培正、德望K1面試安排有感

CandyGianna

面試個日,我囡太緊張, 係德望賴左尿, 成條襪褲濕晒,
老師好好 , 叫嬸嬸攞條底褲比我囡著, 仲搵埋膠袋比我裝住啲濕褲,
而嬸嬸都好好, 安慰我囡叫佢賴左尿唔緊要架~
我囡個日好慘 , 一路喊住問我, 點解我會賴尿
(雖然未必有機會入讀GH, 但我有一條印有GHS既底褲仔作為紀念品)
而培正個流程係操場等太耐, 我囡上到去玩左陣玩具又立即要去第二個課室, 結果喊爆, 但老師都好好人, 安慰左佢就抱左佢入課室~

Korira

原帖由 CandyGianna 於 15-12-07 發表
面試個日,我囡太緊張, 係德望賴左尿, 成條襪褲濕晒,
老師好好 , 叫嬸嬸攞條底褲比我囡著, 仲搵埋膠袋比我 ...

小朋友嘅嘢係控制唔到我覺得德望環境和氣氛都很舒服和輕鬆，偏偏我女表現最緊張反而係呢間⋯所以只可意講，爸媽帶咗佢去呢個門口，入到去就睇佢自己做化。有緣的話就感恩，無緣也不打算強求了。

AJ1609

原帖由 CandyGianna 於 15-12-07 發表
面試個日,我囡太緊張, 係德望賴左尿, 成條襪褲濕晒,
老師好好 , 叫嬸嬸攞條底褲比我囡著, 仲搵埋膠袋比我 ...

因咩事小朋友咁大壓力，而家無事Ma?

SKB

我前日都跑呢2間2場，培正好好好塞車，跑上樓咁，我女玩左2至3分鐘排隊去in了，一出課室老師就拖佢轉右，家長轉左等候，雖然是第一個單拖interview ，由於近期已in慣了，以及她鍾意玩，對各幼稚園都感新奇興趣，亦唔抗拒老師，所以係無咩大問題。

德望其實我在下面排左5分鍾，上到去都坐左15分鐘，其實淨坐15分鐘一D都唔容易，如果有玩具玩下對小朋友來講時間好快過，好relax。

OSMrLai

其實如果熟悉幼兒教育，老師都prefers家長和幼兒分離時只用最短時間分開，以免幼兒在陌生環境想念父母下而哭，當日家長應該與幼兒事先溝通好會跟父母短暫分離，好樣他們有心理準備。試想如果沒有預備室，幼兒也是一早被老師拖走了。老師神速的拖走也可能是縮短幼兒和父母的分離時間。須知，其實絕大部分幼兒都沒因此而哭，這其實也是很小事，又不會影響日後心理成長，反而過份保護幼兒不是一件好事。

CandyGianna

AJ1609 發表於 15-12-7 09:51
因咩事小朋友咁大壓力，而家無事Ma?

到第二招起身, 我囡話佢好鐘意間學校, 不過賴左尿囉~佢仍然好介意自己賴尿~~
不過佢表現已經好好, 濕住對鞋都肯繼續!

RRRRGGGG

我小朋友反而在培正房玩得好開心，好肯跟老師入另一間房，但在德望無野玩，又要一入房就好投入跳舞佢就做唔到，因為佢係慢熱小朋友，所以要睇番小朋友性格，我覺得無話邊種形式比較人性化。

siden

原帖由 CandyGianna 於 15-12-07 發表
到第二招起身, 我囡話佢好鐘意間學校, 不過賴左尿囉~佢仍然好介意自己賴尿~~
不過佢表現已經好好, 濕住對 ...

佢好叻豬架la

enkevin

原帖由 JUNE408 於 15-12-07 發表
簡單一問，如果PC收你小朋友讀唔讀？

親人、朋友、同事子女都在PC就讀，學習得愉快、有紀律，學習氣氛很好，有次午飯時間探訪在小學部學習的子姪，他的同學主動打招呼，很有禮貌。無怪PC是不少父母首選。而我，跟大家沒有兩樣，看看介時有什麼選擇而才決定。我絕對不會因為面試流程未臻完美，而否定一所學校。所以，PC家長們，不要氣結。如果你覺得「既想入讀，就不應批評學校」，即是「既這裡生活／工作，就不應批評公司／政府」，「你應該轉工／移民」。有這種邏輯，那麼我們注定是交流不了的。

andyan324

原帖由 OSMrLai 於 15-12-07 發表
其實如果熟悉幼兒教育，老師都prefers家長和幼兒分離時只用最短時間分開，以免幼兒在陌生環境想念父母下而 ...

agree，一早講左好多次自己入去同老師玩一陣，不過細b可能會難d

darkson

EK只是一個非官方網站，裡面雖然有多好有用資料，但亦都有唔準確既野，信晒真係死得。
絕對唔同意家長有責任面試前參考EK，因為從來冇人知真定假，只可信學校官方來源。
面試後有意見好正常，”搶走小朋友”應該大家都覺得唔適合，講下感受好正常。
就算你考前聽閒過呢個安排，都未必知道個感覺真係咁差，未必減低到谷氣程度。

bbliang

同意。另,入唔入培正同覺得面試形式有改善地方係兩件事。難道亞爸有唔啱,做仔女就唔可以表達?

Springgy

因细b尚未足月，爆忙所以由c6 代筆出po.

大女是大b, 今年讀緊全日n, 可以直升k, 包早午茶三餐，happy school 老師好有愛心，阿女適應期勁快，唔使三日就可以自已全日返學兼日日嚷要返學 (唔知係唔係屋企太悶)。所以今年都係主要in 龍: 培道，培正，和德望。全由爸爸帶去in. pc & gh 仲要同日相隔唔夠兩個鐘。

因為抱住 "幾大就幾大，燒賣就燒賣" 心態，我地冇刻意爬文，但同齡whatsapp group 的家長有討論，所以略知pc 要小朋友自己in. 我家女兒有讀n, 所以分離難度不大。但冇上過學的小朋友其實in pc 會勁害怕。唔記得pc 有冇officially 通知家長咁嘅安排，冇的話就真係終極考驗家長同小朋友了 (冇程度over 左 tim, 5-10 mins 內要同爸媽分離)。個個都識上ek 爬post 咩, 家長唔識上網咁點?

言而即使pt, gh (我估全港幼稚園都係) in 的模式都是模仿上學講故事互動或單對單同老師玩遊戲，除非你小朋友係天生世界仔，冇返過學點會識呢啲野。排排坐聽故事仲要有規矩地回應老師提問? 玩野咩。兩三歲人仔咋，唔係日日機械式操識q咩。我都想身教冇啦啦見到靚miss /靚仔阿sir 就走上去say hi 跟住吹水，但現實生活唔係咁lor, 小朋友又何來識一見到miss 就要講早晨?? 一見排凳就識埋位? 唔係一早就返學融入左呢啲模式，唔喊就有鬼了。

另有幾點c6 in 三龍的所見回應一下各jm. in pt 時大塞車兼阿女訓到隻豬咁，爸爸公主抱入門口時已遲左三分鐘 (其他人已排緊隊去攞label), 係門口校長迎賓見到咁嘅情況，話俾阿女訓多陣，等下輪先in。c6 陰謀論心諗你掂都要西人，呢啲情況prefect 啦，係form mark 底，照in 照西。pt 會唔會咁做，冇人知，但同pc做法就見到些小分野。pc用家唔好會錯意，遲到唔俾入是公平原則，絕對冇錯。間間學校 (甚至人) 做法不同，人夾人 /學校最緊要。俾你小朋友入到但唔認同學校做法味仲辛苦。龍校呀，要讀成15年! 咁你當然可以中途退學嘅...

in pc 同 gh 仲多野講，打住咁多先。食飯再打。

(哈，proof read 寫左乜先發現些小 off topic，sorry )

SKB

原帖由 RRRRGGGG 於 15-12-07 發表
我小朋友反而在培正房玩得好開心，好肯跟老師入另一間房，但在德望無野玩，又要一入房就好投入跳舞佢就做唔 ...

GH一入課室唱太陽伯伯，雖然我女好熟好熟首歌，但佢背住我我都唔知佢有無唱。我又見佢好無做咩動作，好似呆左咁望住老師。

佢細女舊年In 時成日走出位搵我，今年已經可以自己坐定定了，同組只有一個唔可以坐定定，大部份都好叻。

catshiuwa

連un un 都印有GH, 咁正?

不過, GH好似都幾嚴, 我女坐唔定, 問左好多次到佢未? 又不耐煩,   我地見到坐前面的家長起身去睇牆身的圖書, 我個女其實都想去睇, 我已經起身準備抱起女女, 果位坐”主席位”的老師已經好嚴地叫之前的家長返回位, 老師又轉身望向我地, 嚴肅地叫我地坐低..

入到去, 我地d家長填問卷, 其中一個老師好似監考員一樣, 行來行去, 哈哈, 以為我地出貓咁…..

ming1i823

原帖由 catshiuwa 於 15-12-07 發表
連un un 都印有GH, 咁正?

不過, GH好似都幾嚴, 我女坐唔定, 問左好多次到佢未? 又不耐煩,   我地見到坐前 ...

我考果組，有個爸爸係個位大聲提水⋯what's color ⋯我覺得勁騷擾！到要交問卷時，佢先開始填⋯死都唔比返老師，話就得⋯

bonbon1220

我兩間都冇申請 , 但極同意 --->  如果你覺得「既想入讀，就不應批評學校」，即是「既這裡生活／工作，就不應批評公司／政府」，「你應該轉工／移民」。有這種邏輯，那麼我們注定是交流不了的。