港股升市阿媽發癲：「讀完大學都唔識炒股 丟架！」

elbar

港股錄得超過2,636億元成交，推高恒指突破28000點收市，全日升743點或2.7%，收報28016點。
港股連日升升升，帶挈不少股民「豬籠入水」，去酒樓吃鮑參翅肚慶祝，更不忘四處「報喜」炫耀自己的戰績。
TOPick 小編今早上班途中，突然收到閨蜜來電，閨蜜哭着訴苦，開口便說：「我被港股害死了」。
小編大感詫異追問緣由，原來在金融機構工作的閨蜜因為沒有炒股，被母親怒斥「丟架」。事態有多嚴重？小編邀請閨蜜自行撰文與各位讀者分享。
以下為小編閨蜜真實自白書，謝絕轉載：
今天早上，我和媽媽吵架了，然後一邊流淚，一邊踏上返工之路。
我同阿媽向來感情不錯，吵架的導火線是港股近日升得快過ICC部升降機，其實港股升定跌，根本與我無關，雖然我有股票戶口，但從來沒有買過股票。
我只是一個每天準時上班，最想準時收工，只希望人工年年有得加，得閒搶下平價機票去旅行的普通打工仔。
點解會吵架？話說早上我仍在睡夢中，就被媽媽的強烈聲線吵醒，她並不是叫我起床，而是開炮「分享」她昨晚出席同學會的不快經歷。
阿媽首先「慈母」上身，自我感慨地稱：

我都供你們（受靶的還有阿妹）讀完大學，你們話曬都是大學生啊，知書識墨，點解唔學下炒股呢？

我聼完呆左，沒有任何反應，阿媽繼續分享同學會的見聞：

尋晚我哋開同學會，D同學成餐飯都喺度講炒股票，我那個同學阿梅話佢個仔，你知道邊個阿梅啦，上次來過我哋屋企那個啊，用左10幾萬來炒股，呢幾天賺左20幾萬，好過你死做爛做，一年都搵唔到20幾萬啊！

唔好講阿梅個仔啦，連做清潔的甜姨都炒股啦，佢仲話我膽小，甘快就放左隻股，起碼有排升啊！

最厲害是阿權個仔啊，他過年後睇好個市，問阿爸攞咗160萬本，放曬入股票市場，依家滾到300幾萬，夠首期買樓啦！

(相片來源：Getty)

我繼續默默無語，或許是因為我沒有反應，終於激起阿媽把怒火，開始「盡訴心中情」：

人哋個個都喺度講自己個仔女賺咗幾多錢，我就無辦法出聲，唔通我同他們講，我D女啊，只是識一天到晚上網睇邊度有平機票去旅行，但完全唔識炒股啊！

我尋晚成餐飯都谷到啖氣出唔到聲啊，你們無咩錢，就攞1、2萬出來，慢慢炒，慢慢學，唔好只是識去旅行！

阿媽越罵越勞氣，繼續人身攻擊

阿梅問我個女做咩工？我都唔好意思講，我個女在xx金融公司做啊，丟架！

聽到此話，我終於忍不住，回罵一句：

那你就不要認我是你個女啊！

然後妝也不化，頭也不回出門上班去。
我知道媽媽是想我們上進，想我們積聚更多的財富，可以追上樓價的通脹，快點有個安樂窩。
但說話未免太過了吧！我不炒股就令她無臉，這是什麽道理？

我自問努力做好自己份工作，努力地儲錢，很傻很天真地希望總有一天抽中居屋，或者樓市降溫，可以買樓有個安樂窩。

我內心都明白，不投資的話，想買樓就等如一場白日夢，永遠遙不可及。
我試過投資，8年多前看好中國股票市場，當時剛出來工作，仍然將大筆積蓄用來購買相關的基金，結果A股市場一落千丈，最近幾天滬深股市高開，還差少少就回本了。
4年多前金屬市場興旺，我也有炒過紙金、紙銀，結果金屬價格下跌，何時能回到家鄉，或許只有「大鱷」才知道。
炒股以小搏大，只要做好功課，審慎投資，學會理財來說是件好事，但是

媽媽，可否不要以收入來衡量子女的成就呢？

ANChan59

「讀完大學都唔識炒股 丟架！」

*********

阿媽 .... 大學都無教 .... 我讀中史架，有份工 ... 執到啦 .....

(如有雷同 實屬巧合)

MASAYA

ANChan59 發表於 15-4-17 11:42
「讀完大學都唔識炒股 丟架！」

*********

阿媽，睇返歷史，次次樓下看更同師奶吹水都係講炒股個陣，唔駛幾耐就好多人跳樓架喇

ANChan59

MASAYA 發表於 15-4-17 11:55
阿媽，睇返歷史，次次樓下看更同師奶吹水都係講炒股個陣，唔駛幾耐就好多人跳樓架喇 ...

我原本都想咁寫
最後留返 d 口德

MASAYA

ANChan59 發表於 15-4-17 11:58
我原本都想咁寫
最後留返 d 口德

我都係寫返過去見到既歷史出黎0者
我呢d 80後有印象既都最少三次啦

Jane1983

個亞媽真係好吾成熟

投資股票致富，有的。但靠炒股票發達的，一定少過炒燶股跳樓/破產的，好多好多...

ANChan59

原帖由 lisinchi 於 15-04-17 發表
本帖最後由 lisinchi 於 15-4-17 12:58 編輯

Jane1983

不過儲錢買股票，都好過狂shopping。

每次見到財務公司，"好大條card数…省回d利息，可以買多條裙!"。就覺得痴线。

JustAParent

香港人清醒吓啦。都說世上冇免費午餐，難道有送上門的大牛市？現在香港人，雖然個個富貴講唔上，但大把人銀包有個閒錢，有人想玩亦未必玩得香港起。到大家被抽乾，乜都要袋住先。

Stillgood2

JustAParent 發表於 15-4-17 19:30
香港人清醒吓啦。都說世上冇免費午餐，難道有送上門的大牛市？現在香港人，雖然個個富貴講唔上，但大把人銀 ...

如果要抽乾，肯定係美國佬。

Cheeselover

原帖由 MASAYA 於 15-04-17 發表
本帖最後由 MASAYA 於 15-4-17 12:17 編輯

股神畢菲特曾經說:當我的理髮師分享如何賣買股票賺錢時，就要開始賣股。
升市時個個是股神，跌市時個個是衰神。
註:昨晚夜市期指和ADR狂瀉，大戶開始有動作，週一通街是蟹。

Stillgood2

Stillgood2 發表於 15-4-17 21:18
如果要抽乾，肯係美國佬。

Animal Farm.唔需要標籤我。
如標籤，你不如查下:雷曼，高盛，QE1，2，3...
太多例子。

annie40

各人的興趣不一様，專長亦有別，大家所焦點上有差異是正常，何別咁認真？

nintendo

原帖由 annie40 於 15-04-18 發表
各人的興趣不一様，專長亦有別，大家所焦點上有差異是正常，何別咁認真？ ...

我淨係知， tbb 星期一又重播丁蟹。

Stillgood2

malFarm 發表於 15-4-1 09:34
講得你有仇美基因就緊係唔係單憑這次單一言論啦
仲有，我唔係財經界都知今次港股成交量由平日少過 ...

可能你對財經知道真係少。唔需要跟你討論了。美國有幾好?有幾唔好? 見仁見智.
如果，你覺得個別意見不一。
而去"標籤"別人。攪笑!

annie40

始作俑者？可能是丁蟹。師奶的知識系咁上下，入丁蟹数都系啱旣。