今日去健康院姑娘話我個仔肯定係資優生

mikepanda

我個仔今年三歲零四個月，一歲嘅時候識得背A－Z大細楷，一歲半識得用英文由1讀到100，兩歲識加減數，兩歲半識英文拼音，成本英文故事書可以讀晒出嚟，識得寫自己個名同少量中文字，英文字全部大細楷識得寫，三歲識得乘數至雙位數，但咁耐以來全部無師自通無人教佢，佢有一排揸住個計數機玩咗成個月，又有一排揸住個鐘自己不停教時間就學識左個鐘點睇幾多點，兩歲幾自己揸住本字典喺度玩，平時佢同我哋啲大人玩嗰陣轉數好快，UNO同接龍已經識點去贏，但係佢一啲都唔玩玩具又唔同同年齡嘅小朋友去玩，依家三歲零四個月我哋帶咗佢去健康院，將佢嘅嘢同姑娘講，姑娘同佢做咗一啲測試，之後話佢程度已經去到小學二年班，話我地個仔絕對係資優生，而家太細個冇地方可以跟進，但係父母應該要小心去栽培佢，姑娘話出邊有一啲比資優生父母讀嘅課程介紹我哋去讀，姑娘仲提醒我哋個仔好快會超越我哋，所以應該會特別難搞云云。

piglet0529

原帖由 mikepanda 於 15-06-15 發表
我個仔今年三歲零四個月，一歲嘅時候識得背A－Z大細楷，一歲半識得用英文由1讀到100，兩歲識加減數，兩歲半 ...

多帶他到圖書館及各博物館科學館

ABC-DAD

父母讀下相關嘅課程係好嘅，除知識層面外，識多啲家長，係好好嘅支援伙伴，無論情緒上同資源分享都係好事

ABC-DAD

十歲以下都適宜開始多接觸大自然，認識運動的好處

小曳人

如果方便的話，可加入資優教育學校嘅家長同儕支援小組，有分中小學，相信你有興趣的話，參與小學組都得
不過上埋6月就放暑假，下一次係9月頭，每個月第一個星期三晚有聚會，到時有HKAGE職員講解一d大家相關/有興趣嘅topic

另外亦會有d講座，講資優兒特性以及處理方法

derek0811

估計IQ至少140！！好犀利！恭喜你，要好好培養EQ及人格情緒，智力及學業方面佢會大量自學，不心太費心。最緊要教好佢點做人，呢個至係佢將來有冇前途的關鍵。記住，甲級罪犯及社會尖子的分別！

gingerm

原帖由 mikepanda 於 15-06-15 發表
我個仔今年三歲零四個月，一歲嘅時候識得背A－Z大細楷，一歲半識得用英文由1讀到100，兩歲識加減數，兩歲半 ...

嘩，你小朋友好勁呀

gingerm

你小朋友情緒好唔好呢？

964000

原帖由 mikepanda 於 15-06-15 發表
我個仔今年三歲零四個月，一歲嘅時候識得背A－Z大細楷，一歲半識得用英文由1讀到100，兩歲識加減數，兩歲半 ...

實係資優，不過聽到有點頭痕，實在走得太快了，會miss了玩「低能野」的童真及快樂。

mikepanda

其實係工作以外我都鍾意玩低能野，都唔知點解會生咗個咁嘅仔出嚟

JCR

真的有好處也有壞處 ， 好處是你會覺得都不需教他，他自己會學，省了補習的钱及時間，學習方面很好沟通，稍解釋他就會懂或是自己找答案，而後來，甚至要學習他正在接觸的， 否則就少了個話題，甚至慢慢會覺得跟不上他

壞處是，這樣的孩子學的東西快也多，有時候說出來的話可能會嚇你一跳，覺得這樣年纪的小孩不應有這樣的想法，少了一些童真

但怎說，都是自己的孩子，能給的就給他，健康快樂更重要，而情商真的比智商重要的多，但是，智商高的， 一般情商會差些

cwtlovelkm

真是好叻，數學一定是資優

fannycat23

我都想知:
你小朋友情緒好唔好呢? X2

ABC-DAD

我想分享一下，在六歲前，評估之前，係父母原來嘅培育方向成就左一個gifted child, 如果因評估而改變方向，或過份專注知識層面，後果未必盡如人意。

07mama

mikepanda 發表於 15-6-15 23:51
我個仔今年三歲零四個月，一歲嘅時候識得背A－Z大細楷，一歲半識得用英文由1讀到100，兩歲識加減數，兩歲半 ...

除左學野快之外, 無其他特別事幹? 例如固執, 唔理人, 自己好專注咁玩或研究, 叫佢都唔知.

NLai

要注意佢同同齡朋友的友情發展關係，我呀女資優，好難同朋友仔溝通到，佢想法太多太成熟，近來帶佢去睇心理醫生，仲話佢自我優越感太強，要去學同人溝通相處，我係凡人，都俾佢煩死。無計，鬼叫係自己細路。

mikepanda

他真的一點童真也沒有，說話很大人，話人唔啱，又會教返你轉頭。n班開學時佢有嘗試同同學傾解，問人加減法，無人識答佢就開始吾同人玩。。。

mikepanda

他份人好固執，話甘就甘，都幾難改變佢諗法。好容易發脾氣，真好多口水先搞得掂。有時罵到佢喊問佢有無錯好堅持自己無錯，都幾難搞。

derek0811

開始閱讀未？ 好快可自學！