徬徨中

suslau2004

唉，阿仔現在N班，學校打來，話阿仔好多時上堂都吾合作，自己坐係度，吾聽指令，或者攪其他東西，今日仲嚴重D，成堂英文冇聽，吾合作，仲影響埋其他同學一齊攪亂檔……到中文堂，老師brief 完佢，佢就喊，但冇眼淚。
老師話遲D教嘅野會越來越深，怕佢学習吾到……

阿仔一向都好硬頸，脾氣不好，現在呢間学校是冇學卷的，一心諗住比佢直上，所以都冇揾其他k1幼稚園，上個月先同老師傾過，話直上k1應該冇問題……而家咁樣……好怕佢會冇得直升原校……

其他N班小朋友(男仔)上堂係咪咁架……

鬆一鬆

都有少許架 可以透露邊間嗎?

creamb

平時佢喺屋企係點樣？

creamb

大人又會點樣處理？

MamaQueen

我看後感覺你囝囝間學校不太關顧學生。N班始終只有兩歲多，要學的是自理、常規、羣體生活，甚麼「遲些教得深，怕小朋友學不到」聽來很奇怪。我大囝那時N班也是坐不定，老師也打來傾過，但會商量解決方法而不是投訴。而小囡現正讀N班，老師往往都是鼓勵性說話，她也反映過囡囡有時不專心，但囡囡做得好時會勁讚，所以慢慢有改善。
坐不定其實是很多小朋友，特別男仔，都有的行為，你不要駡他，這反而令他更反感，甚或特登做出不合作的行為。

namyatyat

我仔都讀緊N，今日同老師傾小朋友學校情況，而家兩個月都坐唔定，日日係班房出位四圍行，不過老師話小朋友進步緊，話未有問題住。你仔的老師可能要求高少少，慢慢嚟

mrschany

讀緊邊間

MSWONG1001

你喺屋企有冇同佢唱下學校d歌或者溫下學校教d野？試下可否提起佢興趣？我記得你曾經話你個b好難凑，我個都難搞架，不過佢好怕老師会坐定上課，但始終咁细專注力未發展得好好，所以不妨試下在家同佢重温下學習内容，再搞唔掂就坦誠問下老師的意見啦

MSWONG1001

同埋N班教嘅野有幾深？

suslau2004

边間學校就冇需要知喇，老師都係想提点我應該要注意下，只不過我係想知，其他小朋友係咪都是這樣，因為我係個新手媽媽

anpanman_baby

原帖由 suslau2004 於 15-11-19 發表
边間學校就冇需要知喇，老師都係想提点我應該要注意下，只不過我係想知，其他小朋友係咪都是這樣，因為我係 ...

我都有個仔，上年番N班初期老師都有講我仔唔專心，有時會係班房無端端自己嗌，但又冇四圍行。老師當時話想了解佢平日係屋企有冇無端端嗌，我感覺老師係包容佢嘅，始終N班仲細，而且我一早target happy school的n班，就希望老師包容性高D,等仔仔可以先喜歡上學，所以n班我地完全冇功課做。聽你形容老師話之後學野會越來越深，你間學校要求可能比較高。不過我角度，宜家先開學兩個幾月，最重要係之後小朋友有進步，如果一開始就好乖好有規矩就晤駛番n班啦，n班正正就係學呢D.所以俾D時間佢，同佢解釋下，講下道理啦

nic_bb

原帖由 suslau2004 於 15-11-19 發表
边間學校就冇需要知喇，老師都係想提点我應該要注意下，只不過我係想知，其他小朋友係咪都是這樣，因為我係 ...

想問妳小朋友平時語言表達能力及專注力ok嗎？

edconcheung

回覆 suslau2004 的帖子

我囡pn開學初都係甘，圍埋一齊聽故事就走開，唔太習慣坐定定。平日我同佢睇書就冇呢個問題。但班主任好好，冇話好大問題，佢同我講班上有助教，會抱起佢，坐大髀，比佢習慣下聽故事時要坐定定。我返到屋企，叫呀囡扮老師，用公仔扮同學仔圍住佢，一邊講故事，我將啲公仔扮走黎走去，叫呀囡捉番佢地坐定定聽故事。
唔晒半個月，我囡真係知道老師一圍圈座講故事時，佢座定定。

pn小朋友係學規矩，可能要向老師請教或提議下點令小朋友明白規矩。家長都有責任教下小朋友守規，用故事遊戲形式，令小朋友明白抽象既道理。

koey329

原帖由 suslau2004 於 15-11-19 發表
唉，阿仔現在N班，學校打來，話阿仔好多時上堂都吾合作，自己坐係度，吾聽指令，或者攪其他東西，今日仲嚴 ...

我個囡都係咁，上星期老師仲叫我同阿囡去做評估，改善下倒亂行為，仲話咁落去升唔到K1

keep-calm

如果係txxxk PN,建議你盡快試下報其他K1，當backup 都好。知道之前有人不能直升，最後要傍惶週圍撲學校

小方b

呢度都有jm一開口就話學校吾關顧有特別嘅學生！做老師都幾慘，老師同家長交代小朋友情況，而家D家長啱嘅👂，吾啱就唔想👂⋯⋯

小方b

人地老師關顧小朋友先同家長講叫自己留意下，無論點都好啦，老師只想小朋友好，你估老師講呢D吾使負責任架！

小方b

原帖由 suslau2004 於 15-11-19 發表
边間學校就冇需要知喇，老師都係想提点我應該要注意下，只不過我係想知，其他小朋友係咪都是這樣，因為我係 ...

你好好呀媽媽，諒解老師

dolphinstrad

It is also important for parents' guidance and training at home.  Remind ourselves how we behave at home and as seen by the kids.  They absorb and copy.

dolphinstrad

He wants all the attention?  Does he has any younger brother/sister?

Observed from other families that once the kid has a younger brother/sister, he/she will start behaving well (may go even worst before turning good, i.e. a J curve effect).  He/she won't be asking for as much attention as before.