培正、德望K1面試安排有感

enkevin

兩校面試安排均有效率。但作為面試者的體驗，覺得德望人性化多很多。

PC要家長及子女走三層樓梯，小朋友剛剛坐下定神不久，在枱上觸摸兩件玩具不夠兩秒，被通知要到另一房間見老師，瞬間一老師拖兩個小朋友到另一間房進行面試，哭者眾。

GH也考小朋友獨立上課聽講的能力，排隊上等候區流暢，在大禮堂等待，不消數分鐘便被召喚到課室，家長坐在三、四米後，小朋友心情較定，老師也請個別家長坐近一點想哭不安的小朋友，陪伴左右。

面試的小朋友只有兩歲多，設計面試流程是否應多考慮小朋友的需要，減少他們的不安感。面試安排是展現學校、幼兒教育工作者智慧的好機會。我個人覺得GH優秀得多。

taiyeung

有同感，德望in得好開心，好似上playgroup咁，小朋友好有反應。in培正我小朋友雖然無喊，但表現呆呆，淨係識話唔好玩。

candyandjody

認同，一間幼稚園就算多唔多人報，最後收唔收，都要留個好印象比大家。

德望由交表到面試，都見到上下員工充滿笑容，值得一贊既幼稚園！

happybidding

candyandjody 發表於 15-12-6 18:42
認同，一間幼稚園就算多唔多人報，最後收唔收，都要留個好印象比大家。

德望由交表到面試，都見到上下員工 ...

我兩間都有去，十分認同大家講既野。

bbliang

昨天我們早到培正面試。在門口見到上場十二時遲了幾分鐘到學校的人,那天培正門口大塞車,但門口那位女職員竟黑面對他們說面試已開始唔比佢地上去面試。我帶小朋友見過很多間幼稚園都沒有一間會這樣的。只見那些家長帶著小朋友苦著臉離開。PC真的很strict

LePetitBal

原帖由 candyandjody 於 15-12-06 發表
認同，一間幼稚園就算多唔多人報，最後收唔收，都要留個好印象比大家。

德望由交表到面試，都見到上下員工 ...

同意！所有我們當天遇見的教職員都非常有善，笑容真誠親切

taiyeung

原帖由 bbliang 於 15-12-06 發表
昨天我們早到培正面試。在門口見到上場十二時遲了幾分鐘到學校的人,那天培正門口大塞車,但門口那位女職員竟 ...

咁我算好彩，上星期in遲左三分鐘都俾入（因為趕兩場又塞車），我都知培正向來嚴格，的士塞車我早左落，着住高踭鞋抱住阿女狂奔成條斜路，諗起都驚險

south_north

原帖由 enkevin 於 15-12-06 發表
兩校面試安排均有效率。但作為面試者的體驗，覺得德望人性化多很多。

PC要家長及子女走三層樓梯，小朋友剛 ...

兩間辦學不同，培正幼，辦學多年，係一間非常傳統學校，而德望幼，辦學不是多年，佢地會尋求新事物，不同人有不同喜好

utshoward

同意，德望很人性化，很理想的幼稚園。

enkevin

忘了說，GH還在停車場設臨時帳篷，為等待中的另一位家長擋風擋雨。

LLKK

我都滿意GH安排，但我交表和今日，都無見到教職員笑容滿面哦！和一些happy school的老師有很大對比！在等時我同個女去睇壁報板啲畫，反而有老師嚟叫我坐返埋位，仲睇實我坐返去，令我感受到教會學校的嚴格。

fruitfulsnoopy

培正當時我都打過突。係由一間房轉角去另一間，行行下，未到課室，突然一堆人出現（我用一堆人，係因為當時好亂，幾個老師，行行下前面小朋友家長停晒，總之堆晒係轉角位）。之後一個老師突然走出，拖走二個，我自己都突一突，小朋友感覺有人搶走佢，所以大喊。如果老師當時俾我同小朋友講二句，你跟老師入去，媽咪係到等你，小朋友會安心d。
總之好似突然有班人衝出黎捉小朋友咁。
當然有人講大人應該一早俾心理準備佢。其實我已經俾晒心理準備佢，但突然bye bye都冇得講，我仔唔得囉
不過我不是不滿，接受這種interview方法就要面對。只是想講下個feeling囉

guguned13

原帖由 fruitfulsnoopy 於 15-12-06 發表
培正當時我都打過突。係由一間房轉角去另一間，行行下，未到課室，突然一堆人出現（我用一堆人，係因為當時 ...

我個仔就係呢下爆喊

fruitfulsnoopy

原帖由 guguned13 於 15-12-06 發表
我個仔就係呢下爆喊

我仔都係，爆喊，但出黎冇喊，還說答了老師問題

taiyeung

原帖由 fruitfulsnoopy 於 15-12-06 發表
培正當時我都打過突。係由一間房轉角去另一間，行行下，未到課室，突然一堆人出現（我用一堆人，係因為當時 ...

你形容得好好，諗返覺得好搞笑，我都覺得突然間有老師閃出黎拖走左我女，真係byebye都講唔切。就算spk單獨入房in, 都係課室門口先分手，可以講句byebye媽媽係門口等你，小朋友便安心跟老師入去。

anpanman_baby

原帖由 fruitfulsnoopy 於 15-12-06 發表
培正當時我都打過突。係由一間房轉角去另一間，行行下，未到課室，突然一堆人出現（我用一堆人，係因為當時 ...

其實如果你interview 前爬下舊post就會知道培正年年interview 都係咁嘅模式，老師以高速拖小朋友入房.我理解每位媽媽可以對面試安排不滿。不過如果你係interview 前花d時間睇下舊post, 知道佢地面試流程係咁,可以選擇唔去，無謂勞氣呀麻

mebb622

呢間pc一條龍唔優冇人讀罷出高資態架，遟到小小塞車又唔俾入，交表又指定時間，又排又寄又遅出offer,如果多幾間一條龍就彩佢有味啦！重要中文教學，難為香港的媽媽

enkevin

話家長無睇education kingdom posts而唔知流程，去到面試受苦、勞氣是自己攞黎。言下之意，學校無責任，是家長自作自受。此等人非常適合在香港生活，該問題有否理據，不談，錯全在提出問題的人。TSA沒有問題，問題是家長過份緊張、過份吹谷。思路如出一轍。