老師關愛度如何？有無A仔媽咪分享？

henry1997

感謝

Ronnym

henry1997 發表於 15-11-2 23:38
感謝

我覺得學校應該係所有老師都同學校有相同信仰.
關愛度都幾好~

我仔仔果班, 有讀寫障礙既同學, 基本上, 默書方面都有額外支援.
會有默書重點比到有需要既小朋友
考試我就唔係好清楚....

學校每朝早都有 "補底班" 幫有需要既小朋友~
響品德禮貌方面, 老師社工會針小朋友既問題, 提供相關係遊戲形式既課後班去幫佢地~ (我仔仔年年都被選中), 平日課堂, 我個人感覺老師都有出心出力幫有需要既小朋友~

henry1997

多謝你回覆。我仔英文差，唔知會唔會唔適合佢？

洋蔥頭媽咪

原帖由 henry1997 於 15-11-02 發表
感謝

學校老師算OK，但恕直言，呢間始於係一線小學，學術水平較高，英文亦教快半年，如果英文差再加A仔，要有心理準備會有一定嘅問題與困難，會追得幾辛苦。

henry1997

原帖由 洋蔥頭媽咪 於 15-11-05 發表
學校老師算OK，但恕直言，呢間始於係一線小學，學術水平較高，英文亦教快半年，如果英文差再加A仔，要有心 ...

如果佢幼稚園係Net教，但佢聽得明但唔願講，算差嗎？

henry1997

請問功課量如何？

洋蔥頭媽咪

原帖由 henry1997 於 15-11-05 發表
請問功課量如何？

初小算輕鬆，極少抄寫，高小一般，唔算太多，假期會多啲，高小精英班亦會多些少。

洋蔥頭媽咪

原帖由 henry1997 於 15-11-05 發表
如果佢幼稚園係Net教，但佢聽得明但唔願講，算差嗎？

只可以講英文有要求，因為數學同科學亦用英文教，如英文差會一同影響數學/科學成績。

cyriliris

好好的分享，多謝，好想呀仔入到。

henry1997

琴日問過，佢有聖公會派社工駐校

Ronnym

henry1997 發表於 15-11-5 08:35
多謝你回覆。我仔英文差，唔知會唔會唔適合佢？

如果英文差...咁真係要好小心考慮

佢地係英文教快半年~
一開學, 就已經係用1B 書冊...

佢地要求家長, 開學前已經要做好晒1A書冊 既英作返去~
一開學就EXPECT 你小朋友係識晒1A書冊 既野~


同埋, 佢地係用英文教數學. 數學我個人都覺得係比較深....

你要好好考慮一下~ 如果唔係... 我怕小朋友會好吃力~

Ronnym

henry1997 發表於 15-11-5 10:55
如果佢幼稚園係Net教，但佢聽得明但唔願講，算差嗎？

我覺得始終香港學校...都幾重視.... 讀, 寫
串字能力, 你小朋友又如何?


唔記得左講.... 培基係有科學科.. 都係用英文教~ 係主科...
今年佢地科學科仲要轉左用校本版, 同出面課程都有幾大差距...D 字...深左好多好多...

我仔P3, 已經要學英文版既... 登格熱, 日本腦炎, 樹木辦.... 仲有大量政府部門既名...

考試唔要一定會要識串, 但要理解, 其實都真係要花D 時間.......

Ronnym

henry1997 發表於 15-11-5 11:01
請問功課量如何？

唔算多~5-8樣 (連改正~)
每日有導修堂, 可以響學校做一部份~ (除左DAY F)
通常小朋友肯坐定定專心做, 30MINS - 45MINS 內可以做好~



默書, 通常一個月中/英... 各2次~
全年2測2考~ 只有2次大考先落成績表~


我覺得係算輕鬆~

Ronnym

henry1997 發表於 15-11-14 09:56
琴日問過，佢有聖公會派社工駐校

其實我見佢地社工方面, 其實都做得幾足~
9不9就會有通告出, 係INVITE 一D 有需要既小朋友去玩遊戲~

thomas982226

回覆 Ronnym 的帖子

請問你有無幫小朋友外出私補?還是每天自己跟功課外再加溫習呢?

PakHongMa

好多家長都話學校好谷下, 好多小朋友放學好辛苦仍要私補, 需要家長係學術和品行上好多支援, 耐不耐又會俾電話D家長, 令部分家長和學生好大壓力

PakHongMa

聽聞呢間野D老師不時致電家長,催促家長在學術上和品行上支援學生,以配合學校的要求,攪到家長和學生都好大壓力,大部分學生都要放學後自行外出補習. 校長在短片中不斷強調英語和資優教育,似是一個綽頭,實際運作上, 卻忽略了很多學生的實際需要和能力,亦沒有考慮學校的師資,能否在沒有家長協助教學下,大部分學生仍能自行應付.

數學出得勁深,聽聞曾經有一屆,約一半小六畢業生的成績表中數學科不合格,攪到D家長好徬徨,唔知點樣幫仔女搵學校.

PakHongMa

我見很多有讀寫障礙或自閉症兒童在培基成長得唔錯，甚至認識一個讀寫障礙+自閉症學生最初入學時，全級接近考包尾，1個英文字都串唔到，但在培基畢業時，竟然成績去到Band2頭。由於這些SPLD學生一般較單純丶溝通表達等與人互動的能力較弱，傳統單向的教學模式對於他們反而是較有利，因為沒有太多選擇、變化，要求簡單清楚，不必太多思考，只需透過重覆操練就能達到要求，因此，這些SPLD學生在培基會建立到成功感和自信，成績自然不斷進步。

如果你的子女是有讀寫障礙或自閉症，我會推薦培基。他們在這方面支援得唔錯，會有很多資源，例如：小班教學丶輔導班、補習班等。培基老師對SPLD學生是很關愛的，但對資優學生則較多投訴和指責。

1706baby

自己衡量小朋友的性格、喜好及能力！
不要因名聲而選擇！
因很多培基的學生、家長
都係自發性的格外培訓、培育小朋友！
成功並不是三言兩語

PakHongMa

回覆 1706baby:

「...不要因名聲而選擇...」
同意，更不要輕易相信學校宣傳中，所強調的資優教育，英語教學及關愛。
家長自己要有批判性，揀校最重要的，是前線老師能否配合現今學生的學習模式，如果一間學校不時要求學生/家長在學術丶行為配合學校要求，表示學校只是不斷把問題丶責任推卸給學生/家長，這是教育麼? 這是關愛麼?

「...家長都係自發性的格外培訓...」
同意很多家長學生自發...之前提及有 SPLD(讀寫/自症)學生因自發努力，加上傳統丶單向教學模式下，在培基成長不錯。
但由於部分培基老師會向家長投訴或說其子女的不足，令不少家長學生受壓, 他們在不情願下被迫自發...