PN成日病，點算？

Happymama330

mapp2009 發表於 15-11-9 10:57
明白各位mama有幾心痛幾疲倦, 既然今個月是interview高峰期, 咪一有少少傷風即不返, 好番都抖多兩日才返

...

完全讚同！佢地在校園學到嘅嘢未必在家能夠比到佢，其實佢地係鍾意返學的，最多係病咗唔返同休息夠先再返學。

大小肥豬

livewithhope 發表於 15-11-9 21:45
我囡肯帶口罩，但日曰帶會否過激？

頭1,2日老師有問係咪唔舒服~!我同老師講：只係自我保護同怕小朋友互傳~!老師反而讚成~! 其實唔會過敏~!
我仔仔K1-K3帶足3年口罩~!帶帶下會習慣~!

你寧願帶口罩辛苦定唔舒服辛苦~!

livewithhope

原帖由 大小肥豬 於 15-11-10 發表
本帖最後由 大小肥豬 於 15-11-10 10:11 編輯

我怕一唔帶就好易病咋，太乾淨

gigiwu1982

我囡都係返PN開始成日流鼻水同咳，有時發燒，食藥食到驚，仲要返下午班，訓得小，都唔知點算

creamb

如果有少少病起的徵狀就馬上留在屋企休息，唔好勉強返學，咁會快啲好。而如果長期多病，咁就要同學校講番，會唔會有很多唔舒服的同學勉強返學，令到交叉感染，學校可能需要加強一些措施！如果大家一起自律，應該減少好多唔舒服的機會。

bbbb2013

其實我都想一有其他k1 offer, 就決定唔讀pn. 但so far只去過一間幼稚園面試，而且間幼稚園係多人去果d，黎緊為咗小朋友唔去咁多人嘅地方，都只係㨂兩三間去in. 我諗我要同pn嘅班主任商量下，睇下點樣安排。希望原校收番佢k1啦。

achieverone

大家可以適下给vitamins. 叫兒科醫生開藥, 會有幫助的.

livewithhope

原帖由 achieverone 於 15-11-11 發表
大家可以適下给vitamins. 叫兒科醫生開藥, 會有幫助的.

真的會病少d?

Heyheyjoyjoy

我比阿仔飲蜜糖水，聽人講manuka蜜糖能改善免疫力

hippogod

kittymilo 發表於 15-11-9 02:18
我個人認為有幾點大家都要留意下：

1. 班嘅人數多少

仲有一點觀察下同學家長衞生意識
多唔多響小朋友有病但無燒時仍然夾硬送返學

hippogod

我對仔女無讀N

好大程度係因為易病
咁細個免疫系統未健全
一病就會容易有嚴重病徵
加上好多課室開冷氣全密閉
咁細個衞生意識係近乎零
好易細菌病毒大雜燴
問親同學同事都話讀N一個月病1~3次係家常便飯

choibobo

我女之前果年讀n讀到今年3月退學，因成日病，開始時番下午，勁唔夠訓超慘。之後下學期轉番早上但又唔中意新果個老師，所以早quit左。當然當時巳經係有晒k1 offer

kittymilo

原帖由 hippogod 於 15-11-11 發表
仲有一點觀察下同學家長衞生意識
多唔多響小朋友有病但無燒時仍然夾硬送返學
...

我見住個小朋友流緊黃鼻涕，個爸爸都唔理，我話你個小朋友流緊鼻涕喎，先同佢抹，仲話係今早起身先有......，試問如果個個都係咁又無載口罩，大家都中晒。

vpo0615

我個小朋友都咳咗成個月呀! 睇醫生D$$ 仲貴過學費.....

lauywa

上年N班時個個月阿仔都病，依家K1只有天氣轉時有少少鼻水及間中打乞池，今年放暑假時讓阿仔用可接受到的凍/少少暖的水沖涼(用花灑)，唔知關唔關事呢？定上年N 班已"吸"晒d病毒，抵抗力提高了?

貝珠

我女主要係冷親流鼻水，或咳，27個月大，未試過發燒。一歲開始每日一粒益身菌，我唔知關唔關事。有說腸道健康好，整體的健康便好。

貝珠

要加多句touch wood 先

biloveu

原帖由 貝珠 於 15-11-12 發表
我女主要係冷親流鼻水，或咳，27個月大，未試過發燒。一歲開始每日一粒益身菌，我唔知關唔關事。有說腸道健 ...

請問係乜野益生菌，係邊到買呀？

happy_anson

我仔仔9月開始番N班, 9月只番得14日學, 10月更只番得10日學, 個個星期都要睇醫生, 成日咳同流鼻水...但係有人話頭2個月會成日病, 之後會慢慢好, touchwood, 佢今個月只係請左一日病假...不過我亦有開始比佢食司各脫同善古寧, 唔知有無關係呢? 我巳收到k1 OFFER, 但係我都稔住比佢繼續讀N班, 因為見到佢既轉變真係好令人安慰.... 各位家長, 可以留意下小朋友成日病除左係因為番學外, 會唔會係屋企環境, 例如多塵等令小朋友易咳.... 點都好, 小朋友病最心痛既都係父母, 但願每個B都身體健康!

DIKE

我果個又係番咗n之後就不停病，流鼻水，咳，好煩~~ 食藥食到我都怕！ 個咳仲好似好難好，唔知可以點