2歲4個月比較聰明嘅小朋友

Brainwave

睇咗一排呢版，都唔敢出post,  因為我小朋友又真係未必有你哋d小朋友咁叻，但我都覺得佢係某方面係比同年齡嘅小朋友叻dd,  所以想睇下有無差唔多情況嘅小朋友係呢度呢？等我哋可以交流下。

首先我個仔剛剛2歲4個月。我覺得佢學嘢真係好快，我哋從來無谷佢學嘢，(又未至於叫自學，有畀佢睇youtube,  一齊睇書咁)  不過佢又真係好有興趣學，記性亦好好。

- 佢20個月已經識晒A-Z (順序或唔順序)
- 數字1-50中英文無問題，仲開始有加數概念，如問佢媽咪，爸爸，加埋爺爺嫲嫲有幾多人呀？佢可以答到。
- 最近睇youtube學識咗法文嘅1-20, 佢係第二度聽過法文，就想學啦。
- 中國數字一至十都識啦。
-形狀，顏色中英文已經識好多，仲可以講red circle,  blue square咁。
- 識分得大小，長短，高矮，左右， up down。
- 咩都講到，仲問好多問題：咩嚟㗎？邊個買㗎？食咩呀？媽咪煮飯未呀？
- 一日到黑都要睇書，佢未夠一歲已識自己番書仔睇。見到字母或數字識就好開心咁讀出嚟。

係唔係資優對我嚟講唔重要，compare to你哋嘅小朋友，我甚至覺得佢唔係。
但我亦認為佢係叫聰明嘅，就係因為咁，我怕會因為忽略咗佢嘅天分，錯過咗幫佢發展嘅最佳時機。

MASAYA

keep住佢既求知慾，咁就永遠唔會錯過佢發展既最佳時機

olivia601

回覆 Brainwave 的帖子

你個仔同我個仔好相似，我個仔依家3歲半，諗返2歲幾嘅時候都係做過一樣嘅嘢，但到K1返學開始出现問题，所以我去咗做資優評估，先發现原來係資優生。

Brainwave

原帖由 olivia601 於 15-05-15 發表
回覆 Brainwave 的帖子

你個仔同我個仔好相似，我個仔依家3歲半，諗返2歲幾嘅時候都係做過一樣嘅嘢，但到K ...

咁佢返學遇到咩問題呀？
你通常點湊佢教佢？

唔好意思，咁多問題。

Brainwave

原帖由 s.andp 於 15-05-16 發表
我女兒情況相似，但無數天份

你個女幾歲呀？

olivia601

回覆 Brainwave 的帖子

我仔返k1時候，唔鍾意同人玩，一個朋友仔都無，D同學仔掂吓都唔得，好少出聲，成日話唔返學，然後我就幫佢轉咗間英文幼稚園，依家好好多嘞，開朗咗好多，終於有朋友仔嘞，仲日日都话去new school.

olivia601

回覆 Brainwave 的帖子

講起點教佢，我D個阿媽真係慚愧，我成日掛住返工，好少陪佢教佢，所以佢係自學多

happybbg

我女18都係甘。15個月識晒A-
Z, 認到11個顏色。16個月識1-20, 識得分左右，數物件，知道 pentagon,hexagon, heptagon, octagon有幾多邊，由頭到腳全部身體部位可以見到既都識晒， etc.... 都好喜歡自己睇書，目前已經睇緊ort 2, A~
Z phonics 都識得晒。有個問題就系當上playgroup时教緊已經識晒既野，她會覺得好悶，唔會坐定…

happybbg

同埋好鍾意問我點解。我本身無咩常識，所以要買本1000個為什麼既書返來睇，以便可以答到佢。做家長真系唔簡單

olivia601

happybbg 發表於 15-5-16 18:08
同埋好鍾意問我點解。我本身無咩常識，所以要買本1000個為什麼既書返來睇，以便可以答到佢。做家長真系唔簡 ...

我仔最近問我點解你有波波嘅(指住我個胸問)，跟住話可唔可以睇吓，我即刻o咀

Brainwave

原帖由 olivia601 於 15-05-16 發表
我仔最近問我點解你有波波嘅(指住我個胸問)，跟住話可唔可以睇吓，我即刻o咀 ...

我仔好清楚點解我有波波
因為我仲餵緊人奶。

happybbg

我都系。呢排仲成日揭自己件衫上去，話d熊仔，公仔肚餓，餵佢地食奶。笑死我

Brainwave

原帖由 s.andp 於 15-05-17 發表
我女兒快3歲，坐唔定，我英文超差，她讀村校，但英文已經句子，唔小心播左張phonics vcd ., 聽了一次識曬co ...

有語言天分喺香港已經著數好多！

Radiomama

資優不資優，有何不同？

幼兒階段，一切仍在發展，多識一個生字、會否加減數根本不重要。不如留意大小肌肉發展如何？情緒是否穩定？吃得好睡得甜？對身邊事物人充滿興趣和期待？

幼稚園會教的、你不需要太早教授；做多了説多了不代表人會聰明，只會有反效果地生厭。

資優評估也不是要test小孩識幾多，完全是兩碼子的事。香港韋氏第四版最好有六七歲才進行；兩三歲就去評估，不可靠。

bennyeva

我囡兒兩歲半，同你小朋友情況參不多，語言、求知慾、觀察力、認知強，但活動能力等其他就同正常小朋友一樣。我無比小朋友睇電視電話，一般都係學校同生活教育。

之前都同你一樣擔心會錯過教育佢嘅時機，但聽過其他家長分享之後，而家諗真d，其實佢係唔係資優我都係咁教，佢問多d問題，我就答多d答案，keep住佢好奇心，揾間有愛心而又會尊重小朋友「個別發展」嘅學校就得，成績嘅野一向隨緣，唔好因為佢「比較」聰明，而比佢太大嘅壓力。

我覺得最緊要係小朋友無情緒問題，做人開開心心就得^_^如果你怕佢變成低成就資優的話，看幾本關於資優兒童嘅書，應該會幫到你，加油！

MASAYA

bennyeva 發表於 15-5-17 18:45
我囡兒兩歲半，同你小朋友情況參不多，語言、求知慾、觀察力、認知強，但活動能力等其他就同正常小朋友一樣 ...

佢問得多你答得多係好好既起步，之後引導佢嘗試自己搵答案就更好，不過如果小朋友足夠聰明，好多時自己會學識搵答案，咁你可以更多精力時刻留意佢既社交同情緒方面，加油！

Brainwave

原帖由 bennyeva 於 15-05-17 發表
我囡兒兩歲半，同你小朋友情況參不多，語言、求知慾、觀察力、認知強，但活動能力等其他就同正常小朋友一樣 ...

你講得好好，我都係咁，從來唔特別要佢學嘢，佢有興趣就教，佢問就答，見佢本書睇到倒轉都記得，就買本深少少嘅，學幾多都係由小朋友主導。

我覺得學術嘢喺呢個年紀識幾多根本唔重要，反正返學遲早都會識。我關心嘅反而係佢嘅學習興趣，好奇心，觀察力呢d更影響深遠嘅嘢。

有什麼書你認為值得睇？可唔可以介紹下？