考第幾先叫好?

ANChan59

原帖由 IloveJJ 於 15-06-01 發表
可以講下點解小學名次30幾，到中學又會名列前茅嗎？

有機會的，如果入到坊間稱為 Band 2，3中學。

wan_sosin

原帖由 IloveJJ 於 15-06-01 發表
可以講下點解小學名次30幾，到中學又會名列前茅嗎？

其實上到小五，小六，成積已上返將近中間，但仍在唔讀書狀態！小六嗰年，自己同自己講，做人要為下自己，決心要盡力！之後經常開夜車去讀書！我其實知自己並不笨，我其中一個家姐也覺得我成積差不是因為我唔夠聰明！當中係有原因，不過再講就無謂啦！

little_yolky

MrBeast 發表於 15-5-31 17:40
盡力與谷只是差一線，有時stretch 下孩子極限不一定是壞事，但父母唔為意好易進入dark side，因加得減，我 ...

我會用一招以退為進！

例如, 我認為女女既小宇宙有2000指數, 我會set標準1800, 咁當佢做到1800, 大家可以相安無事, 嘻嘻哈哈。當女女某次達到2000, 其實只不過係佢應得指數, 但我會表現極開心(當然, 要加多兩錢肉緊, 俾D戲, 唔好俾阿女識穿), 我開心時阿女又開心, 佢就會不斷持續地進步, 2100, 2200就指日可待了。不過, 過程可能唔係一時三刻, 但持續性就好長遠, 阿女D中文我就係用呢招, 近期開始用响英文度, 進展良好, 可能可以用埋响數學都唔定。


至於阿妹就唔可以用呢招, 阿妹既情況係指數2000, 要set目標去2500, 否則, 好快佢會變1000。

MASAYA

little_yolky 發表於 15-6-1 10:44
我會用一招以退為進！

例如, 我認為女女既小宇宙有2000指數, 我會set標準1800, 咁當佢做到1800, 大家可以 ...

我大女平時同妳細女類似情況，之前叫佢過到自己就得佢就懶懶閒，我畀左幾年時間佢按自己步伐行，但幼稚園同小學老師都叫我地對佢要求高d，EK前輩都畀意見話set高少少要求去進步，近排試下要求高d佢又做到，但做唔到又唔會鑽牛角尖，可以努力d等下次機會，初初只係唔想佢太重視結果而忽視過程，而家睇返轉頭，佢適合開頭唔好急整理好對成敗既執著，之後畀少少壓力佢去成長，不過都仲只係初小，過一排再睇下點
我細女學習就唔駛點理，佢自己鍾意試到得為止，但就好易出意外... 所有新聞報導個d都要留意住先得...

little_yolky

wan_sosin  很好,每個小朋友都唔同方法.   發表於 半小時前


好搞笑, 有一次我左手一個右手一個拖住出街。正在同家姐傾計, 突然, 妹妹好唔開心咁問我：媽咪點解你同家姐講哩咁溫柔既?

老實講, 我自己都唔太覺得, 不過, 小朋友睇到, 就緊係真有其事啦。咁我就同佢講, 緊係啦, 家姐平時好溫柔嘛, 我見到你哋好似睇到面鏡咁, 你惡我咪惡囉, 家姐溫柔我咪溫柔囉。咁佢無出聲, 無駁咀, 好似都同意咁。

同日下午, 唔記得乜事, 阿妹做錯事, 例必俾人鬧啦, 突然佢四萬咁口對住我笑, 佢話：媽咪, 我依家對住你笑喇。

ANChan59

醒目女！

S-Kwok

原帖由 little_yolky 於 15-06-01 發表
wan_sosin  很好,每個小朋友都唔同方法.   發表於 半小時前

欣賞妹妹記得媽媽嘅教悔

wan_sosin

little_yolky 發表於 15-6-1 11:41
wan_sosin  很好,每個小朋友都唔同方法.   發表於 半小時前

真係好攪笑,好開心的三母女!好好記低呢d事情,第日比D女睇返!

akys

IloveJJ 發表於 15-6-1 08:43
可以講下點解小學名次30幾，到中學又會名列前茅嗎？

小學和中學的評分標準不同，小學要跟足詞彙，Model Answer. 這種答法對某類孩子有優勢，以熟讀為本加上天性小心就可以取得好成績。同時範圍不多，學科亦只有中英數常4科。有些聰明，記憶力好但隨意溫習的小朋友在小學階段只可拿到中上成績，與前列無緣。
但進入中學後，多了好多科，範圍又大，有時七八十分已可躋身前列，不會相差幾分就跌四五十名。這時聰明記憶力好的就比較容易跑出，重點溫習，捉題的重要性高了不少。如果本身數理強的優勢更大，起碼花在這幾科的計數溫習時間比其他同學少好多。不過，一線小學裏又聰明又聽話又勤力又記憶力好的學生為數不少，呢類大部份時間都在前列，冇得追！
其實影響比較大的還有青春期的影響，本來前列的突然不合作，打機，拍拖，搞活動，音樂體育訓練等； 此上彼落，就俾個位別人坐。

Obiepapa

原帖由 longlokma 於 15-05-28 發表
完全不讀書可以中上有什麼好？有什麼值得高興呢？

一来中上並不算好成績，二来讀書是學生的責任。無論學生 ...

考第幾先叫好（成績）？肯定系要名列前茅先得啦

Obiepapa

原帖由 ANChan59 於 15-05-29 發表
我估他的意思是不用花太多時間溫習，如果完全不用溫習，孩子上課一定好專心，或者做了預習，有問題，上課時 ...

肯定想他們有天生聰明啦都系彩數。

little_yolky

Obiepapa 發表於 15-6-1 19:37
考第幾先叫好（成績）？肯定系要名列前茅先得啦

我眼中只有級第一先叫做好, 我阿女一定做唔到。既然一定做唔到, 咁就無期望, 無期望就唔會失望, 所以我哋心情都幾輕鬆下。
話時話, 下個禮拜考試, 仲未見佢溫書添。

little_yolky

IloveJJ 發表於 15-6-2 09:55
我覺得入到b1個比例就叫好! 不過，入唔到都唔緊要。btw,你女都好hea噃，下星期考試，而家都未溫?



  ...

係呀, 未提佢丫嘛, 連我都唔記得, 何況佢！

平時叫佢溫中文, 佢話：媽咪, 中文唔駛溫的。
咁叫佢溫英文, 佢話：溫咗了。
到溫常識, 佢又話：其實常識科最緊要記得D字點寫就得, 好淺的。
咁聖經呢：背晒金句了（吓, 阿女你幾時有背過?）
阿女, 禮拜五要考音樂paper喎, 佢答：咁前一晚早D瞓啦。


數學已經放棄唔叫佢溫了。

wan_sosin

原帖由 little_yolky 於 15-06-02 發表
係呀, 未提佢丫嘛, 連我都唔記得, 何況佢！

平時叫佢溫中文, 佢話：媽咪, 中文唔駛溫的。

媽媽掛住上EK,唔記得提個女溫書
你囡囡分析能力幾好喎，科科都分析過個形勢！
上次數學有咁大進步！保持住已經好好！

MASAYA

little_yolky 發表於 15-6-2 09:32
我眼中只有級第一先叫做好, 我阿女一定做唔到。既然一定做唔到, 咁就無期望, 無期望就唔會失望, 所以我哋心 ...

有日妳女考級第二, 無限接近第一, 妳都唔覺得佢考得好?

little_yolky

MASAYA 發表於 15-6-2 10:39
有日妳女考級第二, 無限接近第一, 妳都唔覺得佢考得好?

唔好, 因為我自己就係永遠的級第二, 以前測考, 沒有100分, 我係唔會滿足的。

不過話說回頭, 依家佢考級40%, 我都覺得好, 什麼都係好, 好, 好, 叫佢繼續努力就得, 因為佢唔係懶散的人, 努力就好。