考第幾先叫好?

babykenny

你接受到自己小朋友考第幾先唔發火?以前細個，10名內都已經叫考得唔錯，而家既年代，身邊好多朋友都要求考頭3名先叫好!

MASAYA

babykenny 發表於 15-5-24 00:02
你接受到自己小朋友考第幾先唔發火?以前細個，10名內都已經叫考得唔錯，而家既年代，身邊好多朋友都要求考 ...

咁老婆要老公搵幾多錢畀幾多家用先唔發火？老公要老婆煮幾多度菜，美味指數幾多粒星先唔發火？
我知自己小朋友有幾量重，佢盡責做好自己工作，成績係佢能力應到既位置落差不大就相當不錯

上小一前我要求唔高，初小覺得有前40%就滿意，不過我小朋友總會給我驚喜，所以學習路上充滿喜悅，愉快心情帶來正向動力，良性循環下相對較易進步

dlee_ca

個樣生成點先叫做靚？

kenwong888

babykenny 發表於 15-5-24 00:02
你接受到自己小朋友考第幾先唔發火?以前細個，10名內都已經叫考得唔錯，而家既年代，身邊好多朋友都要求考 ...

Exactly true!

Yanamami

考第一同考第尾都係自己生出黎，小心佢發火話阿媽做乜你d genes禁差，生到我禁蠢考唔到第—呀~

發唔發火係睇佢学习态度，而唔係睇佢考第幾喎~

遠離—d思想不正確既朋友好d~

洋蔥頭媽咪

好睇家長你自己咩心態？
我小朋友考第幾我都唔會發火，我重視孩子態度多於重視結果，孩子從小培養倒良好態度，學習方能持久。切勿羊群心態做怪獸家長啦！

karen55407

無錯！每次扯火都係小朋友的學習態度:good有努力準備考試的話，未派卷我已經叫小朋友唔使緊張，就算唔合格都唔緊要，只要下次再努力，再小心啲！我適逢兩個小朋友成績一個優異，一個一般。叻嗰個如科科九字頭就讚，另一個合格晒就讚。都係因材施讚吧！

poonseelai

曾看個一篇文章，一位小學老師分析畢業生長大後發展，結果考第十名嗰個工作發展優於前十名，原因是頭十名是老師和家長焦點，自己更集中精力在學業，不想令自己和身邊人失望。考第十名的因不是焦點，會發展下自己興趣，多D接觸其他人和事，不是只讀書，日後在工作上更零活。當然凡事不可一刀切，亦因時代環境改變而影響結果，但自己工作上亦接觸不少學業成績叻而做事一舊雲的同事。

notcool

Also depends on his/her ability and how he/she approaches the learning. But now the battle involves too many resources and generals. So, the little soldier is under lots of demand

Ceci333

哈哈！ 原來小朋友考得不好家長有權發火？好像發火是必然的？
又，發火就代表下次就會考得好？ 那家長非常易為了。發下火就什麼都變好了。
那麼，老婆發下火，老公就賺多了；
老公發下火，老婆就煮得好味多了。

世界真容易。發火就可以了。

ronniedad

問題係自己個人點先會叫好？可能有d考第一都會話未夠邊間邊間的好。

ronniedad

個人覺得凡事都盡力付出去應付，已經令我拍爛手掌！

Jane1983

睇到呢度，想起朋友講佢姨甥，而家小二，兩年都考第一，已有「守業」的心，一定要要求父母cut課外活動...7歲人仔，守到幾時？

我吾想自己小朋友有守業的心，要識向前衝。

chansiub

我也聽過類似理論。其實指出一個人要平均。

ahlok0109

係度，時不時都只係見到家長對小朋友嘅要求，但係家長有冇掉反轉諗，有一日小朋友大個左對你咁講你自己會點。我自己嘅目標係令小朋友有一個快樂嘅童年，打好一個學習/自學嘅根基:

你做乜生到我咁蠢，人地讀一次，我讀三次，浪費哂我玩嘅時間。

你明知我語文差，你一早就應該俾個好嘅語言環境我啦，早啲送我出國學英文，暑假就送返大陸學國語。乜都唔做攪到我中英都差。

幫到我嘅人你又唔識，錢你又冇，攪到我條路特別難行。

教我你又唔識，只知攞高分，你明唔明打好根基俾分數重要好多啊，根基好可以累積，可累積先會越黎越多知識架。

我唔會似你，如果冇錢又冇能力，我唔會生小朋友。

MASAYA

Jane1983 發表於 15-5-24 10:28
睇到呢度，想起朋友講佢姨甥，而家小二，兩年都考第一，已有「守業」的心，一定要要求父母cut課外活動...7 ...

同意, 進步比成功更有助成長

eviepa

我女兒讀小學時，對她基本上是零要求，從來未發過火。

Jane1983

回覆 MASAYA 的帖子

係呀，進步緊要。
小朋友盯住考第幾，好容易局限自己，同埋易引起嫉妒或者其他不利社交發展的情绪。

天大地大，考第一吾代表也野，希望小朋友學懂睇遠d、想多d。