立, 頭也不回咁沖去老 ...

仲有呀培正既小朋友有樣野好叻架係行樓梯..K1 開學一個月就要自己背住書包行2層上去架喇
佢地又唔會行錯喎..

心痛小孩日日行樓梯既...真係唔好讀...

唉...其實我覺得..只係現在既小朋友太寶貝了....
當年我地住無LIFT既樓都係自小行幾層樓梯架啦....

我見過有K1 同學放學工人姐姐帶架BB車去接...
係校門口個小朋友已經比同學笑到自行下車
自己行 唔要BB車了.....

太肉痛自己小朋友既家長..真係唔好讀...免得日日心痛

Korira

NICOLE123 發表於 15-12-8 16:31
其實係..培正要學生好獨立, 自理能力好.
一開學唔會有家長陪上堂.
開學一星期要小朋友自己一回班房就從書 ...

多謝你的分享, 我正正是被PC這種教育方式所吸引, 可能有人會覺得嚴/專制, 就正如有家長會怨某些(包括PC以外的)學校只係遲到1分鐘唔包容...我選得這類學校,正因為我也是這種人。我討厭遲到, 所以任何情況下都一定會預足時間。做好本份嘅學生根本唔需要怕老師惡,怕記過。

NICOLE123

puichingforsure 發表於 15-12-8 16:42
我記得最近先有家長comment話PC唔夠貼心, 面試要人行幾層樓梯，我睇到眼都凸埋！ ...

哈哈..學校比大家慼受下呢間學校者..覺得過份..咁真係唔好讀呀..

係現今既角度, PC真好多地方都好唔貼心..
要讀上去會更多呢D問題.....

好在..有一班好家長. 大家互相幫忙. 互相提點.


死啦..我係咁叫人唔好讀

NICOLE123

puichingforsure 發表於 15-12-8 16:50
想問下如果細佬妹唔收，撇除冇人退學的因素，之後申請插班成功的機會大嗎？ ...

K 好似未聽過有插班生喎.

大埔之友

原帖由 NICOLE123 於 15-12-08 發表
本帖最後由 NICOLE123 於 15-12-8 16:41 編輯

真係醜, 我個女天生勞碌命😂最鍾意行樓梯😌, 平路就死都唔行😡

大埔之友

原帖由 puichingforsure 於 15-12-08 發表
我記得最近先有家長comment話PC唔夠貼心, 面試要人行幾層樓梯，我睇到眼都凸埋！ ...

唔同人用唔同方式,我依d 窮人就用窮方法養女. 我最歡喜去淘書, 淘玩具😌 但都知好多人鍾意去歐洲, 英國, 美國網買書, 玩具同衫.

NICOLE123

大埔之友 發表於 15-12-8 17:52
唔同人用唔同方式,我依d 窮人就用窮方法養女. 我最歡喜去淘書, 淘玩具😌 但都知好多人鍾意去歐洲,  ...

咁比到培小既學費又唔可以算窮既...

kiosk99

原帖由 NICOLE123 於 15-12-08 發表
咁比到培小既學費又唔可以算窮既...

好多謝pc 用家嘅分享，我好like佢要佢哋獨立，要自己拎手冊！有陣時家長真係會不知不覺間過份保護咗小朋友而影響咗佢哋嘅發展！

Julybabe

原帖由 puichingforsure 於 15-12-08 發表
想問下如果細佬妹唔收，撇除冇人退學的因素，之後申請插班成功的機會大嗎？ ...

Hi pcforsure, 我以前讀培幼至培小……有插班生，不過在小學……數目很小

cclemon2009

我都IN 過2次PC，三年前和今年，三年前，我到waiting room 未坐抵，啊仔已經被叫名出去，佢排第一拖住老師出去，當年係一條隊，6個小朋友一個跟一個一齊過面試房面試，今年有d吾同，一個老師拖兩個小朋友入面試房，但是我都唔覺有搶仔既感覺, 我聽到老師有同我小朋友講:[要吾要貼紙？跟老師入房玩然後攞貼紙，好吾好？]，其實今年安排比我大仔那年更好更細心，吾明點解有人用搶仔字眼去形容老師拖住小朋友入房，又話老師粗魯對侍小朋友，整喊小朋友……又鬧學校，其實太保護小朋友的家長，真係吾適合讀培正大校，讀大校的小朋友首要條件是要夠獨立和自理，因為培正30人一班，老師冇可能每日三小時全天候呵護一個小朋友，到時入左培正，吾同日日鬧老師？