好慘呀! 老師成日編埋坐d頑皮仔隔離!

maywei

我個仔讀緊小一, 因為佢文靜, 成績好好 (通常考全班三名內), 老師成日編排佢坐埋d問題學生隔鄰, 結果差不多每日都有新花樣, 例如唔見文具, 唔見手表 (baby-G), 唔見匙叉, 搶我個仔支鉛芯筆, 然後攞咗入面支鉛芯唔比番佢, 又畫花我個仔本功課冊, 打交, d 同學默書出貓... 我同我個仔幾乎陷入瘋狂, 每個禮拜都要打電話投訴/交紙仔比老師...  成日要同老師講個"頑皮"同學d品行, 但係個問題同學依舊故我, 直情無乎.  

請問你哋會點做?   

Mimi_Ma

maywei :

在小一時我囡囡的情況和你差不多.  我的做法是向老師表達囡囡上堂情況影響後的學習表現,上學唔開心及每天不肯上學,  可能我說得誇張及加幾錢對女兒現狀的心痛表情. 老師最後都接立意見掉位.  如你直接表達要求掉位,  老師一定有諸多解釋坐位安排,  結果都唔掉位的

sisima

呢d通常係老師既策略, 唔想幾個'頑皮坐在一起,影響成班情緒,一般會找d乖既唔多出聲坐係d頑皮同學隔離.我知而家好多小學每班會分一組組坐,到一段時間就會轉人及轉組的.唔知你間學校有無這樣做?以前我個女個組係全班最乖個組,成日有貼紙獎勵,但而家轉左組,就比其他同學影響左,上堂多左好多傾講.因為隔離坐左個'口水仔'囉!不過佢成績又唔係差,又唔會好似你個仔既同學咁頑皮.
其實你再反影給老師都係無用, 佢會覺得將個頑皮學生調走,可能其他家長一樣投訴. 如果真係忍唔到,就直接寫信給校長正視一下(可能作用唔會很大,但起碼要佢跟進.)如果唔係唯有等到7月中讀完,希望下年唔會再同佢一班或坐隔離啦!
每間小學都有這類學生.真係避唔到!


  

maywei

各位家長:

多謝你們的意見, 我有績極同個仔申請調位, 可能投訴得太多, 測驗前老師只肯讓我個仔隔多個位坐, 但係咁唔好彩, 測驗時又坐係隔離個行(大家英文姓氏一個C, 一個L), 個頑童仲偷咗我個仔舊擦膠 (但都係新買回來的), 聽我個仔解釋, 佢臨放學襯老師不在意時搶佢舊擦膠. 個頑童真係過份, 死性不改.  我仲記得有次佢無端端撕爛我個仔張 notes.  無法啦!  間學校由電腦派位, o麥人都會讀.

我都有唸過同個仔轉校, 不過佢家姐讀埋同一間小學, 又好似唔方便.  無法啦!  希望遲d有轉機, 不過我覺得最唔低就係個仔成日安排坐係d頑童隔離.

唔知個頑童會不會作文時都作老母等粗俗字句呢!  噢 >_<