請問-大埔區-莫壽增.恩主教.王肇枝的大學率.校風.排名 ?

little_yolky

木木宅 發表於 15-11-16 17:14
想請問你，有邊啲小學是莫記比較喜歡收？謝謝！

莫記最鐘意揀四大才子：8舊、寶舊、田小、阮鄭。

mrs.so

回覆 little_yolky 的帖子

為何會覺得莫記專收四大才子?


2014-2015

八舊:聖公會莫壽增會督中學  9
阮廣:聖公會莫壽增會督中學 15
寶舊:聖公會莫壽增會督中學 10
田小:聖公會莫壽增會督中學 12

除了田小開4班, 兩間舊墟開大班, 寶舊/阮廣開五班人數達125-160之多, 無突出邊間專收邊間小學

我覺得選校好視乎家長, 好似我當年好多家長都問我點解唔揀柏雨/莫記, 我話我自己個仔成績到都好,都要睇性格, 傳統英中都有STYLE, 勉強去一間唔係自己口味既中學, 弄巧成拙仲煩...

subb

其實恩, 莫, 王都是近大埔站架喎 !

little_yolky

mrs.so 發表於 15-11-18 16:46
回覆 little_yolky 的帖子

為何會覺得莫記專收四大才子?

大埔咁多小學, 加埋唔夠學額既北區小朋友, 有差唔多四分之一收呢四間小學既小朋友喎, 仲唔叫高?。而且, 8舊仲要最叻果D出咗市區, 阮鄭整體升中仲唔夠其餘三間強添。

superying

莫記考DSE係好好成績的。
不過我中意王記。成績好而校風較純樸。

50992

mrs.so 發表於 15-11-18 16:46
回覆 little_yolky 的帖子

為何會覺得莫記專收四大才子?

請教 mrs.so, little_yolky 兩位高人及各位前輩,知否-莫壽增.恩主教.王肇枝三間中學上年大約收咗幾多北區學生？
及今年統一派位會收幾多北區學生 ?
謝謝 !

mrs.so

上年大埔無借位比北區學生，所以北區學生靠自行落大埔一試機會

其實只要睇下北區最熱門幾間既小學大概有數得計幾多落了大埔

mrs.so

對

三間交通方便吸引北區家長

mrs.so

梁省德，大埔官小入柏雨既人數都唔少雙位數字入，反而入莫及王個位甚至0，只係數字上偏埋一邊

黃建常/循小都入唔少去莫及王

尤其黃建常家長係王肇枝捧場客每年雙位數字入，聖心就恩主教捧場客又係雙位數字

舊墟通常會叫band one頭學生外區選校試名直資，就如北區小學也會叫學生衝入大埔沙田，情況一樣

zngo

原帖由 mrs.so 於 15-11-18 發表
回覆 little_yolky 的帖子

為何會覺得莫記專收四大才子?

請問莫記同柏雨是否都一樣谷同很多功課的，定是會王x枝想追上來所以會最谷最多功課呢？

mrs.so

回覆 zngo 的帖子

大埔五間傳統英中, 如果講谷成績恩主教前兩年DSE好突出, 莫記一直有公佈DSE, 而其他三間係視學報告可以睇到
我唔覺得王肇枝谷成績, 反而多活動好平均, 今年中一家長反映好多功課, 但功課多與少視乎學生能力, 我朋友們五間英中都有就讀, 各有講法, 柏雨讀既話唔辛苦, 莫記讀既要好自覺自由學習氣氛, 各有各好

普遍BAND ONE學生以柏雨, 莫記, 王記三間為主, 電腦派位柏雨, 莫記兩間揀一必放乙一才有機會入, 王記放第二仍有機, 沐恩/恩主教第三上年依然有人派入

zngo

原帖由 mrs.so 於 15-11-19 發表
回覆 zngo 的帖子

大埔五間傳統英中, 如果講谷成績恩主教前兩年DSE好突出, 莫記一直有公佈DSE, 而其他三間 ...

MrsSo，你仲記得我嗎？我都唔知幫阿仔揀莫定王好，都幾頭痛！

little_yolky

mrs.so 發表於 15-11-19 09:45
回覆 zngo 的帖子

大埔五間傳統英中, 如果講谷成績恩主教前兩年DSE好突出, 莫記一直有公佈DSE, 而其他三間 ...

各間學校各有特色, 真係要睇吓配唔配合小朋友性格。

我親戚對仔女, 兩個都入莫記, 家姐自律型, 讀得如魚得水, 至於細佬..........唉, 踢一踢郁一郁, 中一學期初已經俾老師投訴了。其實應該考柏雨俾老師釘實佢的, 但阿爸阿媽話兩個同校易D夾時間去旅行喎, 真係無語。

mrs.so

記得呀

我細既都今年選中，一齊努力！

你睇埋第二次呈分試，今年夠學位有多，可以一試進取

50992

mrs.so 發表於 15-11-18 20:39
上年大埔無借位比北區學生，所以北區學生靠自行落大埔一試機會

其實只要睇下北區最熱門幾間既小學大概有數 ...

感謝 mrs.so, little_yolky 兩位高人的提點，本人小心審慎選擇大埔區中學。
謝謝 !

木木宅

請問賽小升中派位如何？因網上沒有數字可參考。

木木宅

仲想問吓，大家對體藝有何見解？上大學比率高嘛？

little_yolky

木木宅 發表於 15-11-20 01:02
仲想問吓，大家對體藝有何見解？上大學比率高嘛？

體藝係B1中學, 近年學童少咗, 但校長唔減收生, 所以無可避免哋會收到多少少B2生, interview係英文面試。不過, 唔好理升唔升大學比率, 如果小朋友有呢方面既天份, 真係會俾佢試下。

mrs.so

回覆 木木宅 的帖子

體藝分兩項面試分兩日, 一次係見老師/校長, 一次係自選測試項目, 過去三年我都有唔少體育界朋友仔女入讀, 成績非BAND ONE, 兩年前入既面試校長全用英語, 上年入既一對兄弟分別見副校及老師中英問題, 今年中一入既見老師用廣東話傾計, 英文對答兩題
我們每星期見面時, 佢地都話開心, 好多活動每日都有練習又要應付成績,  不過都幾辛苦, 每日六七點先返到屋企, 體藝收好多運動成績優越學生, 體藝2014年簽訂了精英運動員友好學校網絡, 所以對於運動員算係幾好既支援.

木木宅

原帖由 mrs.so 於 15-11-20 發表
回覆 木木宅 的帖子

體藝分兩項面試分兩日, 一次係見老師/校長, 一次係自選測試項目, 過去三年我都有唔少 ...

Mrs so，照你所講，體藝全級收150人，正常平均分一半，即75人係讀藝，但如果體收多咗，藝收生咪仲少？係咪咁計？