仔仔係咪有自閉傾向？

Loveucpy

我由bb一歲已經好留意小朋友各方面發展！因為自己係全職媽媽！所以小朋友各方面發展我都睇到曬！我小朋友家下2歲2個月..開始讀pn班..讀左一個月到！老師話佢專注力比較弱！坐唔定..眼神接觸比較弱！叫佢個名佢都唔回應..但我係屋企叫佢！佢係會番轉頭望我！佢對我眼神接觸係比較好！對其他人就真係比較弱！未至於完全唔望！但停留時間比較短！所以我開始好擔心！我仔仔係認知方面係比較強！記憶力係比較好..但我覺得佢可能有感統的問題！例如佢一歳到就對聲音係好敏感..例如門鐘聲..洗衣機聲！而且我留意到佢唔仲意玩會轉的野！例如去迪士尼佢唔仲意！好驚玩旋轉木馬..去冒險樂園坐上去果d車車都唔敢玩..佢言語發展方面係ok ..可以講到好多詞語同簡單句子！例如：謝謝爸爸..謝謝媽媽..花花黎架..番學啦..咩黎架辣辣..爸爸早晨..等等！通常可以講到4-5個字..但我就唔係好明佢做咩會好驚玩一D會轉ge野...我好擔心佢係咪有自閉...定係感覺統合失調！我好想係佢3歳之前開始幫佢！請教各媽媽我現在可以點做啊！？有無感覺統合課程可以上架？係咪要排期.....？

hha

同我個仔細d嗰時，依家評咗自閉徵狀。你可以直接同老師及健康院提出想排期評估，健康院會有簡單assessment, 比問卷家長及老師填，佢地會再教你點做，大約排一年多可以見CAC。其實想排要快，五歲評估到先有機會排到服務。

hha

細個嗰時幾似

cwtlovelkm

同我個仔一樣，我個仔現在3歲2個月，剛被評為自閉症譜系

WB1115

原帖由 Loveucpy 於 15-08-25 發表
我由bb一歲已經好留意小朋友各方面發展！因為自己係全職媽媽！所以小朋友各方面發展我都睇到曬！我小朋友家 ...

2方面，
第一，聯絡健康院要求評估
第二，出去搵職業治療師做感統評估及訓練，唔中意轉同前庭覺有關，而前庭覺又同眼外肌有關，坊間職業治療有協康，邁步，領思，優質等等，你搵1間快啲唔好排咁耐嘅，另外做訓練時，治療師會教你係屋企點做訓練，記得跟住做。。

Loveucpy

回覆 hha 的帖子

如果小朋友評左自閉係咪唔可以讀正常幼稚園架啦？唉

Loveucpy

回覆 cwtlovelkm 的帖子

請問你仔仔2歲時語言發展係如何！？語言發展如果ok 都係會評自閉嗎

doraemon298

回覆 Loveucpy 的帖子

有沒有表示要和不要, 明白媽媽, 爸爸說話指令,  如果以上做不到或無緣無故發好大卑氣, 就要睇CAC, 通常你仔仔這個年齡是正常發展

Loveucpy

回覆 doraemon298 的帖子

明白指令..叫佢佢都會做！對住熟悉的人眼神接觸比較好！其他人就選擇性眼神接觸！說話同認知就比較好！但佢有時會有d固執行為...

chingchingma89

你仔仔D徵狀有D似我仔，我仔喺CAC被評為懷疑自閉症譜系。

Loveucpy

回覆 chingchingma89 的帖子

請問CAC係咪政府的評估中心？要排期的嗎？

fishcowcow

徵狀有部分似, 最好快啲打去健康院同姑娘約期, 話覺得小朋友發展好似有啲問題, 如健康院醫生應該認為需要, 會寫紙轉介你去政府的評估中心

chingchingma89

係呀，先去健康院見姑娘，健康院會再安排見醫生，如有需要，佢地會轉介衛生署的智力發展評估中心作評估。