綜援家庭出身 90後圓機師夢 與恩師拍檔衝上雲霄

elbar

導師Les Gordon（左）和凌健聰以同事身份衝上雲霄。

出身天水圍單親綜援家庭，令兒時凌健聰不敢有夢。直至母親改嫁，有機會轉到國際學校就讀，才知自己最愛飛行，課餘苦修航空知識外，不惜中途棄讀大學，追趕機師夢，終實踐與昔日恩師的約定，二人以拍檔身份，衝上雲霄。

22歲的凌健聰（Clevin）出身於天水圍的基層綜援家庭，當時不敢有夢想。至母親再嫁後家境好轉，13歲時更可到英國進修，之後入讀本地國際學校。他說：「16歲時臨近畢業，開始想自己路向，後來想到航空業。」當同學放學後去消遣，他卻日以繼夜自學航空知識，以及應付公開試。

畢業後他邊修讀科大的商科學位，邊參加「港龍航空飛行證書計劃」，他指計劃有「一對一」導師計劃，讓他可體驗駕駛飛機的運作，且助他拓展了這行的網絡，大大加強入行決心。

棄讀大學　翱翔天際

Clevin兩年前考獲民航機師牌照，更毅然提早離開大學，決心翱翔天際。近年多宗空難事件，Clevin亦坦言擔心發生在自己身上，但他強調「與其只是擔心，我反而會多想若面對同類事件，如何應對，如何保證自己不犯相同的錯。」

愛輕鬆自由 寧當技術員續飛行夢

不少人為當機師而參加飛行證書計劃，但有畢業生完成後認清路向，寧願當飛機技術員。

30歲的馮俊皓（Adrian）讀大學時開始對航空產生興趣，大二時毅然由商科轉讀飛機工程，之後再參加飛行證書計劃。計劃讓他明白「喜歡不等於合適」。他說：「民航機師要非常專業，整架客機乘客的安全都落在機師身上。」故愛輕鬆自由的他寧把飛行當興趣。他現於計劃任面試官及講授課堂：「希望做到Give and take，把我所知的再分享給新一代。」



  

  

Christi

因為這單新聞據說那機師比人笑到面黃。

ANChan59

原帖由 Christi 於 15-03-23 發表
因為這單新聞據說那機師比人笑到面黃。

笑那方面？

Jane1983

轉捩點係亞媽改嫁，家境好轉，其實吾係基層小子發奮成功的故事。

Christi

其實阿仔冇問題、阿媽都冇問題，問題係份報紙將呢單當勵志奮鬥故事（或者標題累事）嚟寫， 於是人地咪順住個思路，話能綜援脫貧＞國際學校＞圓機師夢既原因係阿媽改嫁有錢人。

Christi

又或者港龍公關都有問題，推佢出嚟一心想賣綜緩子做機師個故事來宣傳公司的計劃。

nintendo

Christi 發表於 15-3-23 07:52
因為這單新聞據說那機師比人笑到面黃。

吓？邊個笑？同事？朋友？

nintendo

話時話，各位網友轉文章時，可否 quote 埋出處，比埋 link ?

ANChan59

原帖由 nintendo 於 15-03-23 發表
話時話，各位網友轉文章時，可否 quote 埋出處，比埋 link ?

可能鬥快在爭抝廣場出帖！

ANChan59

Thanks.

nintendo

bladerunner 發表於 15-3-23 10:58
有兩位人兄人姐經常cut & paste報章報導卻又沒有發表自己對那文章的分析或觀點，究竟有何意義及出發點是甚 ...

轉載我 OK，我當多D嘢睇，慳番時間。
但最好 quote 番出處，例如係邊份報紙，邊個的個人網頁或 blog。

呢兩位算好，一睇都知來源係報紙雜誌。

早排有人開 topic 問問題，之後又自己答，
我以為搞乜，原來位仁兄，自己 copy & paste 武航個人 blog 做答案，
人地寫 blog 用第一身寫，因此有自問自答的錯覺。

nintendo

ANChan59 發表於 15-3-23 10:44
可能鬥快在爭抝廣場出帖！

出帖多有乜獎？
其實冇所謂，但真係好多。
D帖推晒好多有用 topic 去底。

ANChan59

原帖由 nintendo 於 15-03-23 發表
本帖最後由 nintendo 於 15-3-23 11:15 編輯

應該冇獎金，除非是五毛或盲毛

Christi

我諗係考到牌之後仲有一連串traning同埋適應，應該比較難兼顧大學學位課程。我又覺ok,人各有志。或者佢真係鍾意飞，待職業上軌道後再part time讀番個學位都得。

ANChan59

所以難怪部份家長認為抄襲冇問題

ANChan59

原帖由 Christi 於 15-03-23 發表
我諗係考到牌之後仲有一連串traning同埋適應，應該比較難兼顧大學學位課程。我又覺ok,人各有志。或者佢真係 ...

我仔的同學在美國是雙綫發展，可能他的大學學科跟飛機師及航空相關，如果學科不相關，雙綫兼顧就會較吃力！

同學仔年半已經有機師牌，現在開始教練牌訓練，看他又不是太大壓力。